2 Pita 1:7 - The Keyagana NT and 25 OT books

⁷ Gotifeʼmo mono nehutapaeʼmo anileʼmo konagatapimo alita lapao yaʼmo hiyo. Konagatapimo alita lapao yaʼmo hu hutetapaeʼmo anileʼmo lapau lapayamopafiʼmo lapaino.

2 Pita 1:7 ပူးပေါင်းရင်းမြစ်များ

Lomu 12:10

Magoke konagamogimo nehaya kava hutapa yuna lapaipa kaliʼnetapa lahapau lapayamopafiʼmo lahapaino. Apakava oʼmaitapa hogotetapa apakiʼapileʼmo alita asaga hutapa apateyo.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Kolosi 3:14

Mani kavaʼmo nehutapaeʼmo hogote kavaʼmo hutapa lapau lapayamopafiʼmo lapainageno alagepa huno magokepi alino lokaeno lapateno.

1 Tesaloniyani 3:12

Ala kava neʼmoʼa lapa maesigeno magoʼe huno lusi kava huno lapau lapayamopafiʼmo lapaino. Lagaemo lapakaefeʼmo lahau layamopafiʼmo lahauʼniya kavaʼmo huno konagatapimogiʼe muki vayaʼefeʼmo lapau lapayamopafiʼmo lapaino.

1 Tesaloniyani 5:15

Vayaʼmogi hosu kavaʼmo anonaʼapilefeʼmo aeʼa atagaina huʼa osisayafeʼmo alagepa huta yagaitapa apateyo. Lapakaemo muki afinaʼmo konagatapimogitegaʼe muki vayaʼaitegaʼeʼmo lapayamukiki hutapa alagepa kavaʼmo hiyo.

Himulu 13:1

Konagatapieʼmo nelapaiya kavaʼmo oʼataletapa magoʼe huno lapau lapayamopafiʼmo lapaino.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 2:17

Muki vayaʼai apakiʼapileʼmo alita asaga hiyo. Konagatapieʼmo lapaino. Gotifeʼmo koli hiyo. Ala kini vekamo hogote vekatapimo ala agiʼamo amiyo.

1 Pita 3:8

Nagaemo atupa geʼnimo lapa paiʼnaeʼmo, magoke lapaipa lapakesamo alitetapa magoke agufa lapaipamo kalitapa maiyo. Konagatapieʼmo afalu afalugana agufa kavaʼmo hutapa lapau lapayamopafiʼmo lapaino. Lapau hutapa apateyo. Vayaʼaitegamo himuʼnamu kavaʼmo osutapa vase vase kavaʼmo hiyo.

1 Yoni 3:14

Lagaemo konagatieʼmo lahau layamopafiʼmo nelahaiyaʼmofeʼmo afiʼnonana nefaliya kavategatiʼmo ago ataleta eta afaʼa neʼmaiya kavategamo maiʼnone. Konagaʼapieʼmo hapau apayamopafiʼmo nohapaiya vayaʼmo nefaliya kavategamo alagi neʼmaiye.

1 Yoni 3:16

Yesuʼa afaʼa neʼmaiya yaʼamo lagaetefeʼmo ataleʼniyaʼmofeʼmo lagaefeʼmo hau ayamopafiʼmo hauʼniya kavaʼamo ageʼnonanageta ani kavaʼmo huta konagatimogitefeʼmo afaʼa neʼmauna yatimo atalegaune.

1 Yoni 4:21

Gotiʼa mani keʼaepa geʼaeʼmo, Lapakaemo Gotifeʼmo lapau lapayamopafiʼmo lahapausigeno konagatapimogiʼefeʼmo lapau lapayamopafiʼmo lapaino, huno laha paiʼniye.