2 Kini 6:17 - The Keyagana NT and 25 OT books

¹⁷ Ilaisaʼmo ina gemo huno nunumuʼmo hunoʼaeʼmo, Ala kava nene, huno, Kagaemo ani vekamo aulagamo alika ayakeka ategenoʼa ani huʼnova nofi vayaʼmo apakeno, huno nunumuʼmo huʼnigeno Ala kava neʼmoʼa neya vekamo aulagamo alino ayakeʼnigeno Ilaisaʼmo maiʼniya aveleʼmo atagana huʼa hosi anaganagi talalagi huʼa maiʼa kili paeteʼa Ilaisateʼmo faiʼa vego huʼnageno apakeʼniye.

2 Kini 6:17 ပူးပေါင်းရင်းမြစ်များ

Aepa Gemae 21:19

Hega aulagamo alino ayakeno ateʼnigeno mago ani kotuʼmo ageteno uno meme agufa kepiʼmo he fino alinineno mafaʼneʼamo amiʼnigeno neʼniye.

Aepa Gemae 32:1

Inagi Yekopuʼa neʼvigeʼapaeʼmo Goti enisole vayaʼamo agaetegamo neʼageʼapaeʼmo fotu huʼnae.

Aepa Gemae 32:2

Agaemo apaketenoʼaeʼmo, lole alulaʼmo Goti ami vayaʼae, huno huteno ani mopamo agiʼamo Mehaneyemi mopae huno ateʼniye. Ani agimo aepaʼamo lole alulaʼmo ami vayaʼmae.

Aepa Gemae 32:3

Yekopuʼa mago apa vayaʼmo alino apateʼnigeʼa Siya kotega Itomi nofi vayaʼai mopalegamo Yekopu nepuʼamoʼmo Isotegamo uʼa hogoteʼnae.

2 Kini 2:11

Anakaemo ge hume hume neʼvaʼagenoʼaeʼmo malage huno lole hosilaʼmo atagana hosilaʼmo mago atagana talalamo halauliʼana eʼana aliʼana fako huʼana anateʼnaʼageno mago alino vego vego huʼniya yasimoʼmo Ilaiyaʼmo avalelino kokuʼnapiʼmo uno haiʼniye.

Samu 104:3

Kagaemo nokamo anaga aniteʼmo ki maleʼnane. Hiyaʼmo talalakagana huno haneʼnigeno yasimoʼmo kagaemo kavalelino neʼviye.

Samu 104:4

Agaemo enisole vayaʼamo yasigana huno alo huno apateʼniye. Aliʼyaʼamo neʼaliya enisole vayaʼmo ata vaikana huno alo huno apateʼniye.

Samu 119:18

Naulagamo alika ayakeka nategeʼnao keʼaepa gekamo ageteʼna nahau aiguve.

Samu 125:2

Avemoʼmo Yulusalemu taonimo faino vego huno ateʼniya kava huno Ala kava neʼmoʼa vayaʼamo faino vego huno neʼapateyanageno muki afinaʼaeʼmo faino vego huno apategaiye.

Samu 34:7

Ala kava neʼmo enisole vekaʼamoʼmo Ala kava nefeʼmo koli nehaya vayaʼaiteʼmo yagaino vego huno apateteno apakufamo alino katino neʼapate.

Samu 68:17

Goti kame talalaʼamo tauseni tauseniʼamo haneʼniye. Ala kava neʼmoʼa Sainai avefiʼmo emineno maiʼniya kava huno Saiyoni avemo aote aveleʼmo emineno maiʼniye.

Samu 91:11

Ala kava neʼmoʼa enisole vayaʼaeʼmo, yagaitapa ateyo, huno hapa paisigeʼa muki afinaʼmo kategamo umenitata hisana afinaʼmo yagaiʼa kategayaʼmofeʼmo hosu kavaʼmo kagaeteʼmo alagi afole oʼaigiye.

Samu 91:15

Nagaefeʼmo keya aeno ge hisigeʼnaeʼmo afiguve. Hanageke yaʼmo neʼalisigeʼnaeʼmo agaeʼeʼmo magokepi lokaeʼna maiguve. Agufamo aliʼna katiʼna ateteʼna ala agiʼamo amiguve.

Aiyeya 42:7

Kagaemo apaulagamo ali huʼnisiya vayaʼmo alika ayakeka apatege kalavusifiʼmo maiʼnaya vayaʼmo hatu maeka apatege kalavusifiʼmo hanipiʼmo fai maiʼnisaya vayaʼmo apavalelika ege hisanafeʼmo kategauve.

Neniyo 10:7

Nagaiʼnimo magoke Neniyoʼnageʼmo ani alagamuna agegekana kavaʼmo huʼna ageʼnove. Apakaemo nagaeʼe magokepi lokaeʼa maiʼnaya vayaʼmogimo ani alagamuna agegekana kavaʼmo huʼna ageʼnova kavaʼmo oʼageʼnayaʼmonanafa lusi kava huʼa koli huteʼa apaune heʼa uʼa fala kiʼnae.

Napa 22:31

Inagi Ala kava neʼmoʼa Melamiʼmo aulagamo alino ayakeno ateʼnigeno agaemo ageʼniyana Ala kava neʼmo enisole vekaʼamo naipemo aliteno kateʼmo he tino maiʼnigeno ageʼniye. Agetenoʼaeʼmo ape huno augosalegatiʼmo mopafiʼmo asagauno aiʼniye.

Matiyu 26:53

Hemenimo nagaemo Afoʼnimofeʼmo afaʼa nunumuʼmo hisugeno tauseni tauseniʼa enisole vayaʼamo alino apatesigeʼa emi eʼa naha maegae, hutapa oʼafiʼnafiye.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Himulu 1:14

Enisole vayaʼmo apauneʼapameʼe vayaʼmo maiʼneʼa Goti aliʼyaʼamo neʼaliya vayaʼmo maiʼnae. Gotiʼa fikumo hapa maeno apakufamo alino katino apatesiya vayaʼmo hapa maesayafeʼmo alino apateʼnigeʼa emineʼae.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

Leveleseni 19:14

Kokuʼnapiʼmo asole ati vayaʼmogimo yaveyave kukenamo vaiʼa aliteʼa yaveyave hosileʼmo fai maiʼneʼa akame huʼa uʼnae.

Leveleseni 3:7

Kagaemo Filatefiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo naote vekamo lama geʼageʼmo nehuva vekamoʼnamo Neviniʼa yagaino neʼapateya kava huʼna yagaiʼna apatesuva kiʼmo aliʼnova vekamoʼnamo mani gemo lapa nepauve. Kitamo yakiʼna apateʼnisugeʼapaeʼmo mago vayaʼmogi eʼa kitamo kiʼa oʼapategae. Kitamo ki maleʼnisugeʼapaeʼmo mago vayaʼmogi eʼa kitamo yakiʼa oʼapategae.