2 Kini 7:2 - The Keyagana NT and 25 OT books

² Ani kini vekaleʼmo yagaino neʼateya vekamo kini vekaʼeʼmo magokepi eʼniya vekamoʼmo ani gemo afitenoʼaeʼmo ina gemo huno Goti vekaʼamo geʼaleʼmo aeno atagaina hunoʼaeʼmo, Afiyo, huno, Ala kava neʼmoʼa kokuʼnapi yasi kakoʼmo alo hisigeno ani kavaʼmo afole aisifiye, huno huʼnigeno Ilaisaʼmo ha painoʼaeʼmo, Alagi lama gemo nehuve. Kagaemo ani kavaʼmo afole aisigeka ageganaʼmonanafa ani neʼyapatiʼmo oʼnegane, huno ha paiʼniye.

2 Kini 7:2 ပူးပေါင်းရင်းမြစ်များ

Aepa Gemae 7:11

Noaʼa sigisi hataletiʼa kafugamo maiʼnigenoʼaeʼmo tu kaimo sevetini afinaʼmo mopamo aino akaka vaeʼnigeno alopa aniʼmo mopamo afeʼalumelagamo haneʼniya aniʼmo eno haineʼniye. Kokuʼnapatiʼmo alopa koʼmo aige aige huno maiʼniye.

2 Kini 5:18

Osuguvaʼmonanafa Ala kava neʼmoʼa mago hosu kavaʼnimo alino atalesiyafeʼmo nahauʼniye. Ala vekaʼnimoʼmo uno Limani gotitefeʼmo mono hisiyafeʼmo mono nopiʼmo uno nehaigeʼnaeʼmo nagaemo agaeʼeʼmo magokepi lokaeʼna neʼuve. Kini vekamoʼmo nayateʼmo aliʼnigeʼna nagaeʼeʼmo naleʼyamo faiʼnove. Nagaemo Ala kava neʼmoʼa ani hosu kavaʼnimo alino atalesiyafeʼmo nahauʼniye. Hao ke nehove, huno huʼniye.

2 Sitoli 20:20

Gotilamiyapiʼmo muki Yuta vayaʼmo he tiʼa Tekova taoni haopalegamo kaʼme kotegamo neʼuʼapaeʼmo kini vekamo Yihosafatiʼmo he tino ina ge huno hapa paiʼniye. Hapa painoʼaeʼmo, Yuta vayanagi Yulusalemu taonifi vayanagi hutapa geʼnimo afiyo. Lapakaemo Ala kava neʼmo Gotitapimofeʼmo alita amufa amigenoʼao lokiya vaino lapatesigetapa he tiyo. Lapakaemo geʼamo alini eʼa aeʼa hakalo huʼa hapa nepaiya vayaʼai geʼapieʼmo lapakesamo afita fatago higenoʼao lapa maesigetapa alagepa hutapa maiyo, huno hapa paiʼniye.

Samu 78:41

Apakaemo muki afinaʼmo Gotiʼmo amalageka huge Isaleli vayaʼai aote Gotiʼapimo kaʼaleʼmo ka akanige huʼa maiʼnae.

Malakai 3:10

Lapakaemo noʼnifiʼmo neʼyaʼmo hanesiyafeʼmo muki ofalini hisaya yaʼmo alinitetapa mono nopiʼmo maleyo. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Geʼnimo akame nehutapaeʼmo lama gemo huʼnofi, hutapa amalageka hutapa ageyo. Geʼnimo akame hisayana kokuʼnapi yasi kaʼmo yaki maleʼnisugeno ko aigekana huno aliʼna auleʼna lapatesuva yaʼmo lapakaeteʼmo eminesigetapa maleta havai tegayaʼmofeʼmo magoʼe hutapa malesaya yaʼmo ohanegaiye.

Napa 11:13

Mani vayaʼmogimo aviʼyaʼmo nehuʼapaeʼmo, nesuna ameʼamo lamiyo, ameʼamo lamiyo, huʼa nehae. Nagaemo muki asole vayaʼaina apamisuvafeʼmo asole ameʼamo haiyaʼaletiʼmo aliguve.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Lomu 3:3

Apamiʼniyaʼmonanafa mago Yu vayaʼamogimo apakesamo afiʼa fatago osuʼnayaʼmofeʼmo Gotiʼa Emalehamufeʼmo, kaginago vayaʼmo hapa maegauve, huno ha paiʼniya gemo afa gemo haneʼniyanageno Gotiʼa agaiʼa geʼamo afaʼa akame osisifiye.

2 Timoti 2:13

Lagaemo hutaeʼmo, akame hugune, huta hutetaeʼmo akame nosisunana agaemo ani kavaʼmo huguve, huno hu maleʼnisiya gemo akame hugiye. Huguve, huno nehiya gemo alagi oʼataleno afaʼa akame nehiya vekamoʼmo maiʼniyaʼmofeʼmae.