2 Kini 5:5 - The Keyagana NT and 25 OT books

⁵ Siliya kini vekamoʼmo agaefeʼmo ha painoʼaeʼmo, He, kanalene. Mago avoʼmo kaeʼna kamisugeka alinika uka Isaleli kini vekamo amigane, huno ha paiʼniyaʼmofeʼmo Nemaniʼmo tali hataleti tauseni kina siluvagi sigisiti kilo goligi alagepa kukena yaʼmo naya loleʼalanagi huno aliteno Sameliya taonifiʼmo alinino uʼniye.

2 Kini 5:5 ပူးပေါင်းရင်းမြစ်များ

Aepa Gemae 11:3

Henagaʼamo apakaiʼapimo ge huge afige huʼapaeʼmo, Lagaemo mago kalipa mopamo alita hapa atiteta atafiʼmo kaesunageno no kisuna yafaʼmo alino hamalegaiye, huʼa huʼnae. Ani kavaʼmo huʼnagenoʼaeʼmo noʼmo kisaya yafaʼmo alino hamaleʼnigeʼa ani yafaʼmo agiʼa aeʼa kamaesiya yaʼaʼeʼmo aliʼnae.

Aepa Gemae 11:7

Uta lamigetao, lagaemo uta lamita alita fako huta alu apake alu apakemo apamisunageʼa mago vayaʼmogi hisaya gemo mago vayaʼmogi oʼafigae, huno huʼniye.

Aepa Gemae 45:22

Yosefeʼa nepuʼamogimo magoke magoke huno kukenamo alu afina alu afinaʼmo vaisayafeʼmo huno apamiteno Menisameniʼmo faefuʼa afinaʼmo vaisiyafeʼmo kukenamo amiteno tali hataleti siluva monimo amiʼniye.

2 Kini 4:42

Mago afinaʼmo mago vekamo Meyo Yaliya taonifatiʼmo ataleno mago hogoteʼa hatagauʼnaya malifatiʼmo tuvetiʼa mali peleti mayaʼe saufaʼmo leʼniya vitiʼeʼmo alino kuʼafiʼmo aino alinino Ilaisategamo eʼniye. Eno avaʼyi huteno ani neʼyaʼmo Ilaisaʼmo amiʼnigeno Ilaisaʼmo aliʼyaʼamo neʼaliya vekaeʼmo ha painoʼaeʼmo, Muki vayaʼmo nesayafeʼmo alika apamiyo, huno ha paiʼniyaʼmonanafa

2 Kini 5:4

Inagi Nemaniʼmo ani gemo afitenoʼaeʼmo uno kini vekaeʼmo ha paiʼniye. Ani Isaleli a mafaʼnemoʼmo huʼniya gemo ha paiʼnigenoʼaeʼmo

2 Kini 5:6

Agaemo ani Siliya kini vekamoʼmo kaeʼniya avoʼmo alininuno Isaleli kini vekamo amiʼniye. Ani avopiʼmo hunoʼaeʼmo, Nagaemo aliʼyaʼnimo neʼaliya vekamo Nemaniʼmo lepolosi kaitaʼmo alagi alika hageka atesanafeʼmo kagaetegamo aliʼna ateʼnogeno uʼniye.

Mai'naya kavane 18:16

Vayaʼmogimo fikumo neʼapamiya yaʼmoʼa visaya kaʼmo valino neʼapate. Fikumo apamisageʼapaeʼmo ala apaki vayaʼmogi apaulagaleʼmo apatesageʼa eʼa he tiʼa maigae.

Aiyeya 5:5

Lahapaoke hove. Hoyaʼnifiʼmo hisuva kavafeʼmo nagesamo afiʼnova kavafeʼmo lapa paiguvanagi afiyo. Nagaemo hoyaʼnileʼmo haneʼniya kegiʼyamo heʼna yakina ataleteʼna afaʼa ateʼnisugeno atamo lesigeʼa apaiyaletiʼmo aeʼa latapaigae.

Napa 22:7

Inagi Movapu koteʼmo neʼyagaiya vayaʼe Mitiyani koteʼmo neʼyagaiya vayaʼeʼmo lifana hisigeʼapaeʼmo miyaʼamo amisayafeʼmo Melamitegamo aliniʼa uʼnae. Apakaemo uʼa avaʼyi huteʼapaeʼmo Melakiʼmo huʼniya gemo ha paiʼnae.

Yemisi 4:13

Mago vayaʼamogitapamo huʼapaeʼmo, hemenimofi egamofi huta uta taonifiʼmo mago kafuga maita aliʼyaʼmo aliteta monimo aligune, hutapa nehae.