2 Kini 5:10 - The Keyagana NT and 25 OT books

¹⁰ Ilaisaʼmo mago vekamo alino ateʼnigeno uno Nemanifeʼmo ha painoʼaeʼmo, Kagaemo uka Yoneni anipiʼmo seveniʼa kanaleʼmo aniʼmo falegenoʼa kaitakamo kahagesigeno afa kagufamo alino ha maleno, huno ha paiʼniye.

2 Kini 5:10 ပူးပေါင်းရင်းမြစ်များ

2 Kini 2:21

Ilaisaʼmo yuvapamo alinino uno haino ani alupiʼmo hagemo yaga neʼaunoʼaeʼmo ina gemo hunoʼaeʼmo, Ala kava neʼmoʼa ina ge huno huʼniye. Mani aniʼmo aliʼna alagepa huʼna ateʼnove. Inagi mani aniʼmoʼa magoʼe huno vayaʼmo ohapaege aʼne anagaʼmo mafaʼne aliʼa apatesayafeʼmo alino hosu huno oʼapatege hugiye.

2 Kini 3:16

Inagi Ilaisaʼmo hapa painoʼaeʼmo, Ala kava neʼmoʼa hunoʼaeʼmo, Lapakaemo ani kagoʼmu koteʼmo asole ani kaʼmo valiyo, huno huʼniye.

2 Kini 4:35

Inagi Ilaisaʼmo hipaletiʼmo ataleno ani anaga nopiʼmo uneno huteno halate hipaleʼmo uno haino mafaʼne kanoleʼmo halate ape huʼnigeno mafaʼne kanomoʼmo seveniʼa afinaʼmo katamu huteno aulagamo ageno ayakeʼniye.

2 Kini 4:41

Inagi Ilaisaʼmo hapa painoʼaeʼmo, mago vitiletiʼmo alo huʼnaya falaovamo aliniteyo, huno hapa paiʼnigeʼa aliniʼa eʼnagenoʼaeʼmo Ilaisaʼmo alino samofiʼmo yaga autenoʼaeʼmo, Supumo hatika muki vayaʼaina apamiyo, huno ha paiʼnigeno samofi supumo afaʼa haneʼnigeʼa neʼnae.

2 Kini 5:11

Nemaniʼmo ani gemo afitenoʼaeʼmo lusi kava huno aipamo leʼnigeno agaemo Ilaisa notetiʼmo ataleno uʼniye. Agaemo hunoʼaeʼmo, Nagaemo nagesamo afiʼnaeʼmo, Agaemo emineno kumatetiʼmo nagetenoʼaeʼmo Ala kava neʼmo Gotiʼamofeʼmo nunumuʼmo huteno lepolosi yaʼmo nahauʼniya nahaopaleʼmo ayaʼmo alininuteno eteno huteno alino nahateno nategaiye, huno huʼniye.

2 Kini 5:14

Inagi Nemaniʼmo geʼapimo afiteno uno Yoneni anipiʼmo Goti vekaʼamoʼmo huʼniya agufa kavaʼmo huno seveniʼa kanaleʼmo anipiʼmo nukuma neʼnigenoʼaeʼmo lepolosi kaitaʼamo alagi ago hageʼniye. Agufamo kanale agufamo saufa mafaʼnemo agufagana agufamo alino hamaleʼniye.

2 Kini 5:9

Inagi Nemaniʼmo talalaʼafiʼmo uʼniye. Vayaʼagi hosigi huʼa magokepiʼmo uʼa Ilaisa no kipateʼmo avaʼyi huʼnae.

Hatu maeno apate'niya gemae 4:18

Inagi Moseseʼa ayemoʼamoʼmo Yetalotegamo atagineno uno ha painoʼaeʼmo, kahaoke hovanagi, afaʼa nategeʼna Isipi kotegamo halate uʼna konagaʼnimogimo ago faliʼnisafi afaʼa maiʼnisafigeʼna apakegesuve, huno huʼnigenoʼaeʼmo Yetaloʼa, he, kanalenagi kaipamoʼmo falu huʼninageka afa uvo, huno ha paiʼniye.

Yoni 5:4

Goti enisole vekaʼamoʼmo mago afinaʼmo emineno ani ani kotuteʼmo ame aliʼnigeno kanage kanage huʼnigeʼapaeʼmo aeno apakaseno ani kotupiʼmo hogoteno uno lamiʼniya vekamo na agufa kaitaʼmo hauʼnifi alino hageno ateʼnigeno afaʼa maiʼniye.

Yoni 9:7

Faleno atetenoʼaeʼmo, uka Silomi ani kotupiʼmo aniʼmo faleka kalo pao, huno ha paiʼniye. Ani Silomi ani kotune agimo aepaʼamo haneʼniyana alino ateʼnigeno uʼniya ani kotune. Ani vekamo uno anipiʼmo faleno kalo paeteno aulagalaʼmo ageno ayaketeno noʼalegamo uʼniye.

1 Kolitiyani 6:11

Hogotetapa magoʼamogitapamo ani agufa vayaʼmo maiʼnae. Maiʼnayaʼmonanafa Kalaisiʼa ani faleno lapateʼnigeno Goti Aunemeʼamoʼa lapavaleno lapaote lapateʼnigeno Gotiʼa Ala kava netimo Yesu Kalaisi agiʼaletiʼe Aunemeʼaletiʼeʼmo, naulagaleʼmo fatago vayaʼmo maiʼnae, huno lapa paiʼniye.

Yasuva 6:4

Mono huʼa neʼapataya vayaʼmo seveniʼamogimo kotalake kesileʼmo uʼa hogoteteʼa ve sipisipimogi lokiyaʼapiletiʼmo alo huʼnaya pikulimo seveniʼa pikulimo aliniʼa ugae. Lapakaemo napa seveni afinaʼmo alagi taonimo seveniʼa kanaleʼmo aita vego hutapa neʼvisageʼapaeʼmo mono huʼa neʼapataya vayaʼmogi pikulimo hugae.