2 Pita 1:10 - The Keyagana NT and 25 OT books

¹⁰ Konagaʼnimogitapae, huʼna, Mani gemo huʼniyaʼmofeʼmo lapakaemo hutapaeʼmo, Gotiʼa lagaefeʼmo keya aeno ge huʼniye. He, lekana paino lateteno keya aeno ge huʼniye, hutapa ageta aeto hisayafeʼmo lapayamukiki hiyo. Lapakaemo muki mani kavaʼmo nehisayana alagi asagautapa oʼaigayanagi hiyo.

2 Pita 1:10 ပူးပေါင်းရင်းမြစ်များ

Samu 112:6

Alagepa vekamo asagauno oʼaisigeʼa vayaʼmogimo agaefeʼmo apake kaniʼa oʼataleʼa muki afinaʼmo apakesamo afigae.

Samu 121:3

Yagaino kateʼnisigeka aeka halu vale lamika asagauka oʼaigane. Yagaino nekateya vekamo au okalegaiye.

Samu 15:5

akamelegatiʼmo magoʼe monimo oʼalige vaiʼmo oʼapamiʼnaya vayaʼaitegamo hosu kavaʼmo hisayafeʼmo kutulu monimo ohagege huʼa neʼmaiya vayaʼmogimo uʼa haiʼa maigae. Aliʼa hapa ofaisageʼa ani agufa kavaʼmo nehisaya vayaʼmogimo muki afinaʼaeʼmo maige maige huʼa maigae.

Samu 37:24

Apakaemo asagauʼa neʼaigenoʼaeʼmo Ala kava neʼmoʼa apayateʼmo alino he tino neʼapateyaʼmofeʼmo alagi asagauʼa oʼaigae.

Samu 62:2

Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

Samu 62:6

Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

Aiyeya 56:2

Ani agufa kavaʼmo nehiya vekamo aulena vekamo maiʼniye. Sapati afinaʼmo maiʼa haga nelaya afinaʼmo keʼaepa gemo akame nehaya vayaʼmo aulena vayaʼmo maiʼnae. Apakaemo Sapati afinaʼmo aliʼa hosu huʼa ateteʼa mago agufa hosu kavaʼmo nosae.

Maika 7:8

Kame vekaʼnimogae, huʼna, hosu yaʼmo aliʼnovaʼmofeʼmo alika afepi nateteka kamogaga oʼaiyo. Asagauʼna aisuvana halate he tiguve. Hanipiʼmo fai maisugenoʼaeʼmo Ala kava neʼmoʼa nagaeteʼmo aeno ha legaiye.

Matiyu 22:14

Gotiʼa asole vayaʼaifeʼmo eyo huno ge huʼniyaʼmonanafa aise vayaʼmo lekana paino apateʼniye, huno hapa paiʼniye.

Lomu 11:29

Gotiʼa apamiʼniya yaʼmo halate hapa ofalegaiye. Keya aeno ge huʼniya kavatefeʼmo halate alu aipa agesamo oʼafigiye.

2 Timoti 2:19

Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.

Himulu 6:11

Lahauʼniyanagetapa mukiʼamogitapa ani kavaʼmo hutetapa magoke lapaipa lapakesamo alitetapa lapavayagunagu hutapa agava maime maime neʼvisageʼapaeʼmo atupa afinaʼmo he tisayafeʼmo lapayamukiki hugae.

Himulu 6:19

Lavayagunagu huta agava neʼmauna yaʼmo lokiya yaʼmo afaʼa hanesiya yaʼmo haneʼniye. Aeniletiʼmo sipimo anipiʼmo aeʼa atafauʼa neʼataya yakana huno haneʼneno lagupi mafaʼnemo atafauno neʼate.

Yemisi 2:10

Na kava nehayaʼmofeʼmae. Muki keʼaepa geʼamo akame huteʼapaeʼmo magoke keʼaepa gemo amagiʼa neʼatalesayana muki keʼaepa geʼamo ago amagiʼa neʼatalayanageʼa vaiʼmo aligae.

Yasuva 7:3

Apakaemo atagineʼa eʼa Yasuvafeʼmo ha paiʼapaeʼmo. Ai taonifi vayaʼmo aise vayaʼmo maiʼnae. Muki Isaleli vayaʼmo alika apategeʼa oʼuʼa tu tauseniʼa vayaʼmofi tali tauseniʼa vayaʼmofi huka alika apategeʼa uʼa kame hiyo. Fiku yanageno muki Isaleli vayaʼmo alagaʼmo hapaegaiye, huʼa ha paiʼnae.

1 Pita 1:2

Gotiʼa muki yaʼmo afoʼamoʼmo lapaketenoʼaeʼmo, mafaʼneʼnimo maigae, huteno lekana paino lapateʼniye. Aunemeʼamoʼmo lapakaemo Yesu Kalaisifeʼmo ava gemo afitetapa akame hisageno Yesu Kalaisi kolaʼaletiʼmo aino fuli fuli huno faleno lapatesiyafeʼmo alino lapaote vayaʼamo lapateʼniye. Lusi kava huno fikumo lapa maeno lapamisaʼageno lapaipamoʼmo falu hino.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

2 Pita 1:3

Gotiʼa yalagisa vekamoʼmo himamuʼaletiʼmo alagepa huta maiʼneta Gotifekeʼmo alagepa huta mono hisunafeʼmo muki yaʼamo fikumo laha maeno lamiʼniye. Lagaemo Gotiʼmo ageta alagepa huta ageʼnona kavatetiʼmo muki yaʼamo lamiʼnigeta aliʼnone. Ha le konali yaʼamo aliteta agaekana huta maisunafeʼmo lagaefeʼmo eyo, huno keya aeno ge huʼniye.

2 Pita 1:5

Gotiʼa ani kavaʼmo huʼniyaʼmofeʼmo lapakesamo afita fatago hutetapaeʼmo anileʼmo lokiya alagepa kavaʼmo hisayafeʼmo lapayamukiki hiyo. Lokiya alagepa kavaʼmo nehutapaeʼmo anileʼmo agetetapa afiʼnaya kavaʼmo aliyo.

2 Pita 3:14

Nahauʼniya vayaʼnimogitapae, huʼna, afole aigiyaʼmofeʼmo agaemo kahauya huno lapakesiyana agava maiʼnetapaeʼmo hosu kavatapimo ohanesigetapa vaiʼmo oʼalita agaeʼeʼmo alagepa hutapa magokepi lokaeta maisayafeʼmo lapayamukiki hiyo.

2 Pita 3:17

Nahauʼniya vayaʼnimogitapae, huʼna, mani kavafeʼmo ava gemo hogotetapa ago afiʼnayaʼmofeʼmo ehetapiye. Fiku yanagetapa keʼaepa gemo amagiʼa neʼatalaya vayaʼai geʼapimo afitetapa atafauta alagi hutapa maiʼnayatetiʼmo ataleta asagauta aigae.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.