2 Pita 3:17 - The Keyagana NT and 25 OT books

¹⁷ Nahauʼniya vayaʼnimogitapae, huʼna, mani kavafeʼmo ava gemo hogotetapa ago afiʼnayaʼmofeʼmo ehetapiye. Fiku yanagetapa keʼaepa gemo amagiʼa neʼatalaya vayaʼai geʼapimo afitetapa atafauta alagi hutapa maiʼnayatetiʼmo ataleta asagauta aigae.

2 Pita 3:17 ပူးပေါင်းရင်းမြစ်များ

Mai'naya kavane 1:17

Mago vekamoʼmo umenimo maleʼnisigeʼa nama anagaʼmogimo agesayaʼmoʼmo eʼa ohaigae.

Matiyu 16:11

Peleti mayaeʼmo nosuvaʼmonanafa na kava higetapa oʼafiʼnae. Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huʼna lapa nepauve, huno hapa paiʼniye.

Matiyu 16:6

Yesuʼa hunoʼaeʼmo, Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huno hapa paiʼniye.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Yoni 16:4

Ani kavaʼmo afole aisigetapaeʼmo, ani agufa kavafeʼmo laha paiʼniya kavaʼmo hemenimo afole aiʼniye, hutapa lapakesamo afita ho hisayafeʼmo mani gemo lapa nepauve. Hogoteʼna lapakaeʼeʼmo magokepi lokaeʼna maiʼnova afinaʼmo mani gemo lapa opaiʼnovaʼmonanafa

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

1 Kolitiyani 10:12

Maiʼnonaʼmofeʼmo lapakaemo lokiya vaita he tita maiʼnone, hutapa lapakesamo neʼafisayana asagauta aigayanagi ehetapiye.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

2 Kolitiyani 11:3

Nehuvaʼmonanafa nagaloʼyavemoʼa Ivifeʼmo aigofe geletiʼmo agesamo faiʼniya kava huʼa mago vayaʼmogimo lapaipa lapakesamo aliʼa hosu huʼa lapatesagetapa Kalaisifeʼmo lapaipafiʼmo lapakesamo oʼafitapa atalesaya kavafeʼmo koli nehuve.

Galesiya 5:4

Lapakaemo hutapaeʼmo, keʼaepa gemo akame nehuna kavatetiʼmo Goti aulagaleʼmo fatago vayaʼmo maigune, hutapa hisayana Kalaisiʼa ataletapa Gotiʼa fikumo lapa maeno nelapamiya kavategamo oʼmaitapa malaga vayaʼmo maiʼnae.

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Filipai 3:2

Lapakaemo afela kalagana huʼa maiʼnaya vayaʼaifeʼmo ehetapiye. Apakaemo hosu aliʼyaʼmo alige apakufamo lagauʼa apateʼnaya kavatetiʼmo apakufamo aliʼa hosu huʼa apatege huʼnae.

Kolosi 2:5

Nagufaʼamo lapakaeʼeʼmo lokaeʼna oʼmaiʼnovaʼmonanafa nauneʼnameʼamoʼmo lapakaeʼeʼmo magokepi lokaeno maiʼnigeʼnaeʼmo lapakeʼnovana Kalaisifeʼmo lokiya vaitapa lapakesamo afita fatago nehutapaeʼmo magokepi lokaeta maiʼnageʼna lapaketeʼnaeʼmo namogaga neʼauve.

Kolosi 2:8

Fiku yanageʼa mago vayaʼmogimo ma mopafi vayaʼmogi ageteʼa afiʼnaya agufa gemo huge afa aigofe gemo huge huʼa humi lapategayanagi ehetapiye. Mani gemo Kalaisitegatiʼmo noʼmefa apakinago vayaʼmogi nehaya agufa gemo ma mopafi kavaʼmo ani kavaʼmo huno afole aiʼniye, huʼa nehaya geeʼmo apakesamo neʼafiya yaʼapifatiʼmo neʼe.

2 Timoti 4:15

Agaemo lusi kava huno ayamukiki huno lagaemo aeta hakalo huta hapa nepauna gelefeʼmo kamemo huno ateʼniyanagi agaefeʼmo maika halove huka ateteka ehekae.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

1 Pita 5:9

Gotifekeʼmo magoʼe hutapa lapakesamo afita fatago nehutapaeʼmo kame hutapa ateyo. Ago afiʼnayana lapakaemo kana yaʼmo neʼaliya kava huʼa muki ma mopafi neʼmaiya konagatapimogimo kana yaʼmo neʼaliyanagi he tita lokiya vaitapa maiyo.

2 Pita 2:7

Lotiʼa fatago vekamo maiʼneno muki keʼaepa gemo amagiʼa ataleteʼa kumai kavaʼmo huʼnageno apaketenoʼaeʼmo aipamoʼmo lusi kava huno kana huʼniye.

2 Pita 3:1

Nahauʼniya vayaʼnimogitapae, huʼna, ago afiʼnaya geeʼmo halate alagepa lapakesafatiʼmo magoʼe hutapa lapakesamo afisayafeʼmo aliʼna he tiʼna lapatesuvafeʼmo hogoteʼna avoʼmo kaeteʼnaeʼmo hemenimo halate henaga gemo avoʼmo nekaove.

Leveleseni 2:5

Lapakaemo muga anaga alagepa kavategatiʼmo ataleta asagautapa aiʼnayanagi hogoteta huʼnaya kavafeʼmo halate lapakesamo afita ho hiyo. Lapaipamo alita afe letetapaeʼmo hogoteta huʼnaya agufa kavaʼmo hiyo. Lapaipamo alita afe olesayana emineʼnaeʼmo aise hiʼyalamutapileʼmo lamumo neʼmalaya hiʼyalamuʼmo aliniʼna uguve.