2 Pita 3:12 - The Keyagana NT and 25 OT books

¹² Muki yaʼamo ata lege kokuʼnaʼmo ata lege huno leno sagalino hano hugiyanagi Ala kava neʼmo afinafeʼmo agava maiʼnetapa malage huno afole aisiyafeʼmo alagepa kavaʼmo hiyo.

2 Pita 3:12 ပူးပေါင်းရင်းမြစ်များ

Samu 50:3

Gotitimoʼa eminenoʼaeʼmo ge osuno afaʼa oʼmaigiye. Atamo lelino uno hogotetesigeno eminegaiye. Alopa yasimo alige ko aige hulino haopaʼaleʼmo egaiye.

Maika 1:4

Umenitata nehisigenoʼaeʼmo avemogimo aiyakafatiʼmo aniʼmo heteno alino lataʼnelino ugiye. Avemogimo anikana huʼa aliʼa hamaleʼnageno lusi kava huno aniʼmo uno lamino muki kagoʼmufiʼmo alino kalokalopatigiye. Ata kaegeno yafaʼmo alino aniʼmo hamaleteno kagoʼmufiʼmo aino apalo tisigeno avefatiʼmo aniʼmo nagu nagu huno uno nelamiya anikana huʼa uʼa lamigae.

Matiyu 16:27

Vemo mafaʼnemoʼmo afoʼamo ha le konali yaʼamo aliteno enisole vayaʼamogiʼeʼmo eminenoʼaeʼmo aliʼyaʼapilefeʼmo apamete apamete huno miyaʼapimo apamigiye.

Matiyu 16:28

Lama ge lapa nepauve, huno, hemenimo mani kanaleʼmo maiʼnaya vayapatiʼmo mago vayaʼamo ofaliʼnisageno Vemo mafaʼnemo ala kini vekaʼapimo emineno yagaino apatesigeʼa agegae, huno hapa paiʼniye.

Filipai 1:6

Gotiʼa lapaipafiʼmo aepa faino aliʼyaʼmo alime alime neʼesigeno Kalaisi Yesuʼa eminesiya afinaʼmo aliʼyaʼamo alino hano hugiye, huʼna lole nagesamo oʼafiʼna lokiya vaiʼna alagi nagesamo afiʼna neʼmauve.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

2 Pita 3:10

Kumaya vayaʼmogimo kava noʼyagaiya afinaʼmo neʼaya kava huno Ala kava neʼmo agaiʼa afinaʼmo afole aisigenoʼaeʼmo lusi kava huno avamusa gemoʼmo nehisigenoʼaeʼmo kokuʼnaʼmo alagi hano hugiye. Muki ma mopaʼe muki ma mopafiʼmo haneʼniya yaʼeʼmo atamoʼmo leno sagalino hano hugiye.

2 Pita 3:11

Muki yaʼamo alagi hano hugiyaʼmofeʼmo hemenimo lapakaemo haiya agufa kavaʼmo hutapa maisaya kavaʼmo haneʼniye. Lapaote kavaʼmo nehutapaeʼmo Gotifekeʼmo mono hiyo.

2 Pita 3:4

Apakaemo huʼapaeʼmo, agaemo emiʼnegauve, huno huʼniyana hemenimo haiyatega maiʼniye. Ma mopamo alo huʼniya afinatetiʼmo muki yaʼamo afaʼa haneme haneme eno haneʼnigeʼa afotimogi ageteʼa falitageno hemeniʼeʼmo magoke agufa yakeʼmo haneʼniye, huʼa hugae.

2 Pita 3:7

Ani kavaʼmo huno Gotiʼa ma mopaʼe kokuʼnaʼefeʼmohunoʼaeʼmo, afaʼa haneno, huno huʼnigeno haneʼniyanageno atamoʼa leno saga lisiyafeʼmo afaʼa haneʼniye. Gotiʼa yagaino ateʼnigeno haneme haneme neʼeyanageno Gotiʼa agaefeʼmo mono nosaya vayaʼaina agoti huno apateteno alino apagoʼya lagauno apatalegaiye.

Yuti 1:21

Lapakaefeʼmo Ala kava netimo Yesu Kalaisiʼa hau huno lapatesigetapaeʼmo maige maige hutapa maigayaʼmofeʼmo agava maiyo. Agava maiʼnetapaeʼmo Gotiʼa lapakaefeʼmo hau ayamopafiʼmo hauʼniya agufa kavategageʼmo maiyo.