2 Pita 2:18 - The Keyagana NT and 25 OT books

¹⁸ Apakaemo falo gefatiʼmo huteʼapaeʼmo himuʼnamu kavaʼmo huteʼa afa hosu gemo nehae. Nehuʼapaeʼmo kumai kavaʼmo hisayafeʼmo amega apakufamoʼmo hauʼniya hosu kavaʼmo nehaya vayaʼaitegatiʼmo faiʼa kasalo paeʼa eʼnaya vayaʼai apayateʼmo neʼaliye.

2 Pita 2:18 ပူးပေါင်းရင်းမြစ်များ

Neniyo 11:36

Mago kini vekamoʼmo hauʼnisiya kavaʼmo hugiye. Agaemo muki gotigimo aeʼna apaka seʼnove, huteno agaiʼa agiʼaleʼmo alino asagauno ategaiye. Agaemo alagi anaga Gotifeʼmo huno faipa huno ategaiye. Agaemo aliʼyaʼamo alime alime neʼvisigenoʼaeʼmo Gotiʼa aipamo leno apatesiya afinaʼmo hano hugiye. Gotiʼa afole aigiye, huno lekana pai maleʼniya kavaʼmo afole aigiyaʼmofeʼmae.

Neniyo 4:30

Mani Mamiloni taonimo alo huʼnova taonimo vayaʼmogi ageʼa amuse nehaya taonimo ohaneʼnifiye. Nagaiʼni ala nagiʼnilefeʼmo himamuʼniletiʼmo alo hutove, huno huʼniye.

Apa 2:40

Huno hapa paitenoʼaeʼmo Pitaʼa magoʼe gemo huno apakesamo huno halo aino aeno hakalo huno hapa paitenoʼaeʼmo, Ehetapiye, huno, Gotiʼa hosu kavaʼmo nehaya vayaʼmo kayoʼmo apamisiyategatiʼmo ataletapa lapaune hetaletapa vigenoʼao lapakufamo alino katino lapateno, huno hapa paiʼniye.

Apa 8:9

Mago ani taonifiʼmo maiʼniya vekamo agiʼamo Saimoniʼa hogoteno hapa painoʼaeʼmo, ala vekamo maiʼnove, huno hapa paiteno hosu apaune vayaʼai himamuʼapiletiʼmo noʼagaya aeto agufa aune kavaʼmo huge huge huno maiʼnigeʼapaeʼmo Sameliya vayaʼmogi hapau aiʼnae.

Lomu 13:13

Ha le yateʼmo neʼmaiya vayaʼmogimo nehaya agufa fatago kavaʼmo higetao. Lusi neʼyaʼmo netapa alita anupa hutapa maiʼnetapaeʼmo hosu kavaʼmo osuge aniʼmo netetapa negi nagi gemo osuge kumai kavaʼmo osuge alu kava alu kavatetiʼmo muki kumai kavaʼmo osuge ge oʼvaige lapaipa kafa ohapaege hutapa maiyo.

Efasasi 4:17

Ani kavaʼmo hutapa maiʼnayaʼmofeʼmo nagaemo Ala kava neʼmo agiʼaletiʼmo lokiya gemo huʼna lapa paiʼnaeʼmo, Malaga vayaʼmogi nehaya agufa kavaʼmo hogotetapa huʼnayaʼmonanafa hemenimo magoʼe hutapa osiyo. Fikumo apakesamo neʼafigenoʼaeʼmo apaipa apakesamoʼmo hani huʼnigeno apaipamo lokiya vaiʼniyaʼmofeʼmo noʼagayaʼmofeʼmo Gotiʼa afaʼa maisaya yaʼmo neʼapamiya yaʼmo oʼaliʼa malaga vayaʼmo maiʼnae.

2 Tesaloniyani 2:4

Ani vekamoʼmo Gotitimoʼa maiʼniye, huʼa nehaya vayaʼai gotiʼapimogifeʼmo kamemo huno apatege mono nehaya gotiʼapimogifeʼmo kamemo huno apatege huno nehunoʼaeʼmo, aeʼna apakaseʼna hogote vekamo maiʼnove, huno hugiye. Agaemo Goti mono nopiʼmo uno haino maiʼnenoʼaeʼmo, Gotiʼnamo maiʼnove, huno hugiye.

Yemisi 5:5

Lapakaemo muki ma mopafi kagemi yatapimo agetapa malege lapakufamoʼa hauʼniya kavaʼmo huge hutapa maiʼnae. Muki afinaʼmo afumo heʼa lusi yagita nehaya kavakana hutapa maiʼnetapa apaipaguʼe vayakana hutapa maiʼnae.

2 Pita 1:4

Gotiʼa ani kavatetiʼmo alopa monileʼyaʼmo aeno agaseʼniya geʼamo fikumo lapa maeʼna lapamiguve, huno hu maleʼniya geʼamo hemenimo ago laha paiʼniye. Lapakaemo ma mopafi kavafeʼmo hapaʼye huʼnigeno alino hosu huno neʼapateya kavategatiʼmo ago faita kasalo paeʼnayanagetapa Goti aipa agesamo alisayafeʼmo mani alopa kavatefeʼmo alagepa polomasi geʼamo ago lapa paiʼniye.

2 Pita 2:14

Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.

2 Pita 2:2

Asole vayaʼmo alino hosu huno apatesiya gemo akame hugayaʼmofeʼmo mago vayaʼmogimo alagepa kaʼmo alino apave neliya lama gelefeʼmo huʼa faipa huʼa ategae.

2 Pita 2:20

Apakaemo Ala kava neʼmoʼa apakufamo alino katino neʼapateya vekamo Yesu Kalaisiʼmo ageʼnaya kavatetiʼmo ma mopafi hosu oʼaniʼya kavategatiʼmo faiʼa kasalo paetaleʼa eʼnayanageno halate hosu kavaʼapimoʼmo nofi aegekana huno apatafauno apateʼneno aeno apakasesiyaʼmoʼmo aepa faiʼniya afinaʼmo hosu kava huʼa neʼmaiyaʼmonanafa atupa afinaʼapimo magoʼe huʼa alagi hosu kavaʼmo huʼa maigae.

2 Pita 2:7

Lotiʼa fatago vekamo maiʼneno muki keʼaepa gemo amagiʼa ataleteʼa kumai kavaʼmo huʼnageno apaketenoʼaeʼmo aipamoʼmo lusi kava huno kana huʼniye.

2 Pita 3:17

Nahauʼniya vayaʼnimogitapae, huʼna, mani kavafeʼmo ava gemo hogotetapa ago afiʼnayaʼmofeʼmo ehetapiye. Fiku yanagetapa keʼaepa gemo amagiʼa neʼatalaya vayaʼai geʼapimo afitetapa atafauta alagi hutapa maiʼnayatetiʼmo ataleta asagauta aigae.

Yuti 1:13

Solovala aniʼmoʼa aino holakau holakau nehigenoʼaeʼmo oʼaniʼya aviʼnaʼmo afole neʼaiya kava huʼa apayamukiki nehagenoʼaeʼmo apavagage hisiya agufa kavaʼmo afole neʼaiye. Kanefiʼmo aiʼa atafaiʼa asagauʼa neʼaiya kanefiʼmogimo koʼapimo ataleʼa uʼeʼa nehaya kava huʼa maiʼnayanageʼa hani kopiʼmo maisayafeʼmo alo hu maleʼniye.

Leveleseni 13:11

Inagi ageʼnovana mago alu afela afumo ma mopafatiʼmo afole aiʼnigeʼna ageʼnove. Lole lokiyaʼamo aikeli sipisipimo lokiyaʼalakana huno haneʼnigeno nagaloʼyavemoʼa nehiya agufa gemo huʼniye.