Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pita 3:1 - The Keyagana NT and 25 OT books

1 Nahauʼniya vayaʼnimogitapae, huʼna, ago afiʼnaya geeʼmo halate alagepa lapakesafatiʼmo magoʼe hutapa lapakesamo afisayafeʼmo aliʼna he tiʼna lapatesuvafeʼmo hogoteʼna avoʼmo kaeteʼnaeʼmo hemenimo halate henaga gemo avoʼmo nekaove.

အခန်းကိုကြည့်ပါ။ ကော်ပီ




2 Pita 3:1
15 ပူးပေါင်းရင်းမြစ်များ  

Apayateʼmo oʼaniʼyaʼmo ofaiʼnisiya yaveyave apaipa vayaʼmogimae. Afa yatefeʼmo mono osuge apagoʼyamo ataleteʼa aigofe gemo osuge nehisaya vayaʼmogimae.


Ina ge huʼa alagi lama gemo huʼnae. Gotiʼa Isaleli vayaʼmo yaveyave apaipa vayaʼalegamo alagepa kavaʼmo huno hapa neʼmae. Yaveyave apaipa vayaʼalegamo alagepa kavaʼmo nehiye.


Yaveyave apaipa vayaʼmogi Gotiʼmo afaʼa agegayaʼmofeʼmo Goti aulena vayaʼmo maiʼnae.


Nagaemo napa tu afinaʼmo lapakaetegamo uʼna lapakaeʼeʼmo lokaeʼna maiʼneʼnaeʼmo hogoteʼna hosu kavaʼmo huʼnaya vayaʼaifeʼmo, ehetapiye, huʼna lapa paiʼnove. Lapa paiʼnovanageʼna hemenimo lapakaeʼeʼmo uʼna lokaeʼna oʼmaiʼneʼnaeʼmo halate hogoteʼna muki hosu kavaʼmo huʼnaya vayaʼaifeʼmo, uʼnaeʼmo afaʼa lapakegeʼna olapategauve, huʼna lapa paino.


Siosi vayaʼaiteʼmo yagaiʼa apatesaya vayaʼmo lekana paika apateteka apakaeteʼmo malage huka kayaʼmo maleka oʼapato. Fiku yanageno lekana paika ateʼnisana vekamo hosu kavaʼamoʼmo kagaeteʼmo aino kamaesigeka kagaemo vaiʼmo aligane. Kaotekeʼmo maiteka alagepa huka maiyo.


Ani kavaʼmo huka maiʼnanaʼmofeʼmo kagesamo afika ho hisanafeʼmo kaha nepauve. Nagaemo kagaeteʼmo nayaʼmo maleʼna kateʼnogenoʼaeʼmo Gotiʼa lokiyaʼamo ago kamiʼniye. Kamiʼniya lokiyaʼamoʼmo ata legekana huno yu oseno magoʼe huno lesiyafeʼmo fu huka kaegeno leno.


Lahauʼniya vayaʼmogitapae, huta, mani gemo nehunaʼmonanafa hosu mopagana hutapa oʼmaiʼnae, huta lagesamo neʼafune. Gotiʼa apakufamo alino katino neʼapateya vayaʼai apaipafiʼmo alino neʼmaleya yaʼmo hogote yaʼmo lapaipafiʼmo ago alino maleʼniya vayaʼmo maiʼnae, huta lokiya vaita lagesamo neʼafune.


Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.


Nahauʼniya vayaʼnimogitapae, huʼna, amega lapakufamoʼmo hauʼniya kavaʼmoʼa lapakupi mafaʼneeʼmo kame huno neʼate. Kalaga vayaʼmo maige etapa maige hutapa maiʼnayaʼmofeʼmo lapao ke hovanagi, ani kavafeʼmo haʼao, hutetapa osiyo.


Nahauʼniya vayaʼnimogitapae, huʼna, afole aigiyaʼmofeʼmo agaemo kahauya huno lapakesiyana agava maiʼnetapaeʼmo hosu kavatapimo ohanesigetapa vaiʼmo oʼalita agaeʼeʼmo alagepa hutapa magokepi lokaeta maisayafeʼmo lapayamukiki hiyo.


Nahauʼniya vayaʼnimogitapae, huʼna, mani kavafeʼmo ava gemo hogotetapa ago afiʼnayaʼmofeʼmo ehetapiye. Fiku yanagetapa keʼaepa gemo amagiʼa neʼatalaya vayaʼai geʼapimo afitetapa atafauta alagi hutapa maiʼnayatetiʼmo ataleta asagauta aigae.


Nahauʼniya vayaʼnimogitapae, huʼna, Goti aulagaleʼmo magoke afinaʼmo vani tauseniʼa kafugagana huno haneʼneno vani tauseniʼa kafugamoʼmo magoke afinakana huno haneʼniye. Ani kavatefeʼmo lapake okanino.


Lapakaemo ani kavafeʼmo ava gemo ago afiʼnayaʼmonanafa halate magoʼe hutapa ani geeʼmo lapakesamo afisayafeʼmo lapa paiʼnaeʼmo, Ala kava neʼmoʼa Isaleli vayaʼmo Isipi kotegatiʼmo apakufamo alino katino apateteno hapa maeno apavalelino eʼniyaʼmonanafa henagaʼamo apakesamo afiʼa fatago osuʼnaya vayaʼmo alagi alino apagoʼya lagauno apataleʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ