2 Pita 2:12 - The Keyagana NT and 25 OT books

¹² Gotiʼa afela afumo vayaʼmogi apamagisageʼa falisayafeʼmo alo huno apateʼniya afugana huʼa maiʼnae. Apakaemo oʼageʼnaya kavafeʼmo huʼapaeʼmo, hosu kavaʼmo haneʼniye, huʼa nehae. Huʼa huteʼa huʼa faipa huʼa neʼatayanageno Gotiʼa alino apagoʼya lagauno apatalegaiye.

2 Pita 2:12 ပူးပေါင်းရင်းမြစ်များ

Samu 49:10

Apakaemo ago apakeʼnayana ageteʼa afiʼnaya vayaʼmo ago nefaliya kava huʼa muki vayaʼmo oʼafiʼnaya vayaʼe negi vayaʼeʼmo faliʼapaeʼmo kagemi yaʼapimo ataleʼa faliʼnageʼapaeʼmo alu vayaʼmogi neʼaliye.

Samu 92:6

Oʼafiʼniya vekamoʼmo ani kavaʼmo afaʼa oʼagegaiye. Negi vekamoʼmo ani kavafeʼmo alagi afino aeto osugiye.

Mai'naya kavane 14:32

Hosu vayaʼmogimo alagi hosu kavaʼapifiʼmo maiʼnagenoʼaeʼmo alino hapa faino neʼapataleyaʼmonanafa fatago vayaʼmo faliteʼapaeʼmo afole aisiya kavafeʼmo apavayagunagu huʼa neʼmaiye.

Maki 7:22

kumaya alisaya kavaʼmo afole aige hapaʼye hisaya kavaʼmo afole aige muki agufa hosu kavaʼmo afole aige aigofe kavaʼmo afole aige ge oʼafiʼa kumai kavaʼmo nehaya kavaʼmo afole aige apaketeʼa apaipa kafamo nehapaya kavaʼmo afole aige huʼa faipa huʼa neʼapataya gemo afole aige himuʼnamu nehaya kavaʼmo afole aige negi nagi kavaʼmo afole aige nehiye.

Yoni 8:21

Yesuʼa halate ina ge huno hapa paiʼniye. Nagaemo uʼna maisuva koteʼmo uta kahauya hutapa nagesayafeʼmo hugayana alagi hosu kavatapifiʼmo maiʼnetapaeʼmo faligae. Visuva koteʼmo afaʼa oʼugae.

Galesiya 6:8

Vayaʼmogimo atafa apaipamoʼmo nehaiya kavaʼmo nehisayana hosu neʼyaʼmo afole aisigeʼa aliteʼa faligae. Vayaʼmogimo Goti Aunemeʼamoʼmo hauʼniya kavaʼmo nehisayana alagepa neʼyaʼmo afole aisigeʼa aliteʼa maige maige huʼa maigae.

Kolosi 2:22

Mani keʼaepa gemo neʼa hano hisayafeʼmo haneʼniye. Ma mopafi vayaʼai keʼaepa gemo aliʼa apaya neʼmalaya keʼaepa gegeʼmo haneʼniye.

2 Pita 1:4

Gotiʼa ani kavatetiʼmo alopa monileʼyaʼmo aeno agaseʼniya geʼamo fikumo lapa maeʼna lapamiguve, huno hu maleʼniya geʼamo hemenimo ago laha paiʼniye. Lapakaemo ma mopafi kavafeʼmo hapaʼye huʼnigeno alino hosu huno neʼapateya kavategatiʼmo ago faita kasalo paeʼnayanagetapa Goti aipa agesamo alisayafeʼmo mani alopa kavatefeʼmo alagepa polomasi geʼamo ago lapa paiʼniye.

2 Pita 2:19

Apakaemo huʼapaeʼmo, lapakufamoʼmo hauʼniya kavaʼmo hisayana lapatafauno lapatesiya keʼaepa gemo alagi ohaneʼniyanagetapa afa vayaʼmo maigae, huʼa huteʼa aliʼa hosu huʼa neʼapataya kavaʼmoʼa apatafauno apateʼnigeʼa kalavusifiʼmo maiʼnae. Hosu kavaʼmoʼa aeno apakaseʼnisiya vayaʼmo nofi aeno apateʼnigeʼa maiʼnae.

Yuti 1:10

Ha paiʼniyaʼmonanafa ani vayaʼmogi muki oʼageʼnaya kavafeʼmo huʼa faipa huʼa ateteʼapaeʼmo ageʼnaya kavafeʼmo afela afumogi nehaya kavaʼmo huʼa apakaiʼapimo aliʼa hosu huʼa neʼapatae.