2 Kini 7:7 - The Keyagana NT and 25 OT books

⁷ Huʼa huʼnayaʼmofeʼmo aiseʼamo hani hugefeʼmo huʼnigeʼa he tiʼa malage huʼa seli noʼmo aliʼa he tiʼa ateʼnaya yategatiʼmo ataleʼa apaune heʼnae. Apakaemo ofalisayafeʼmo seli noʼapigi hosiʼapigi nokiʼapigi huʼa apataleʼa apaune heʼnae. Apakaemo mago yaʼapimo aliniʼa oʼuʼnae.

2 Kini 7:7 ပူးပေါင်းရင်းမြစ်များ

1 Kini 20:20

Kamemo aepa faiʼa huʼapaeʼmo magoke magoke Isaleli neya vayaʼmogimo magoke magoke Siliya ati vayaʼeʼmo kamemo huteʼa kamitimo hapaeʼnageʼa faliʼnayaʼmofeʼmo muki Siliya vayaʼmo apaune heʼnageʼapaeʼmo Isaleli vayaʼmogimo apavegala aeʼnae. Apavegala aeʼnageno Meniheʼneʼmo hosiʼaleʼmo fai maiteno aune heno faino kasalo paeʼniye. Agaeʼe mago hosileʼmo fai maiʼneʼa kamemo nehaya ati vayaʼaʼeʼmo apaune heʼa faiʼa kasalo paeʼnae.

Samu 68:12

Apakaemo huʼapaeʼmo, kini vayaʼe ami vayaʼapiʼeʼmo apaune heʼnae, huʼa hapa paiʼnae. Noʼapilegamo maiʼnaya aʼne anagaʼmogimo kamefatiʼmo aliʼnaya yaʼmo fako huʼnae.

Mai'naya kavane 21:1

Ala kava neʼmoʼa muki kini vayaʼmogi apaipa apakesamo ayapiʼmo aliʼneno aniʼmoʼa uteno eteno hulino uno nelamiya kava huno hauʼniya kateʼmo alino ho huno neʼapate.

Mai'naya kavane 28:1

Mago vekamoʼmo hosu vayaʼmo apavegala noʼaefa apakaiʼapigeʼmo apaune nehayaʼmonanafa fatago vayaʼmogimo laiyonigana huʼa koli osuʼa neʼmaiye.

Mai'naya kavane 6:5

Afela afumogiʼe namamogiʼeʼmo hapaesayafeʼmo nehageʼapaeʼmo ataleʼa apaune nehaya kava huka kao vekamo ayapatiʼmo aika ha faleka kaune ho.

Aiyeya 2:20

Ani afinaʼmo vayaʼmogimo aigofe gotigi apauneʼalefeʼmo mono nehaya yaʼmo siluvaletiʼe goliletiʼeʼmo alo huʼnaya yaʼmo aliniʼuʼa kafaʼe lapaʼeʼmo neʼmaiya yategamo yaga auʼa atalegae.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.

1 Samiyo 14:15

Apakaemo Filisatini ati vayaʼmo seli noʼapilegamo maiʼnaya vayanagi kamemo hisayafeʼmo uʼnaya vayanagi muki vayanagi huʼa koli huteʼa atete huʼnae. Imimamo aliʼnigeno mopamoʼmo lusi kava huno atete huʼnigeʼapaeʼmo vayaʼmogimo lusi kava huʼa koli huteʼa atete huʼnae.