2 Pita 2:4 - The Keyagana NT and 25 OT books4 Enisole vayaʼmogimo hosu kavaʼmo huʼnagenoʼaeʼmo Gotiʼa apakeno oʼapataleʼnifa seli nofitetiʼmo kino apateteno ata kopiʼmo alino yaga auno apataleʼnigeʼa agoti huno apatesiya afinafeʼmo hani kopiʼmo maiʼneʼa agava maiʼnae. အခန်းကိုကြည့်ပါ။ |
Huno hapa paiteno hoga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo lifana huno lapateʼniya vayanagi nagaetegatiʼmo ataleta lapaune heta viyo. Gotiʼa Nevoʼe hosu apaune vayaʼaʼeʼmo maisayafeʼmo alo hu maleʼniya ata kopiʼmo leno yu oseno lege lege huno neʼmaiya ata kopiʼmo lamitapa maiyo.
Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.
Ani kava huno akeyaʼvilaga vayaʼmogi Gotifeʼmo mono osuʼnaya vayaʼaina Gotiʼa apakeno oʼapataleʼnifa aniʼmo ho, huno huʼnigeno aniʼmo heteno muki vayaʼamo ago aeno apati kaeʼniyaʼmonanafa Novaʼa fatago kavafeʼmo aeno hakalo huno hapa paiʼniya vekaʼe seveniʼa vayaʼeʼmo anipatiʼmo apakufamo alino katino apateʼniye.
Solovala aniʼmoʼa aino holakau holakau nehigenoʼaeʼmo oʼaniʼya aviʼnaʼmo afole neʼaiya kava huʼa apayamukiki nehagenoʼaeʼmo apavagage hisiya agufa kavaʼmo afole neʼaiye. Kanefiʼmo aiʼa atafaiʼa asagauʼa neʼaiya kanefiʼmogimo koʼapimo ataleʼa uʼeʼa nehaya kava huʼa maiʼnayanageʼa hani kopiʼmo maisayafeʼmo alo hu maleʼniye.