2 Sitoli 18:27 - The Keyagana NT and 25 OT books

²⁷ Mikaiyaʼa ha painoʼaeʼmo, Kagaemo alagepa huka maiʼneka aika atagineka esanagenoʼaeʼmo Ala kava neʼmoʼa navayafatiʼmo kaha opaiʼniyesine, huno ha paiteno, mukiʼamogitapae, huno, alagepa hutapa mani gemo afiyo, huno huʼniye.

2 Sitoli 18:27 ပူးပေါင်းရင်းမြစ်များ

2 Sitoli 18:28

Inagi Ehapiʼmo Isaleli kini vekaʼe Yihasafatiʼmo Yuta kini vekaʼeʼmo ati vayaʼanimo apavaleliʼuʼana Siliya vayaʼeʼmo kamemo hisayafeʼmo Lamoti taonimo Giliyati kotegamo uʼnae.

Maika 1:2

Maikaʼa ani gemo hapa painoʼaeʼmo, Muki nofi vayaʼmogitapamo mani gemo afiyo. Lapakaemo muki ma mopafi vayaʼmogitapamo Goti geʼamo lapaketafo hutapa afiyo. Ala kava neʼmo Gotiʼa alino fako huno agoti huno lapategaiye. Ala kava neʼmo aote mono noʼafiʼmo maiʼnenoʼaeʼmo hosu kavatapimo ageʼniyanageno agoti huno lapategaiye.

Napa 16:29

Hemenimo mani vayaʼmo faligayaʼmonanafa Gotiʼa mago hanageke yaʼmo oʼapamisigeʼa afaʼa falisagetapaeʼmo Ala kava neʼmoʼa aliʼyaʼamo alisuvafeʼmo lekana paino oʼnateʼniye, hutapa nagegae.

Matiyu 13:9

Gemo afisaya lapakesamo haneʼnisiyana mani gemo afiyo, huno hapa paiʼniye.

Matiyu 15:10

Yesuʼa muki vayaʼaifeʼmo eyo, huno ge huʼnigeʼa eʼa maiʼnagenoʼaeʼmo, lapakaemo afitetapaeʼmo afita aeto hiyo.

Maki 7:14

Yesuʼa halate muki vayaʼaifeʼmo ge huʼnigeʼa eʼa aliʼa anupa huʼa maiʼnagenoʼaeʼmo, Geʼnimo afita aeto hiyo.