2 Kini 5:14 - The Keyagana NT and 25 OT books

¹⁴ Inagi Nemaniʼmo geʼapimo afiteno uno Yoneni anipiʼmo Goti vekaʼamoʼmo huʼniya agufa kavaʼmo huno seveniʼa kanaleʼmo anipiʼmo nukuma neʼnigenoʼaeʼmo lepolosi kaitaʼamo alagi ago hageʼniye. Agufamo kanale agufamo saufa mafaʼnemo agufagana agufamo alino hamaleʼniye.

2 Kini 5:14 ပူးပေါင်းရင်းမြစ်များ

1 Kini 17:16

Ala kava neʼmoʼa Ilaiya avayafatiʼmo ha paiʼniya kavaʼmo huno talamufi falaovaʼamo hano osuge samofiʼmo haneʼniya uveliʼamo hano osuge huʼniye.

2 Kini 4:35

Inagi Ilaisaʼmo hipaletiʼmo ataleno ani anaga nopiʼmo uneno huteno halate hipaleʼmo uno haino mafaʼne kanoleʼmo halate ape huʼnigeno mafaʼne kanomoʼmo seveniʼa afinaʼmo katamu huteno aulagamo ageno ayakeʼniye.

2 Kini 5:10

Ilaisaʼmo mago vekamo alino ateʼnigeno uno Nemanifeʼmo ha painoʼaeʼmo, Kagaemo uka Yoneni anipiʼmo seveniʼa kanaleʼmo aniʼmo falegenoʼa kaitakamo kahagesigeno afa kagufamo alino ha maleno, huno ha paiʼniye.

2 Sitoli 20:20

Gotilamiyapiʼmo muki Yuta vayaʼmo he tiʼa Tekova taoni haopalegamo kaʼme kotegamo neʼuʼapaeʼmo kini vekamo Yihosafatiʼmo he tino ina ge huno hapa paiʼniye. Hapa painoʼaeʼmo, Yuta vayanagi Yulusalemu taonifi vayanagi hutapa geʼnimo afiyo. Lapakaemo Ala kava neʼmo Gotitapimofeʼmo alita amufa amigenoʼao lokiya vaino lapatesigetapa he tiyo. Lapakaemo geʼamo alini eʼa aeʼa hakalo huʼa hapa nepaiya vayaʼai geʼapieʼmo lapakesamo afita fatago higenoʼao lapa maesigetapa alagepa hutapa maiyo, huno hapa paiʼniye.

Hatu maeno apate'niya gemae 4:7

Ala kava neʼmoʼa ha painoʼaeʼmo, kagaemo halate kayaʼmo sioti kukafiʼmo vaiyo, huno huʼnigeno ayaʼmo ani kavaʼmo huno vaiteno he fino ageʼniyana mago alu ayaʼmo afaʼa haneʼniya ayakana huʼnigeno ageʼniye.

Mai'naya kavane 9:9

Kagaemo afiteno neʼageya vekamo alika aya malesanageno magoʼe huno afiteno agegaiye. Kagaemo fatago vekamo alika aya malesanageno afiʼniya kavaʼaleʼmo magoʼe huno afigiye.

Luki 4:27

Ilaisaʼa maiʼnigeʼapaeʼmo Isaleli kotegamo muki lepolosi yaʼmo hapauʼniya vayaʼmo maiʼnayaʼmonanafa Ilaisaʼa Siliya kotega maiʼniya vekamo agiʼamo Nemenikeʼmo alino hageno ateʼniye, huno hapa paiʼnigeʼa

Luki 5:13

ayaʼmo aeno hayo huno agufaleʼmo ayaʼmo maleʼnenoʼaeʼmo, nahauʼniyanagi kagufalafaʼmo alino hamaleno, huno ha nepaigenoʼaeʼmo lepolosi yaʼmo hauʼniya yaʼamo hageʼniye.

Yoni 2:5

Yesu itaʼamoʼmo aliʼyaʼmo neʼaliya vayaʼaifeʼmo hunoʼaeʼmo, na agufa kavaʼmo hiyo, huno lapa paisifi geʼamo akame huta hiyo, huno hapa paiʼniye.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Yasuva 6:4

Mono huʼa neʼapataya vayaʼmo seveniʼamogimo kotalake kesileʼmo uʼa hogoteteʼa ve sipisipimogi lokiyaʼapiletiʼmo alo huʼnaya pikulimo seveniʼa pikulimo aliniʼa ugae. Lapakaemo napa seveni afinaʼmo alagi taonimo seveniʼa kanaleʼmo aita vego hutapa neʼvisageʼapaeʼmo mono huʼa neʼapataya vayaʼmogi pikulimo hugae.