2 Sitoli 19:7 - The Keyagana NT and 25 OT books

⁷ Ala kava neʼmo Gotitimoʼmo agoti gemo afitetapaeʼmo lapao vayaʼageʼmo hapa neʼmaya kavafenagi aigofe kavafenagi moniletiʼmo lapakesamo nefaiya kavafenagi huno alagi ohauʼniyaʼmofeʼmo Ala kava nefeʼmo lapaipafatiʼmo koli huʼnetapaeʼmo kavatapileʼmo alagepa hutapa yagaiyo.

2 Sitoli 19:7 ပူးပေါင်းရင်းမြစ်များ

Aepa Gemae 18:25

Kagaemo fatago vayaʼe hosu vayaʼeʼmo magokepiʼmo alika lokaeka kamitimo apamagisanafeʼmo nehana kavaʼmo kagaemo alagi nosana agufa kavaʼmo hugane. Kagaemo fatago vayaʼaitegaʼe hosu vayaʼaitegaʼeʼmo magoke aiyaya kavaʼmo nosane. Kagaemo ma mopafi vayaʼmo alika fako nehana yasi vekamogamo fatago kavaʼmo alagi osugapiye, huno huʼniye.

Aepa Gemae 42:18

Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae.

Samu 82:2

Agaemo agoti gemo neʼafiya vayaʼaifeʼmo hapa painoʼaeʼmo, Hainu afinaʼmo lapakaemo agoti gemo hosu kava hutapa alita fako nehaya kavatapimo aliʼa atalegae. Lapakaemo hosu vayaʼaifeʼmo hapao ke nehae.

Aiyeya 33:15

Haiya vayaʼmogi anaga avefiʼmo lokiya yafapiʼmo alagepa huʼa maigae. Vaiʼmo oʼaliʼa fatago kavaʼmo huge fatago gemo huge hosu kavatetiʼmo afole neʼaiya monimo alisayafeʼmo ohapauge kutulu monieʼmo alagi ohapauge vayaʼmo apamagisaya gemo oʼafige hosu kavaʼmo oʼagesayafeʼmo apaulagamo ali huge hunigeʼa neʼmaiya vayane.

Maika 7:3

Lole apayatalatetiʼmo hosu kavaʼmo nehayaʼmonanafa alagepa kavaʼmo hisayafeʼmo apakesamo noʼafiye. Yagaiʼa apateʼnaya vayaʼmogimo fikumo lamiyo, huʼa hapa nepaiye. Agoti gemo neʼafiya vayaʼmogimo kutulu monimo alisayafeʼmo nehae. Ala apakimo haneʼniya vayaʼmogimo apakaiʼapimo hapauʼniya yaʼmo alisayafeʼmo alu hosu vayaʼaifeʼmo hapa paiʼnageʼapaeʼmo magokepiʼmo maiʼneʼa vegemo nehae.

Matiyu 22:16

Apakaemo geʼapimo neʼafiya vayaʼe Heloti geʼamo akame nehaya vayaʼeʼmo aliʼa apateʼnageʼa agaetegamo uʼapaeʼmo, Tisao, huʼa, ago kageʼnonana alagi lama geʼageʼmo nehana vekamo maiʼneka Goti geʼamo akame hisaya kavafeʼmo lama geletiʼmo alika apaya neʼmalane. Muki vayaʼaifeʼmo koli osuka muki vayaʼaitegamo magoke agufa kavaʼageʼmo nehana vekamo maiʼnane.

Apa 10:34

Pitaʼa aepa faino hapa painoʼaeʼmo, Hemenimo ago afiʼnovana Gotiʼa amega apakufaleʼmo apaketeno hapa noʼmaefa muki haopalega maiʼnaya vayaʼaitegamo magoke agufa kavaʼmo huno hapa neʼmae, huʼna ago afiʼnove.

Lomu 2:11

Na kava hinageʼapaene. Gotiʼa amega apakufale kavatefeʼmo agesamo oʼafino muki vayaʼmo magoke aiyaya kavatetiʼmo alino fako huno neʼapate.

Lomu 9:14

Gotiʼa ani kavaʼmo nehiyaʼmofeʼmo lagaemo na agufa gemo hugune. Gotiʼa fatago kavaʼmo nosiye, huta hisupiye. Haʼao, alagi atalegeno hano hino.

Galesiya 2:6

Mago vayaʼmogi ala apakiʼapimo aliʼnayaʼmonanafa afaʼa ina agufa yane, huʼna huteʼna ani apakiʼapieʼmo nagesamo noʼafuve. Gotiʼa aliʼnaya apakiʼapilefenagi apakufalefenagi huno agesamo noʼafiye. Ani ala apaki vayaʼmogimo magoʼe gemo aliʼa naya oʼmaleʼnayaʼmonanafa

Efasasi 6:9

Aliʼyaʼmo afoʼamogitapae, huʼna, lapakaeʼeʼmo apakaetegamo ani agufa alagepa kavaʼmo hiyo. Koli hisaya agufa gemo hapa opaitapa ataleyo. Lapakaemo ago afiʼnayana yagaino nelapateya vekamo kokuʼnapi maiʼneno yagaiʼa neʼapataya vayaʼaiteʼe aliʼyaʼmo neʼaliya vayaʼaiteʼeʼmo alagepa huno magoke agufa kavakeʼmo huno alino fako huno neʼapate.

Kolosi 3:25

Gotiʼa hosu kavaʼmo nehisaya vayaʼmo agaiʼa aulagaleʼmo haiya agufa vayaʼmo maiʼnafi huno agesamo oʼafigifa anonaʼapilefeʼmo hosu miyaʼapimo apamigiye. Gotiʼa muki vayaʼmo magoke agufa kavatetiʼmo alino fako huno neʼapate.

1 Pita 1:17

Nunumuʼmo nehutapaeʼmo, Afotimogae, hutapa agi neʼaya vekamoʼmo vayaʼai amega apakufalefeʼmo agesamo noʼafifa muki vayaʼaitegamo magoke aiyaya kavakeʼmo huno alagepa huno alino fako huno neʼapateyaʼmofeʼmo ma mopafiʼmo kalaga vayaʼmo maiʼnetapaeʼmo koli hutapa maime maime viyo.

1 Samiyo 11:7

Inagi Soloʼmo lole pulumakalaʼmo anamagino anameʼageʼmo lagauno lagauno maleʼniye. Agaemo ani ameʼamo alino vayaʼaina apamiteno muki Isaleli haopalegamo mani ameʼamo alinituta vayaʼaina apaveliyo. Haiya vayaʼmogimo Soloʼe Samiyoʼeʼmo Amoni vayaʼeʼmo kamemo osisafi ani vayaʼmogi pulumakaʼapimo amagino ani ameʼamo lagauʼniya agufa kavaʼmo huno lagaugiye, hutapa hapa paiyo. Vayaʼmogimo ani gemo afiʼnagenoʼaeʼmo Ala kava neʼmoʼa koli yaʼmo alino apamiʼnigeʼapaeʼmo muki vayaʼmo magokepiʼmo he tiʼa eʼnae.