2 Pita 3:10 - The Keyagana NT and 25 OT books

¹⁰ Kumaya vayaʼmogimo kava noʼyagaiya afinaʼmo neʼaya kava huno Ala kava neʼmo agaiʼa afinaʼmo afole aisigenoʼaeʼmo lusi kava huno avamusa gemoʼmo nehisigenoʼaeʼmo kokuʼnaʼmo alagi hano hugiye. Muki ma mopaʼe muki ma mopafiʼmo haneʼniya yaʼeʼmo atamoʼmo leno sagalino hano hugiye.

2 Pita 3:10 ပူးပေါင်းရင်းမြစ်များ

Samu 46:6

Alu nofi vayaʼe alu nofi vayaʼeʼmo apayamukiki huʼa kame huteʼapaeʼmo yagaiʼa neʼapataya vayaʼe vayaʼapiʼeʼmo alagi asagauʼa aiʼnae. Gotiʼa alopa gefatiʼmo ge nehigenoʼaeʼmo lokiyaʼapimo alagi hano huʼniye.

Samu 97:5

Gotiʼa muki ma mopafi Ala kava neʼmae. Agaemo emine neʼegeʼapaeʼmo avemoʼmo ina kava huno aniʼmo alino nehamale.

Aiyeya 2:12

Muki vayaʼaiteʼmo yagaino neʼapateya Ala kava neʼmo afinaʼmo afole aisigeʼapaeʼmo muki vayaʼmogimo apakaiʼapi apakiʼapileʼmo aliʼa asaga nehaya vayanagi ala agi kavanagi ala apaki vayanagi ala agimo haneʼniya yanagi huno alino afepiʼmo apategaiye.

Aiyeya 51:6

Kokuʼnaʼmo halinagana huno alagi hano hisigeʼa oʼagegayaʼmofeʼmo lapakaemo anaga kokuʼnategamo alita maku hutapa ageyo. Ma mopamo kukena yakana huno atafa hegaiyaʼmofeʼmo lapakaemo afelaga mopafiʼmo aulu heyo. Muki ma mopafi vayaʼmo ani kava huʼa faligayaʼmonanafa nagaemo hanege hanege huno hanesiya fatago kavaʼniletiʼmo vayaʼnimo alagi apakufamo aliʼna katiʼna apatesugeʼa muki afinaʼmo maige maige huʼa maigae. Maisageʼa vayaʼmogi fatago kavaʼnimo aliʼa hano huʼa oʼatalegae.

Maika 1:4

Umenitata nehisigenoʼaeʼmo avemogimo aiyakafatiʼmo aniʼmo heteno alino lataʼnelino ugiye. Avemogimo anikana huʼa aliʼa hamaleʼnageno lusi kava huno aniʼmo uno lamino muki kagoʼmufiʼmo alino kalokalopatigiye. Ata kaegeno yafaʼmo alino aniʼmo hamaleteno kagoʼmufiʼmo aino apalo tisigeno avefatiʼmo aniʼmo nagu nagu huno uno nelamiya anikana huʼa uʼa lamigae.

Neyomi 1:5

Ala kava neʼmoʼa emineʼnigenoʼaeʼmo imimaʼmo aliʼnigeno muki alopa avemoʼmo kanage kanage huge muki aise avefatiʼmo hamaiʼmo alige nehiye. Eno avaʼyi hisiya afinaʼmo ma mopamo leno sagaligiye. He, Agaemo mopaʼe ma mopafi vayaʼeʼmo leno pasagaligiye.

Malakai 4:5

Afiyo, huʼna, Ala kava neʼmoʼna afinaʼnimo afole aisigeʼapaeʼmo lusi kava huʼa koli hugae. Nagaemo hogoteʼna Ilaiyaʼmo nagaetegati gemo alinineno aeno hakalo huno hapa nepaiya vekamo aliʼna atesugeno eno hogotegaiye.

Matiyu 24:35

Kokuʼnaʼe mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Maki 13:31

Kokuʼnaʼe ma mopaʼeʼmo hano hugiyaʼmonanafa geʼnimo alagi hano osuno hanege hanege huno hanegaiye.

Luki 12:39

No aepa vekamoʼmo kumaya neʼaliya vekamo esiya afinafeʼmo afiʼniyesinana au okaleno afaʼa yagaino maiʼnisigeno kumayaʼmo neʼaliya vekamo eno noʼamo aeno akaino kumayaʼmo oʼaliʼniyesine.

Lomu 8:20

Ma mopaʼe muki ma mopafi haneʼniya yaʼmogiʼeʼmo hosu kavaʼmo osuʼnayaʼmonanafa Gotiʼa alino hosu huno apateʼnigeʼa hosu kavaʼmo huʼa haneʼnae. Haneʼnayaʼmonanafa alagepa huʼa hanesayafeʼmo agava maiʼnae.

1 Kolitiyani 1:8

Agaemo atupa afinaʼmo he titapa maisayafeʼmo lokiya vaino lapateme lapateme neʼunoʼaeʼmo Ala kava netimo Yesu Kalaisiʼa agaiʼa afinaʼmo vaiʼmo afaʼa olapamigiye.

2 Kolitiyani 1:14

Magoʼamogitapamo lagetetapaeʼmo lagaefeʼmo lapamogaga neʼaiye. Ani kava huta Ala kava netimo Yesuʼa eminesiya afinaʼmo lapakaefeʼmo lamogaga aisuna kava hutapa lagaefeʼmo lapamogaga aigae.

1 Tesaloniyani 5:2

Ago afiʼnayana kava noʼyagaiya haniʼilagamo kumaya vayaʼmo neʼaya kava huno Ala kava neʼmo afinaʼmo afole aigiye.

1 Tesaloniyani 5:4

Konagatimogitapae, huta, faiʼa kasalo opaegayaʼmonanafa kumaya vayaʼmo neʼageʼapaeʼmo hapau neʼaiya kava hutapa lapakaemo hanipiʼmo oʼmaiʼnayaʼmofeʼmo ani afinaʼmo lapakaetegamo afole aisigetapaeʼmo lapau oʼaigae.

2 Pita 3:11

Muki yaʼamo alagi hano hugiyaʼmofeʼmo hemenimo lapakaemo haiya agufa kavaʼmo hutapa maisaya kavaʼmo haneʼniye. Lapaote kavaʼmo nehutapaeʼmo Gotifekeʼmo mono hiyo.

2 Pita 3:12

Muki yaʼamo ata lege kokuʼnaʼmo ata lege huno leno sagalino hano hugiyanagi Ala kava neʼmo afinafeʼmo agava maiʼnetapa malage huno afole aisiyafeʼmo alagepa kavaʼmo hiyo.

2 Pita 3:7

Ani kavaʼmo huno Gotiʼa ma mopaʼe kokuʼnaʼefeʼmohunoʼaeʼmo, afaʼa haneno, huno huʼnigeno haneʼniyanageno atamoʼa leno saga lisiyafeʼmo afaʼa haneʼniye. Gotiʼa yagaino ateʼnigeno haneme haneme neʼeyanageno Gotiʼa agaefeʼmo mono nosaya vayaʼaina agoti huno apateteno alino apagoʼya lagauno apatalegaiye.

Yuti 1:6

Gotiʼa mago enisole vayaʼmo aliʼyaʼmo apamiʼnigeʼapaeʼmo yagaiʼnaya aliʼyaʼapimo atalege maiʼnaya koʼapimo atalege huʼnagenoʼaeʼmo Gotiʼa apatafauno hanege hanege huno hanesiya seli nofitetiʼmo kino apateteno alopa agotimo huno apatesiya afinafeʼmo malaga hani kopiʼmo apateʼnigeʼa maiʼnae.

Leveleseni 16:15

Yesuʼa hunoʼaeʼmo, Afiyo, huno, kumayaʼmo neʼaliya vayaʼmo neʼaya kava huʼna emiʼnesugeʼapaeʼmo hapau aigae. Apakufalagaʼageʼmo maiʼnisageno apavagage osisiyafeʼmo apau okaleʼa kukena yaʼapimo alagepa huʼa hu maleteʼa yagaiʼa neʼmaisaya vayaʼmogi Goti aulena vayaʼmo maiʼnae, huno huʼniye.

Leveleseni 20:11

Hutegeʼnaeʼmo ageʼnovana alopa yaveyave siyamo yagaino neʼapateya vekamo siyaʼamo haneʼnigeno mago vekamo ani siyateʼmo fai maiʼnigeʼna ageʼnove. Ma mopaʼe kokuʼnaʼeʼmo ani vekamo augosamo neʼageʼanaeʼmo anaune heʼana uʼana alagi lageso huʼnaʼae.

Leveleseni 21:1

Agovana saufa kokuʼnaʼe mopaʼeʼmo haneʼnigeʼna ageʼnove. Hogote kokuʼnaʼe mopaʼeʼmo alagi uʼana lageso hisaʼategamo haneʼnaʼagenoʼaeʼmo solovala aniʼmo hano huʼniye.

Leveleseni 3:3

Haino metaleʼniyaʼmofeʼmo afitetapa aliʼnaya geeʼmo lapake okanitapa kanale huta akame hutetapa lapaipamo alita afe leyo. Lapaupatiʼmo he otiʼnisageʼnaeʼmo kumayaʼmo neʼaliya vekamo neʼeya kava huʼna fiku kesi katetiʼmo esugetapaeʼmo hainu afinaʼmo esufigetapa oʼnagegae.

Leveleseni 6:14

Hiya kokuʼnaʼmo matimo aliʼa kafage kigekana huno hano huʼniye. Muki aveʼe ani agoʼnanenaʼmogiʼeʼmo hanaʼnaya yatetiʼmo ataleʼa uʼa lageso hisayafeʼmo uʼnae.