2 Kini 5:13 - The Keyagana NT and 25 OT books

¹³ Inagi Nemani aliʼyaʼamo neʼaliya vayaʼmogi uʼa haopaletiʼmo agaefeʼmo huʼapaeʼmo, Afotimogae, huʼa, Gotitegati gemo alinineno aeno hakalo nehisiya vekamoʼmo alagi lokiya kavaʼmo huvo, huno kaha paiʼniyesinana afaʼa huʼnanesine. Agaemo kagaefeʼmo aniʼageʼmo falo, huno kaha paiʼniya kavaʼmo afaʼa akame huka hisana agufa gemo kaha paiʼniyanagi huvo, huʼa ha paiʼnae.

2 Kini 5:13 ပူးပေါင်းရင်းမြစ်များ

Aepa Gemae 41:43

Agaemo Yosefeʼmo alino ateʼnigeno akame huno talalafiʼmo uno haino fai maiteno uʼnigeʼa aliʼyaʼamo neʼaliya vayaʼmo uʼa hogoteteʼapaeʼmo lapaleʼyamo faiyo, huʼa huʼnae. Feloʼa ani kavaʼmo huʼniya kavatetiʼmo Yosefeʼa muki Isipi koteʼmo yagaino apatesiyafeʼmo lekana paino ateʼniye.

1 Kini 20:23

Inagi Siliya kini vekamo aliʼyaʼamo neʼaliya vayaʼmogi ha paiʼapaeʼmo, Isaleli vayaʼmogi gotiʼapimogimo aveleʼmo neʼyagaiyaʼmofeʼmo aeʼa laga seʼnae. Aeʼa laga seʼnayaʼmonanafa lagaemo otu koteʼmo apakaeʼeʼmo kamemo hisunaʼmoʼmo lagaemo huta aeta apaka segaune.

1 Kini 20:31

Fala kiʼnigeʼapaeʼmo aliʼyaʼamo neʼaliya vayaʼmo agaetegamo uʼa ina ge huʼa ha paiʼnae. Afiyo, huʼa, Isaleli kini vayaʼmogimo hapau huʼa apateteʼa hapa neʼmaya vayane, huʼa huʼnageta afiʼnone. Kahao ke hone, huʼa, kagaemo lategeta kogu kukenamo vaiteta lugotifiʼmo makalaniletiʼmo aita kiteta Isaleli kini vekalegamo visunageno fikumo hau huno kateteno kamitimo okamagisifigeta agegaune, huʼa ha paiʼnae.

2 Kini 2:12

Ilaisaʼmo ageyana Ilaiyaʼmo uno haiʼnigenoʼaeʼmo keya aeno ge hunoʼaeʼmo, Afoʼnimogae, afoʼnimogae, huno, Kagaemo Isaleli vayaʼmogi talalaʼe hosileʼmo fai maiʼnaya ati vayakana huka maiʼnane, huno huteno magoʼe huno oʼageʼniye. Aipamoʼmo lusi kava huno kana huʼnigenoʼaeʼmo agaiʼa kukena yaʼamo alino apake aino lole huʼniye.

2 Kini 5:10

Ilaisaʼmo mago vekamo alino ateʼnigeno uno Nemanifeʼmo ha painoʼaeʼmo, Kagaemo uka Yoneni anipiʼmo seveniʼa kanaleʼmo aniʼmo falegenoʼa kaitakamo kahagesigeno afa kagufamo alino ha maleno, huno ha paiʼniye.

2 Kini 5:3

Agaemo Nemani a kanoeʼmo ha painoʼaeʼmo, Gotitegati gemo alinineno aeno hakalo nehiya vekamo Sameliya taonifiʼmo maiʼniye. Ani Goti vekaʼamoʼmo anaukamo kaitaʼamo afaʼa alino hageno ategaiyaʼmofeʼmo kanalenageno anaukamoʼmo agaetegamo afaʼa ugiye.

2 Kini 6:21

Isaleli kini vekamoʼmo apaketenoʼaeʼmo Ilaisafeʼmo ha painoʼaeʼmo, Afoʼnimogae, huno, nagaemo kamitimo apamagisufiye, kamitimo apamagisufiye, huno ge huno afi geʼniyaʼmonanafa.

Samu 51:2

Muki hosu kavaʼnimo alagi aeka kalo paeka atalo. Hosu kavaʼnimo alika ataleteka alika alagepa huka nato.

Samu 51:7

Aika fuli fuli huka faleka nategeʼnao yaveyave vekamo maino. Sese huka nategeʼnao yaveyave yafakana huʼna yaveyaveʼageʼmo huʼna magoʼe huʼna yaveyave vekamo maino.

Aiyeya 1:16

Lapakaitapimo sese huta lapateyo. Yaveyave apaipa vayaʼmo alita hamaletapa apateyo. Naulagaleʼmo hosu kavatapimo alita ataleyo. Magoʼe hutapa osuta ataleyo.

Malakai 1:6

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Mafaʼne anagaʼmogimo afoʼapimogi ala apakiʼapimo neʼapamiye. Aliʼyaʼmo neʼaliya vayaʼmogimo aliʼyaʼmo afoʼamo geʼamo neʼafiye. Nagaemo Afotapimoʼnamo maiʼnovana na kava higetapaeʼmo ala nagiʼnimo noʼnamiye. Yagaiʼna nelapatova vekamo maiʼnovana na kava higetapaeʼmo koliʼnimo osutapa naiyafiʼmo noʼmaiye. Nagaemo mani gemo mono hutapa neʼapataya vayaʼmogitapamo nagiʼnieʼmo lapavenatuʼnaʼmo hetapa atalegekana kavaʼmo nehaya vayaʼmogitapaeʼmo lapa nepauvaʼmonanafa lapakaemo hutapaeʼmo, haiya kava huta kagikaeʼmo lavenatuʼnaʼmo heta atalegekana kavaʼmo nehune, hutapa nehae.

Matiyu 23:9

Afotapimoʼmo magoke vekamo maiʼnenoʼaeʼmo kokuʼnapiʼmo maiʼniyaʼmofeʼmo ma mopafi vayaʼaifeʼmo, afotimogitapae, huta osiyo.

Yoni 13:8

Pitaʼa hunoʼaeʼmo, hemeniʼe muki afinaʼeʼmo naiyamo sese huka oʼnategane, huno ha paiʼnigenoʼaeʼmo, kaiyamo sese huʼna okatesuvana hemenimo nafaluʼnimogamo oʼmaiʼnananageka hetamakamo oʼaligane, huno ha paiʼnigeno

Yoni 9:7

Faleno atetenoʼaeʼmo, uka Silomi ani kotupiʼmo aniʼmo faleka kalo pao, huno ha paiʼniye. Ani Silomi ani kotune agimo aepaʼamo haneʼniyana alino ateʼnigeno uʼniya ani kotune. Ani vekamo uno anipiʼmo faleno kalo paeteno aulagalaʼmo ageno ayaketeno noʼalegamo uʼniye.

Apa 22:16

Na kava higeka afaʼa maiʼnane. He tika aniʼmo faleteka Ala kava neʼmo agiʼalefeʼmo ge hugenoʼao hosu kavakamo aeno kalo paeno ataleno, huno naha paiʼniye.

1 Kolitiyani 1:21

Gotiʼa afiʼniya geʼaletiʼmo ani kavafeʼmo hunoʼaeʼmo, afiteʼa ageʼnaya kavatetiʼmo nageʼa aeto osugae, huno huteno kaʼmo akani maleʼniye. Agaemo negi nagi gemo haneʼniye, huʼa apakesamo neʼafiya faigoko geʼamo aeta hakalo huta hapa nepauna geʼaletiʼmo Kalaisifeʼmo apakesamo afiʼa fatago nehaya vayaʼai apakufamo alino katino neʼapate.

1 Kolitiyani 1:27

Gotiʼa afiteʼa ageʼnaya vayaʼmo apavagage yaʼmo alino apamisiyafeʼmo ma mopafi vayapatiʼmo oʼafiʼnaya vayaʼmo lekana paino apateʼniye. Gotiʼa lusi kava huʼa apayamufa neʼvalaya vayaʼmo apavagage hisiya yaʼmo alino apamisiyafeʼmo apayamufa noʼvalaya vayaʼmo lekana paino apateʼniye.

1 Kolitiyani 4:15

Teni tauseniʼa tisa vayaʼmogi Kalaisipiʼmo yagaiʼa nelapataya tisa vayaʼmo maiʼnisayaʼmoʼmo afotapimoʼmo magokeʼageʼmo maiʼniye. Nagaemo Kalaisifeʼmo alagepa faigoko geʼaletiʼmo mafaʼneʼnimo aliʼna lapateteʼna Kalaisi Yesupiʼmo afotapimoʼnamo maiʼnove.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.

Himulu 10:22

lama ge laipamo kaliteta magoke laipa lagesamo alitetaeʼmo lagesamo afita fatago nehutaeʼmo Goti haopaleʼmo uta haigetao. Laipafiʼmo aino fuli fuli huno lateʼnigenoʼaeʼmo yuʼilaga vekatimoʼmo hosu kavatapimo haneʼniye, huno nosiye. Lagufaleʼmo alagepa anitetiʼmo faleno lateʼniyanagi uta haigetao.

1 Pita 3:21

Apakaemo sipifiʼmo maiʼnagenoʼaeʼmo Gotiʼa anipatiʼmo apakufamo alino katino apateʼniya kavaʼmo aune kavaʼmo huno Gotiʼa aniʼmo faleʼa nelataya kavatetiʼmo lagufamo alino katino nelate. Fikumo aniʼmo faleʼa neʼapataya kavaʼmoʼa amega apakufale oʼaniʼyaʼageʼmo aeno kalo paeno neʼataleyaʼmonanafa Gotiʼa Yesu Kalaisiʼmo alino he tino ateʼniya kavatetiʼmo yuʼilaga mafaʼnetimo alino alagepa huno lateʼniya mafaʼnetifatiʼmo Goti geʼaleʼmo aeta atagaina huta nehune.

Leveleseni 7:14

Ala vekae, huʼna, oʼapakeʼnove. Kagaemo apakeʼnanagi naha paiyo, huʼna afi geʼnogeno naha painoʼaeʼmo, Kalaisiʼa lusi kava huʼa apaini huʼa lapatesaya afinaʼmo afole aigiye, huno lapa paiʼniya afinaʼmo alopa hanageke yaʼmo ago afole aiʼnigeʼa Goti geʼamo oʼataleʼa eʼa maiʼnae. Yatala kukenaʼapimo aikeli sipisipi vekamo kolaʼaletiʼmo sese huʼnageno yaveyave kukenamo hamaleʼniye.

1 Samiyo 24:11

Afoʼnimogae, huʼna, Magoʼe gemo afiyo. Kukena yakamo atupaʼaleʼmo ago. Kukenakamo hatagauʼnovaʼmonanafa kamitimo okamagiʼnove. Kagaemo ageka alagepa huteka afiyo. Nagaemo kagaetegamo hosu kavaʼmo huge aliʼna hosu huʼna katege hisuvafeʼmo nagesamo oʼafiʼnove. Nagesamo oʼafiʼnovaʼmonanafa kagaemo kamitimo namagisanafeʼmo nagaefeʼmo kahauya nehane.

1 Samiyo 28:23

Ani gemo huʼniyaʼmonanafa Soloʼmo hunoʼaeʼmo, Haʼao, neʼyaʼmo oʼnegauve, huno huʼnigeʼa aliʼyaʼamo neʼaliʼa vekalaʼe ani a kanoʼeʼmo Solofeʼmo haʼao, huʼa, neʼyaʼmo no, huʼa huʼnae. Agaemo huʼnaya gemo afiteno he tino hipaleʼmo fai maiʼniye.