2 Sitoli 18:13 - The Keyagana NT and 25 OT books

¹³ Huno ha paiʼniyaʼmonanafa Mikaiyaʼmo apa vekaeʼmo hunoʼaeʼmo, Ala kava neʼmo maiʼniya kava huʼna alagi lama gemo huguve. Gotiʼnimoʼmo na agufa gemo naha paisifigeʼna alagi ani gegeʼmo aeʼna hakalo huguve, huno huʼniye.

2 Sitoli 18:13 ပူးပေါင်းရင်းမြစ်များ

2 Sitoli 18:12

Apa vekamoʼmo Mikaiyafeʼmo keya aeno ge hisiyafeʼmo uʼniya vekamoʼmo agaefeʼmo hunoʼaeʼmo, Alagepa huka afiyo. Muki apaune vayaʼmogiʼmo kini vekaeʼmo ha paiʼapaeʼmo, Kamemo huka aeka apaka segane, huʼa huʼnayaʼmofeʼmo kagaeʼeʼmo magoke agufa gemo kini vekaeʼmo ha paiteka lokiya vaika ato, huno huʼniye.

2 Sitoli 18:14

Mikaiyaʼmo uno kini vekalegamo avaʼyi huʼnigenoʼaeʼmo inagi kini vekamoʼmo agaefeʼmo ge huno afi geʼniye, Mikaiyao, huno, lagaemo afaʼa uta Lamoti Giliyati taonifi vayaʼeʼmo kamemo hisupi osisune, huno huʼnigeno Mikaiyaʼmo hunoʼaeʼmo, Kanalenagi uka kamemo hisanageno Gotiʼa kaha maesigeka taonimo aligane, huno ha paiʼniye.

Napa 22:35

Inagi Ala kava neʼmo enisole vekamoʼmo Melamifeʼmo hunoʼaeʼmo, Ani vayaʼeʼmo afaʼa uvo. Afaʼa uganaʼmonanafa kaha paisuva geʼageʼmo hugane, huno ha paiʼniyaʼmofeʼmo Melamiʼmo Melaki koteʼmo neʼyagaiya vayaʼeʼmo uʼniye.

Napa 23:12

Melamiʼmo geʼaleʼmo aeno atagaina hunoʼaeʼmo, Ala kava neʼmoʼa naha paiʼniya gemo afiteʼna hapa opaisufiye.

Napa 23:26

Melamiʼmo geʼaleʼmo aeno atagaina hunoʼaeʼmo, Nagaemo kagaefeʼmo huʼnaeʼmo, Ala kava neʼmoʼa naha paisiya geʼageʼmo nagaemo kaha paiguve, huno ha paiʼniye.

Napa 24:13

Melakiʼmo noʼafiʼmo siluvaʼe goliʼeʼmo havai teʼnisiya yapatiʼmo namisiyana nagaemo Ala kava neʼmo geʼamo magoke kavatefeʼmo amagiʼna oʼatalegauve. Nagaiʼni nahauʼnisiya kavaʼmo alagepa kavaʼmofi hosu kavaʼmofi huʼna afaʼa osuguve. Nagaemo Ala kava neʼmoʼa naha paiʼniya geʼageʼmo hapa paigesuve.

1 Kolitiyani 11:23

Ala kava neʼmoʼa naha paiʼnigeʼna lapa paiʼnaeʼmo, Ala kava neʼmo kutulu yaʼmo aliʼniya vekamo Yutasiʼa avaleno apamiʼniya haniʼilagamo peleti mayamo aliʼniye.

2 Kolitiyani 2:17

Asole tisa vayatapimogimo umenitata huʼa kagemi yaʼapimo maketi nehaya vayakana huʼa Goti geʼamo aeʼa hakalo huʼa hapa nepaiyaʼmonanafa lagaemo Kalaisipiʼmo maiʼnetaeʼmo Gotiʼa lamiʼniya aliʼyaʼamo neʼalitaeʼmo Goti aulagaleʼmo laipafatiʼmo aeta hakalo huta hapa nepaune.

Galesiya 1:10

Nagaemo vayaʼmogi amuse huʼa natesayafeʼmo nahaʼye nehigeʼna kahauya nehufiye. Haʼao, Gotikeʼmo amuse huno natesiyafeʼmo nahaʼye nehigeʼna kahauya nehuve. Hogoteʼna vayaʼaifeʼmo nagesamo afiʼnovaʼmonanafa hemenimo amuse huʼa natesayafeʼmo nahaʼye nehisigeʼna kahauya nehuvesinana Kalaisi aliʼyaʼamo oʼaliʼnovesine.

1 Tesaloniyani 2:4

Afole oʼaiʼniyaʼmonanafa Gotiʼa lageno aeto hutenoʼaeʼmo alagepa faigoko geʼaleʼmo yagaita ateʼneta aliʼyaʼamo alisunafeʼmo lekana paino lateʼnigeta maiʼnone. Aliʼyaʼamo neʼalunaʼmofeʼmo vayaʼmogi amuse huʼa latesaya agufa gemo osuta Gotiʼa laipafiʼmo lageteno alino fako huno nelateya vekamoʼmo amuse huno latesiyafeʼmo mani gemo nehune.