2 Kolitiyani 4:3 - The Keyagana NT and 25 OT books

³ Alagepa faigoko getimo kenaletiʼmo aino ati kaeʼnisiyaʼmoʼmo Gotiʼa alino apagoʼya lagauno apatalesiya kateʼmo neʼvaya vayaʼai apaipafikeʼmo aino ati kae maleʼnigeʼa noʼagae.

2 Kolitiyani 4:3 ပူးပေါင်းရင်းမြစ်များ

2 Kolitiyani 3:14

Gotiʼa apaipa apakesamo aino akani maleʼnigeʼapaeʼmo ani kava huʼa maime maime eʼa hemenimo atafa kotalakemo lekana nepaigenoʼaeʼmo ani agufa kenamoʼmo apaipa apakesaleʼmo aino ati kaeʼniye. Gotiʼa ani agufa kenamo fikumo alino lageno oʼatalegaifa Kalaisitetikeʼmo alino lageno atalegaiye.

1 Kolitiyani 1:18

Ani kavatefeʼmo huʼapaeʼmo, Alino apagoʼya lagauno apatalesiya kateʼmo neʼvaya vayaʼmogimo Kalaisiʼa malipu yosaleʼmo faliʼniya kavaʼmo ava geeʼmo, negi nagi gemae, huʼa nehae. Nehayaʼmonanafa Gotiʼa lagufamo alino katino latesiya kateʼmo neʼuna vayaʼmogitamo, mani gemo Goti ayamufaʼamo haneʼniye, huta lagesamo neʼafune.

Matiyu 11:25

Ani afinaʼmo Yesuʼa nunumuʼmo hunoʼaeʼmo, Afo, huno, Kokuʼnapiʼe ma mopafiʼeʼmo neʼyagaina Ala kava neʼmogae, huʼna, ageteʼa afiʼnaya vayaʼe sukulu huʼnaya vayaʼmogiʼeʼmo ani kavaʼmo alagi oʼagesayafeʼmo alika fala ki maleʼnanaʼmonanafa aise mafaʼne anagaʼmo alika apave liʼnanaʼmofeʼmo kahao ke nehove.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

Lomu 2:16

Gotiʼa agoti huno apatesiya afinaʼmo alagepa faigoko geʼnilefeʼmo Yesu Kalaisitetiʼmo huʼa fala kiʼa neʼatalaya kavaʼapimo alino fako huno apategaiye.

1 Timoti 1:11

Mani gemo alagepa faigoko gemo haneʼniyana aliʼa auleʼa neʼataya Goti geʼamo ha le konali faigoko geʼamo haneʼniye. Gotiʼa mani geleʼmo yagaiʼna atesuvafeʼmo namiʼnigeʼna alinineʼna aeʼna hakalo huʼna hapa nepauve.

1 Tesaloniyani 1:5

Alagepa faigoko geʼamo aeta hakalo huta lapa paiʼnonagenoʼaeʼmo lapaipafiʼmo geʼageʼmo afole oʼaiʼnifa himamuʼaʼe geʼaletiʼmo aliʼyaʼmo aliteno alino afole aino ateʼniye. Aote Aunemeʼaletiʼmo lapa paiʼnonagetapaeʼmo, he, lama gemo nehae, hutapa magoke lapaipa lapakesamo afiʼnae. Lapa maesunafeʼmo lapakaeʼeʼmo magokepi lokaeta maiʼneta haiya agufa kavaʼmo huta aliʼyaʼmo aliʼnopi huta ago lageʼnae. Ani kavaʼmo lapakaeteʼmo afole aiʼniyaʼmofeʼmo Gotiʼa lekana paino lapateʼniye, huta lapakeʼnone.

2 Kolitiyani 2:12

Nagaemo Kalaisifeʼmo alagepa faigoko geʼamo aeʼna hakalo huʼna hapa paisuvafeʼmo Toloasi taonifiʼmo uʼna avaʼyi huʼnogenoʼaeʼmo Ala kava neʼmoʼa aliʼyaʼamo alisuvafeʼmo kaʼmo valino nateʼniye.

1 Kolitiyani 2:6

Ani agufa gemo nehayaʼmonanafa alopa vayaʼaifeʼmo afiteta ageʼnona geletiʼmo hapa nepaune. Ma mopafi vayaʼmogi afiteʼa ageʼnaya agufa geletiʼmo hapa opaige ma mopafiʼmo maiʼneʼa yagaiʼa neʼapataya vayaʼmogi afiteʼa ageʼnaya agufa geletiʼmo hapa opaige nehune. Henagaʼamo apakaemo ina agufa vayaʼmo maigae.