2 Kini 7:1 - The Keyagana NT and 25 OT books

¹ Ha paiʼnigenoʼaeʼmo Ilaisaʼmo hunoʼaeʼmo, Ala kava neʼmo geʼamo afiyo. Ala kava neʼmoʼa hunoʼaeʼmo, Egamo mani agufa kanaleʼmo vayaʼmo taonile kegiʼya kipateʼmo uʼa alagepa falaovamo tali kilomofi malimo sigisi kilomofi huʼa vani kinatoletiʼmo miya faigae, huno huʼniye, huno ha paiʼniye.

2 Kini 7:1 ပူးပေါင်းရင်းမြစ်များ

2 Kini 4:42

Mago afinaʼmo mago vekamo Meyo Yaliya taonifatiʼmo ataleno mago hogoteʼa hatagauʼnaya malifatiʼmo tuvetiʼa mali peleti mayaʼe saufaʼmo leʼniya vitiʼeʼmo alino kuʼafiʼmo aino alinino Ilaisategamo eʼniye. Eno avaʼyi huteno ani neʼyaʼmo Ilaisaʼmo amiʼnigeno Ilaisaʼmo aliʼyaʼamo neʼaliya vekaeʼmo ha painoʼaeʼmo, Muki vayaʼmo nesayafeʼmo alika apamiyo, huno ha paiʼniyaʼmonanafa

2 Kini 6:25

Yatala afinaʼmo taonileʼmo faiʼa vego huteʼa maiʼnayaʼmofeʼmo Sameliya taonifi vayaʼmo neʼyafeʼmo lusi kava huʼa kafu huʼnae. Ani afinaʼmo nokiʼmo agenopamo miya faigefeʼmo huʼapaeʼmo 80 kinaletiʼmo miya faiʼnae. Vayaʼmogimo nama anagaʼmogi aifamo miya faigefeʼmo faefu kinaletiʼmo miya faiʼnae.

2 Kini 6:33

Ilaisaʼmo ani gemo nehigenoʼaeʼmo ani vekamo ago eno avaʼyi nehigenoʼaeʼmo kini vekaʼeʼmo eno avaʼyi huʼniye. Kini vekamoʼmo Ilaisafeʼmo ha painoʼaeʼmo, Ala kava neʼmogeʼmo ani hosu afinaʼmo lagaeteʼmo alino afole aino ateʼniye. Na kava hinageʼnaeʼmo magoʼe huʼna agava maiguve, huno ha paiʼniye.

2 Kini 7:16

Taonifiʼmo maiʼnaya vayaʼmogimo ani gemo afiteʼapaeʼmo Siliya vayaʼmogi seli noʼapimo haneʼniya yategamo uʼa muki ataleʼa uʼnaya yaʼmo aliʼnae. Apakaemo asole falaovaʼmo alige malimo alige huʼnayaʼmofeʼmo Ala kava neʼmoʼa huʼniya agufa kavaʼmo huʼa kanale falaovamo tali kiloleʼmofi malimo sigisi kiloleʼmofi huʼa vani kinaleʼmo maketi huʼnae.

Samu 46:5

Gotiʼa ani taonifiʼmo maiʼniyanageno ani taonimo afaʼa hanegaiye. Gotiʼa kotilamisiyapiʼmo eno taonifiʼmo maiʼnisaya vayaʼmo hapa maegaiye.

Hatu maeno apate'niya gemae 14:13

Moseseʼa Isaleli vayaʼaifeʼmo, koli osiyo, huno hapa paiʼniye. Afaʼa he titapa maiyo. Ala kava neʼmoʼa lapa maeno lapakufamo alino katino lapatesiya kavaʼmo agegae. Hemenimo apakeʼnaya Isipi vayaʼmo halate henagaʼamo alagi magoʼe hutapa oʼapakegae.

Hatu maeno apate'niya gemae 16:12

Nagaemo Isaleli vayaʼmogimo hagalu hagalu huʼa ge nahauʼnaya gemo ago afiʼnove. Apakaefeʼmo hapa paikaeʼmo, yegemo uno lamino nefaleya kanaleʼmo ameʼamo negae. Netepiʼmo peleti mayamo neta lapamu hutetapa maigae. Netetapaeʼmo nagetapaeʼmo, agaemo Ala kava neʼmo Gotitimoʼmo maiʼniye, hutapa nagegae, huka hapa paiyo, huno ha paiʼniye.

Hatu maeno apate'niya gemae 8:23

Nagaemo vayaʼnilegamo alu kavaʼmo huteʼna kagae vayaʼaitegamo alu kavaʼmo hisugeʼapaeʼmo alu vaya alu vayaʼmo maiʼnae, huʼa apakegae. Egamo ani alagena kavaʼmo afole aigiye, huno ha paiʼniye.

Aiyeya 1:10

Yulusalemu koteʼmo yagaiʼnaya vayaʼmogitapae, huʼna, Satomi koteʼmo yagaiʼnaya vayakana hutapa maiʼnayanagi Ala kava neʼmo geʼamo afiyo. Yulusalemu taonifiʼmo maiʼnaya vayaʼmogitapae, huʼna, Gomola taonifiʼmo maiʼnaya vayakana hutapa maiʼnayanagi Gotitimo keʼaepa geʼaeʼmo alagepa hutapa lapaketafo hiyo.

Yoni 6:9

mago manile maiʼniya mafaʼnemoʼa faefuʼa mali peleti mayaʼe lole noyamelaʼeʼmo aliʼniye. Aliʼniyaʼmonanafa asole vayapiʼmogeno mani neʼyaʼatomoʼa kanale osugiye, huno ha paiʼniye.

Yasuva 3:5

Yasuvaʼa muki vayaʼaifeʼmo ina ge huno hapa paiʼniye. Egamo Ala kava neʼmoʼa alopa aune kavaʼmo oʼageʼnaya agufa aune kavaʼmo hugiyaʼmofeʼmo hemenimo lapakaitapimo alita lapaoteʼmo lapateyo, huno hapa paiteno

Leveleseni 6:6

Inagi loleʼe loleʼe vayapati vekamoʼmo age aigekana huno ge hunoʼaeʼmo, kafu hu afinafeʼmo magoke afinaʼmo aliʼyaʼmo aliʼnaya yatefeʼmo miyaʼapimo afaʼa ataleʼa loleʼe loleʼe laisi kapumo hugekana huʼa huʼnaya yaʼmo agiʼamo vitimo miya faigae. Magoke afinaʼmo aliʼyaʼmo aliʼnaya yatefeʼmo miyaʼapimo afaʼa ataleʼa tuolofuʼa kapumo napa tu agufa vitimo agiʼamo malimo miya faigae. Alifi yosa alagafati aniʼe nofi alagafati aniʼeʼmo alika hosu huka oʼato, huno huʼniye.

1 Samiyo 11:9

Apakaemo eʼnaya vayaʼaifeʼmo hapa paiʼapaeʼmo, Lapakaemo uta Yemesi-Giliyati vayaʼaifeʼmo hapa paitapaeʼmo, Lagaemo egamo yegemo haine neʼesigetaeʼmo eta lapa maegune, huʼa hae, hutapa hapa paiyo. Inagi ani eʼnaya vayaʼmogimo uʼa Yemesi-Giliyati vayaʼaifeʼmo ani huʼnaya gemo hapa paiʼnae. Apakaemo afiteʼapaeʼmo apamogaga aiʼnae.

1 Samiyo 15:1

Samiyoʼmo Solofeʼmo ina ge huno ha painoʼaeʼmo, Ala kava neʼmoʼa Isaleli vayaʼaleʼmo kini vekamo maiʼneka yagaika apatesanafeʼmo alino nateʼnigeʼna uʼna uvelimo faleʼna kateʼnove. Kateʼnovaʼmofeʼmo hemenimo kagaemo Ala kava neʼmo geʼamo afiteka akame huvo.