2 Samiyo 11:2 - The Keyagana NT and 25 OT books

² Mago uneʼmo Neviniʼa hipaʼaleʼmo havaeno maigeno he tino nokatomuʼmo otuleʼmo uno haino uneno huʼniye. Agaemo aulu heno mugalegamo ageyategamo mago a kanomoʼmo aniʼmo nefalegeno ageʼniye. Ani a kanomo alagi alagepa apaulagamo neʼagaya a kanoe.

2 Samiyo 11:2 ပူးပေါင်းရင်းမြစ်များ

Aepa Gemae 12:11

Isipi kotegamo uʼa hogo nehuʼapaeʼmo Emalemiʼa aʼamo Selaifeʼmo ina ge huno huʼniye. Afiyo, huno, nagaemo hemenimo kageʼnovana kagaemo kanale aʼmo maiʼnane.

Aepa Gemae 3:6

A kanomoʼmo ani yosa alagamo ageʼniyana alagepa yosa alagamo aeʼnigeno ageno haʼye huʼniye. A kanomoʼmo ina kava huno agesamo afiʼniye, kanalenageʼna mani yosa alagamo neteʼnaeʼmo alagepa huʼna afiteʼna agegauve, huno huteno ani yosa alagamo lagino neʼniye. Neteno anauʼamoʼmo agaeʼeʼmo lokaeno maiʼniya vekamo amiʼnigeno neʼniye.

Aepa Gemae 34:2

Hamoʼa Hivi nofi vekamo yagaino neʼapateya vekamo mafaʼnemo Sekemiʼa Nainaʼmo agetenoʼaeʼmo avalelino uno agaeʼeʼmo magokepi lokaeno havaeteno hosu kavaʼmo huʼniye.

Aepa Gemae 39:6

Agaemo muki yaʼmo alino Yosefe ayapiʼmo maleteno mago yafeʼmo agesamo oʼafige oʼagege huteno neʼyaʼmo nesiya afinaʼmo neʼyafekeʼmo ageʼniye. Yosefeʼa alagepa agufamo haneʼnigeno apaulagaleʼmo alagepa augosa agufaʼe vekamo maiʼniye.

Aepa Gemae 6:2

Ani afinaʼmo Goti ve mafaʼne anagaʼamogimo ani a mafaʼne anagaʼmo ma mopafi vayaʼai a mafaʼne anagaʼaifeʼmo alagepa apaulagamo apakeʼnaya a mafaʼne anagaʼmo maiʼnageʼa apaketeʼapaeʼmo alisageno aʼne anagaʼapimo maisayafeʼmo hapaʼye huʼniyaʼmofeʼmo aliʼnae.

Samu 119:37

Alu yaʼmo aulu haeʼna neʼagesugekaeʼmo alika aika afe leka nato. Kagae kateʼmo neʼvisugekaeʼmo alika he tika nato.

Mai'naya kavane 19:15

Vayaʼmo alagaʼmo nehapaeya kavaʼmoʼa alino apau kalegekana huno neʼapate. Aliʼyaʼmo oʼaliʼa afaʼa neʼmaiya vayaʼmo apaka tegaiye.

Mai'naya kavane 31:30

Mago aʼnemogimo alagepa gemo nehayaʼmonanafa alagepa geʼapiletiʼmo humi neʼapatae. Alagepa apakufamo ina agufa apakufamo haneʼniyaʼmonanafa Ala kava nefeʼmo koli nehisiya a kanomo ala agiʼamo amigae.

Mai'naya kavane 6:25

Alagepa agufaeʼmo ageka kahaʼye osuvo. Fiku yanageno aulagaletiʼmo aulu kahaeteno kayateʼmo aligiye.

Mai'naya kavane 7:8

Ani neya vekamoʼmo kumai kavaʼmo nehiya a kanomo kipateʼmo uʼniye.

Matiyu 10:27

Hanipiʼmo lapa nepauva gemo ha le yateʼmo aeta hakalo huta hapa paiyo. Lapakaemo vase hutapa afiʼnaya gemo nokatoʼmuleʼmo uta haita maiʼnetapaeʼmo muki vayaʼaifeʼmo alopa gefatiʼmo aeta hakalo huta hapa paiyo.

Matiyu 24:17

Kumatega maiʼnisaya vayaʼmogimo kagemi yaʼapimo alisayafeʼmo noʼapifiʼmo uʼa ohaiyo.

Matiyu 5:28

Mani gemo ago huʼnayaʼmonanafa hemenimo nagaemo lapa paiʼnaeʼmo, Mago vekamoʼa a kanomo agetenoʼaeʼmo haʼye nehisiyana aipafiʼmo ani a kanoʼeʼmo kumai kavaʼmo huʼniye.

Apa 10:9

Egaʼamo Yopa haopalega kateʼmo neʼagenoʼaeʼmo Pitaʼa felugakukuʼmo nehavaeya noʼmo nokatoʼmuʼmo otu nokatoʼmumo haneʼnigeno nunumuʼmo hisiyafeʼmo uno haiʼniye.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

1 Yoni 2:16

Muki ma mopafi kavaʼmo haneʼniyana apakufamoʼmo haʼye nehiya kavaʼmo hanege ageteʼapaeʼmo hapaʼye nehiya kavaʼmo hanege aliteʼa ala apakimo neʼaliya kavaʼmo hanege huʼniye. Ani kavaʼmo Goti kavaʼamo ohaneʼnifa ma mopafi kavaʼmo haneʼniye.

1 Samiyo 9:25

Henagaʼamo apakaemo ani aise aveleʼmo haneʼniya kotetiʼmo ataleʼa taonifiʼmo uʼa lamiʼnae. Samiyoʼmo Soloʼa avalelino noʼamo anagamo uno haino Soloʼeʼmo kegeʼmo huʼnaʼae. Soloʼmo haniʼilagamo ani anaga nopiʼmo havaeʼniye.