2 Kini 5:17 - The Keyagana NT and 25 OT books

¹⁷ Inagi Nemaniʼmo hunoʼaeʼmo kahao ke hovanagi mago yaʼmo oʼalisanaʼmoʼmo kagaemo afaʼa nategeʼna mago mopamo lole nokilaʼmoganimo alisaʼa agufa mopamo kafiʼna aliguve. Nagaemo koʼnilegamo aliniʼnuʼna mopaletiʼmo Ala kava neʼmo ofalini hiʼyalamuʼmo huteʼna ofalinimo huguve. Nagaemo magoʼe huʼna alu gotigitefeʼmo atamoʼmo alagi leno saga lisiya ofalinimo osuge alu ofalinimo osuge huguve.

2 Kini 5:17 ပူးပေါင်းရင်းမြစ်များ

2 Kini 5:12

Namasakasi kotega Emana aniʼmoʼe Fapa aniʼmoʼeʼmo muki Isaleli kotega aniʼmo ago aeno aga seʼniye. Nagaemo ani lole anitalapiʼmo aniʼmo faleteʼna alagepa huʼna oʼmaigufiye, huno huteno lusi kava huno aipamo leʼnigeno ataleno uʼniye.

2 Kini 5:18

Osuguvaʼmonanafa Ala kava neʼmoʼa mago hosu kavaʼnimo alino atalesiyafeʼmo nahauʼniye. Ala vekaʼnimoʼmo uno Limani gotitefeʼmo mono hisiyafeʼmo mono nopiʼmo uno nehaigeʼnaeʼmo nagaemo agaeʼeʼmo magokepi lokaeʼna neʼuve. Kini vekamoʼmo nayateʼmo aliʼnigeʼna nagaeʼeʼmo naleʼyamo faiʼnove. Nagaemo Ala kava neʼmoʼa ani hosu kavaʼnimo alino atalesiyafeʼmo nahauʼniye. Hao ke nehove, huno huʼniye.

Hatu maeno apate'niya gemae 20:24

Lapakaemo mago mopamo alitetapaeʼmo nagaetefeʼmo ofalinimo hisaya yaʼmo malesaya hiʼyalamuʼmo hugae. Ani hiʼyalamuteʼmo sipisipi ofalinimofi pulumaka ofalinimofi hutapa atafiʼmo kaetapa alagi asagalitapa namige nagaeʼe lapakaeʼeʼmo magoke laipa lagesamo alita maisuna ofalinimo namige hugae. Nagaemo lekana pai malesugetapa maiʼnetapa mono hisageʼna ala nagiʼnimo alisuva mopaleʼmo lapakaetegamo emiʼneʼnaeʼmo alagepa hutapa maiyo, huʼna lapa paiguve.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Lomu 14:1

Mago konagatapimogimo Goti geʼaeʼmo lokiya vaiʼa apakesamo afiʼa fatago nosisaya konagatapimogimo siosifiʼmo apavalelitapa eyo. Lapakaemo ge hapaisageʼapaeʼmo alu apakesa afisayafeʼmo apavalelita oʼmetapa fikumo apavalelitapa eyo.

1 Tesaloniyani 1:9

Ani vayaʼmogimo lagaefeʼmo huʼapaeʼmo, apakaemo Tesaloniyani vayaʼaitegamo uʼnageʼapaeʼmo aigofe gotiʼapimogi apataleʼa aiʼa afe leʼa Gotitegamo eʼa afaʼa neʼmaiya lama ge Goti aliʼyaʼamo neʼaliye.

1 Pita 4:3

Lagaemo hogoteta malaga vayaʼmogi hapauʼniya kavakeʼmo alagi huʼnonaʼmonanafa hemenimo magoʼe huta osugune. Hogoteta kumai kavaʼmo hisunafeʼmo apayate alige amega lagufamoʼmo hauʼniya kavaʼmo huge aniʼmo neteta negi nagi kavaʼmo huge ogefagemo huge aniʼmo neteta hosu kigi yokalo gemo huge hutetaeʼmo aigofe gotitefeʼmo hosu monoʼmo huʼnone.