2 Kini 5:7 - The Keyagana NT and 25 OT books

⁷ Isaleli kini vekamoʼmo ani avopiʼmo lekana paitenoʼaeʼmo kukena yaʼamo alino apake aitenoʼaeʼmo, Vae, na agufa kavaʼmo higenoʼaeʼmo Siliya kini vekamoʼmo nagaemo ani vekamo lepolosi kaitaʼamo aliʼna hageʼna atesuvafeʼmo ge huno atalegeno eʼniye. Nagaemo Gotiʼnamo maiʼnogeno lokiyaʼnimo haneʼninageʼna vayaʼmo afaʼa maisaya kavaʼmo huge vayaʼmo falisaya kavaʼmo huge hisufiye. Nagaemo afiʼnovana agaemo nagaemo kamemo nahaesiya kafeʼmo kahauya huʼnegaiye, huno huʼniye.

2 Kini 5:7 ပူးပေါင်းရင်းမြစ်များ

Aepa Gemae 30:2

Yekopuʼa Lesofeʼmo aipa leno atetenoʼaeʼmo, Gotiʼa kaipamo alino kalagu ki maleʼnigekaeʼmo mafaʼnemo alika noʼatane. Nagaemo Goti aimuʼyaleʼmo afaʼa oʼmaiguve, huno ha paiʼniye.

Aepa Gemae 37:29

Lumeniʼa ago apataleno uʼniyatetiʼmo halate enoʼaeʼmo ageʼniyana Yosefeʼmo kelifi oʼmaiʼnigeno agetenoʼaeʼmo hau huʼnigeno kukenaʼamo alino apake aiʼniye.

Aepa Gemae 50:19

Yosefeʼa hapa painoʼaeʼmo, Lapakaemo koli osiyo. Nagaemo Gotiʼnamo oʼmaiʼnovanageʼna agoti huʼna olapategauve.

1 Kini 20:7

Ani gemo huno ha paiʼniyaʼmofeʼmo Isaleli kini vekamoʼmo muki Isaleli vayatama vayaʼaifeʼmo ge huʼnigeʼa eʼnageno hapa painoʼaeʼmo, Lahapao ke hovanagi afiyo, huno, ani vekamoʼmo alino hosu hunoʼageʼmo latesiya kavaʼmo nehiye. Hogoteno aʼne anagaʼnigi mafaʼne anagaʼnigi siluvaʼnigi goliʼnigi huʼna amisuvafeʼmo huʼniye. Huʼnigeʼnaeʼmo nagaemo ani gelefeʼmo kanalene, huʼna huʼnove.

2 Kini 5:6

Agaemo ani Siliya kini vekamoʼmo kaeʼniya avoʼmo alininuno Isaleli kini vekamo amiʼniye. Ani avopiʼmo hunoʼaeʼmo, Nagaemo aliʼyaʼnimo neʼaliya vekamo Nemaniʼmo lepolosi kaitaʼmo alagi alika hageka atesanafeʼmo kagaetegamo aliʼna ateʼnogeno uʼniye.

Neniyo 2:11

Kini vekamoʼmo lusi kava huno lokiya vaiʼniya kavafeʼmo ge huno lafi geʼniye. Muki ma mopafiʼmo vayapatiʼmo magoke vekamoʼmo ani kavafeʼmo kaha opaigayaʼmonanafa ma mopafi oʼmaiya gotigigeʼmo afaʼa kaha paigae, huʼa huʼnageno

Napa 14:6

Yasuvaʼmo Nani mafaʼnemoʼe Kelepiʼmo Yefune mafaʼnemoʼeʼmo anakaemo ani vayaʼmogimo uʼa Kenani mopamo agesayafeʼmo uʼnageʼanaeʼmo kukena yaʼaniʼmo aliʼana apake aiʼnaʼae.

Matiyu 26:65

Mono huʼa neʼapataya vayaʼaiteʼmo yagaino neʼapateya vekamoʼmo ani gemo afiteno agaiʼa kukenaʼamo alino apake aitenoʼaeʼmo, Gotifeʼmo huno faipa huno ateʼniye. Magoʼe faigoko gemo eʼa laha paisaya vayaʼaifeʼmo ge osugune. Hemenimo Gotifeʼmo huno faipa huno ateʼniya gemo ago afiʼnagi

Luki 11:54

Agoti huʼa atesayafeʼmo hosu gemo hisiyaʼaeʼmae, huʼa huteʼa aneʼaimo hanagigekana hu maleteʼa yagaiʼa maiteʼa afiʼa maiʼnae.

Apa 14:14

Manamasiʼe Poloʼeʼmo ani kavaʼmo ageteʼanaeʼmo ohanauʼnigeʼana kukenaʼanimo aliʼana apake aiteʼana ani vayaʼai folagapiʼmo nagu nagu huʼana uʼnaʼae.

1 Samiyo 2:6

Ala kava neʼmoʼa kamitimo apamagige faliʼnaya vayaʼaina afaʼa maisaya yaʼmo apamige nehiye. Agaemo kanolufiʼmo alino apatege kanolufatiʼmo alino he tino apatege nehiye.