2 Pita 1:16 - The Keyagana NT and 25 OT books

¹⁶ Lagaemo alagepa huta lagesamo afiteta alo huʼnona kaitene geletiʼmo humi lapatesiya agufa gemo lapa opaiʼnopa lagaemo laulagafatiʼmo ala agiʼaʼe himamuʼaʼeʼmo agetetaeʼmo, Ala kava netimo Yesu Kalaisiʼa himamuʼaletiʼmo afole aiʼniyanageno eminegaiye, huta lapa paiʼnone.

2 Pita 1:16 ပူးပေါင်းရင်းမြစ်များ

Malakai 3:2

Egaiyaʼmonanafa ani esiya afinaʼmo haiya vayaʼmo afaʼa maigae. Agaemo afole aisigeʼapaeʼmo haiya vayaʼmo afaʼa he tiʼa maigae. Agaemo atafiʼmo siluva yafaʼmo kaeʼnagenoʼaeʼmo leno alagepa siluva yafaʼmo afole neʼaiya atakana huno afole aigiye. Agaemo sopuletiʼmo muki oʼaniʼya faiʼniya yaʼmo sese huʼnagenoʼaeʼmo aeno kalo nepaeya sopugana huno afole aigiye.

Malakai 4:5

Afiyo, huʼna, Ala kava neʼmoʼna afinaʼnimo afole aisigeʼapaeʼmo lusi kava huʼa koli hugae. Nagaemo hogoteʼna Ilaiyaʼmo nagaetegati gemo alinineno aeno hakalo huno hapa nepaiya vekamo aliʼna atesugeno eno hogotegaiye.

Matiyu 16:27

Vemo mafaʼnemoʼmo afoʼamo ha le konali yaʼamo aliteno enisole vayaʼamogiʼeʼmo eminenoʼaeʼmo aliʼyaʼapilefeʼmo apamete apamete huno miyaʼapimo apamigiye.

Matiyu 16:28

Lama ge lapa nepauve, huno, hemenimo mani kanaleʼmo maiʼnaya vayapatiʼmo mago vayaʼamo ofaliʼnisageno Vemo mafaʼnemo ala kini vekaʼapimo emineno yagaino apatesigeʼa agegae, huno hapa paiʼniye.

Matiyu 17:1

Sigisiʼa afinaʼmo utegeno Yesuʼa Pitaʼe konagaʼalaʼmoganimo Yemisiʼe Yoniʼenagi huno yatala avefiʼmo apavalelino uno haino apakaiʼapigeʼmo apaote maiʼnae.

Matiyu 24:27

Alave huteno yegemo haine neʼeya kotegatiʼmo aeno ha leteno yegemo uno lamino nefaleya kotegamo aeno ha neleya agufa kavaʼmo nehisigeno Vemo mafaʼnemo eminesigeʼa muki vayaʼmogimo agegae.

Matiyu 24:3

Yesuʼa Alifiʼaepa avefiʼmo itopaleʼmo maiʼnigeʼapaeʼmo geʼamo neʼafiya vayaʼmo apakaiʼapigeʼmo agaetegamo eʼapaeʼmo, ina afinaʼmo afole aigiye, huka laha paiyo. Emikegefeʼmo hisana afinaʼe hano hugefe hisiya afinaʼeʼmo na agufa alagena kavaʼmo afole aigiye, huʼa ge huʼa afi geʼnae.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Maki 13:26

Neʼatalesigeʼapaeʼmo agesayana Vemo mafaʼnemoʼmo ha le konali yaʼamo aliteno himamuʼaʼeʼmo hiyateʼmo eminesigeʼa agegae.

Maki 14:62

he, maiʼnove. Lapakaemo agegayana Vemo Mafaʼnemo Lokiyaʼaʼe Vekamo lamaga haopaleʼmo fai maiʼneno he tino hiyapiʼmo eminesigetapa agegae, huno huʼniye.

Luki 9:43

Muki vayaʼmogimo Goti himamuʼaʼe lokiyaʼaʼeʼmo ageteʼapaeʼmo hapau aiʼnae. Inagi agaemo geʼamo neʼafiya vayaʼaifeʼmo hunoʼaeʼmo,

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 17:2

Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

Lomu 1:4

Aote aunemeʼaʼe vekamo maiʼniya kavatefeʼmo Gotiʼa agaiʼa himamuʼaletiʼmo, faliʼniyatetiʼmo ago alino he tino atetenoʼaeʼmo, mafaʼneʼnimo maiʼniye, huno alino apave liʼniye.

1 Kolitiyani 1:17

Kalaisiʼa uʼna aniʼmo faleʼna apatesuvafeʼmo alino nateʼnigeʼna oʼuʼnofa alagepa faigoko geʼamo aeʼna hakalo huʼna hapa paisuvafekeʼmo alino nateʼnigeʼna uʼneʼna nehuve. Nagaemo alagepa huʼa gemo afiʼneʼa alagepa gemo nehaya agufa vayaʼmogi geʼapiletiʼmo aeʼna hakalo huʼna hapa paisuvafeʼmo alino nateʼnigeʼna oʼuʼnove. Fiku yanageʼna Kalaisiʼa malipu yosaleʼmo faliʼniya kavafeʼmo ava gemo aeʼna ati kaesugeno aliʼyaʼmo oʼaligiye.

1 Kolitiyani 1:23

Nehayaʼmonanafa lagaemo Kalaisiʼa malipu yosaleʼmo nili aiteʼa aliʼa he tiʼa ateʼnaya kavafekeʼmo ava gemo aeta hakalo huta hapa nepaunageʼapaeʼmo Yu vayaʼmogimo ani gemo afiteʼapaeʼmo hosu apaipamo kaliteʼa apaiyamo faiʼa lo aeteʼa heleve huʼnageʼapaeʼmo Yu nofi vayapatiʼmo oʼmaiʼnaya vayaʼmogimo ani gemo afiteʼapaeʼmo, negi nagi gemo huʼnae, huʼa nehae.

1 Kolitiyani 1:7

Ani kava hutapa maiʼnetapaeʼmo lapaunelapameʼmo yafeʼmo kafu osutapa Ala kava netimo Yesu Kalaisiʼa afole aisiyafeʼmo agava maiʼnae.

1 Kolitiyani 2:1

Konagaʼnimogitapae, huʼna, Nagaemo Gotitegatiʼmo aliʼnova gemo aeʼna hakalo huʼna lahapa paisuvafeʼmo lapakaetegamo uʼnaeʼmo muki geʼamo alagepa huʼa afiʼneʼa nehaya vayaʼmogimo nehaya agufa gemo huʼna afiteʼna ageʼnova geʼniletiʼmo lahapa opaiʼnove.

1 Kolitiyani 2:4

Nagaemo ma mopafi vayaʼmogi afiteʼa ageʼnaya geletiʼmo apakesamo nefaiya agufa geletiʼmo ge osuge aeʼna hakalo huʼna lahapa opaige huʼnovaʼmonanafa nagaemo lahapa nepaugenoʼaeʼmo Goti Aunemeʼamoʼmo himamuʼaletiʼmo lapaipafiʼmo alino lapave liʼnigetapaeʼmo, alagi lama gemo haneʼniye, hutapa huʼnae.

1 Kolitiyani 5:4

Alita anupa hutapa maiʼnisagenoʼaeʼmo nauneʼnameʼamo lapakaeʼeʼmo magokepi lokaeno maiʼnisigetapa Ala kava neʼmo Yesu Kalaisi himamuʼaletiʼmo ani vekamo alitapa Satani ayapiʼmo ateyo. Sataniʼa kayoʼmo amisigenoʼaeʼmo agufamoʼmo hauʼniya kavaʼamo hano hisigeno Ala kava neʼmo Yesu afinaʼmo Gotiʼa ani vekamo aunemeʼamo alino katino atesiyafeʼmo alitapa Satani ayapiʼmo ateyo.

2 Kolitiyani 2:17

Asole tisa vayatapimogimo umenitata huʼa kagemi yaʼapimo maketi nehaya vayakana huʼa Goti geʼamo aeʼa hakalo huʼa hapa nepaiyaʼmonanafa lagaemo Kalaisipiʼmo maiʼnetaeʼmo Gotiʼa lamiʼniya aliʼyaʼamo neʼalitaeʼmo Goti aulagaleʼmo laipafatiʼmo aeta hakalo huta hapa nepaune.

2 Kolitiyani 4:2

Lagaemo lavagage osisiyafeʼmo hosu kavatimo aeta ati nokaone. Humi lapateteta Goti geʼamo alita afe leta anonale alu gemo nosune. Lagaemo Goti aulagaleʼmo lama geʼamo afole yateʼmo aeta hakalo huta hapa nepaunagenoʼaeʼmo muki vayaʼai yuʼilaga vekaʼapimoʼa hunoʼaeʼmo, lama gemo nehaya vayaʼmo maiʼnae, huno nehiye.

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Filipai 3:21

Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.

1 Tesaloniyani 2:19

Ala kava netimo Yesu Kalaisiʼa eminesiya afinafeʼmo agava maiʼneta lavayagunagu huge lamogaga aige miyatimo alisunafeʼmo lamogaga aige nehuna kavaʼmo aepa vayaʼmo ina lagiye. Lapakaitapigemae.

2 Tesaloniyani 2:9

Afole aiteno Satani himamuʼaletiʼmo lokiya alagena aune kavaʼmo noʼagaya aigofe aune kavaʼmo hugiye.

1 Timoti 1:4

Kaitene geʼe lapakinago vayaʼmogi apakiʼapilefeʼmo apava gemo huliʼa neʼvaya agufa geʼeʼmo lapakesamo alaʼamo oʼafiyo, huka hapa paiyo, huʼna ago kaha paiʼnovanageʼna hemeniʼeʼmo halate magoʼe gemo huʼna kaha nepauve. Ani agufa gemoʼmo Gotifeʼmo alagepa huʼa mono hisayafeʼmo lokiya vaino noʼapatefa geletiʼmo kaveta hisaya kavakeʼmo alino afole aino neʼate.

1 Timoti 4:7

Kategaiyaʼmonanafa ma mopafi gemo aote ohaneʼniya gemo anekalo aʼnemogi kaitene gemo oʼafika yokalo leʼa aeʼa apakasesayafeʼmo teleninimo nehaya kava huka Gotifeʼmo alagepa huka mono hisanafeʼmo teleninimo huvo.

Taitasi 1:14

Apakaemo Yu kaitene gemo oʼafige lama gemo amagiʼa neʼatalaya vayaʼmogi, ina kava hiyo, huʼa nehaya geʼapimo oʼafige hisayafeʼmo lokiya gemo huka hapa paiyo.

2 Pita 2:3

Apakaemo hapaʼye huʼninageʼa aigofe geʼapiletiʼmo lapakaetetiʼmo muki kagemi yatapiʼe monitapiʼeʼmo alisayafeʼmo hugae. Muki afinaʼmo agoti huno apatesiya vekamo fikumo noʼmaifa alo hunoʼageʼmo neʼmaiye. Alino apagoʼya lagauno apatalesiya vekamo muki afinaʼmo au nokale.

1 Yoni 4:14

Lagaemo Afotimoʼmo Mafaʼneʼamoʼmo muki ma mopafi vayaʼai apakufamo alino katino apatesiyafeʼmo alino ateʼnigeno emineʼniye, huta agetetaeʼmo aeta hakalo huta hapa nepaune.

Yuti 1:14

Atamu akamelegati napa seveni vekamo Inokiʼa ani vayaʼaiteʼmo afole aisiya kavafeʼmo ava gemo Gotitegati gemo alino hapa painoʼaeʼmo, Afiyo, huno, Ala kava neʼmoʼa lagaemo lekana opaisuna agufa enisole vayaʼmo tauseni tauseniʼa apaote enisole vayaʼaʼeʼmo magokepi eminegaiye.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.