2 Kini 4:41 - The Keyagana NT and 25 OT books

⁴¹ Inagi Ilaisaʼmo hapa painoʼaeʼmo, mago vitiletiʼmo alo huʼnaya falaovamo aliniteyo, huno hapa paiʼnigeʼa aliniʼa eʼnagenoʼaeʼmo Ilaisaʼmo alino samofiʼmo yaga autenoʼaeʼmo, Supumo hatika muki vayaʼaina apamiyo, huno ha paiʼnigeno samofi supumo afaʼa haneʼnigeʼa neʼnae.

2 Kini 4:41 ပူးပေါင်းရင်းမြစ်များ

2 Kini 2:21

Ilaisaʼmo yuvapamo alinino uno haino ani alupiʼmo hagemo yaga neʼaunoʼaeʼmo ina gemo hunoʼaeʼmo, Ala kava neʼmoʼa ina ge huno huʼniye. Mani aniʼmo aliʼna alagepa huʼna ateʼnove. Inagi mani aniʼmoʼa magoʼe huno vayaʼmo ohapaege aʼne anagaʼmo mafaʼne aliʼa apatesayafeʼmo alino hosu huno oʼapatege hugiye.

2 Kini 5:10

Ilaisaʼmo mago vekamo alino ateʼnigeno uno Nemanifeʼmo ha painoʼaeʼmo, Kagaemo uka Yoneni anipiʼmo seveniʼa kanaleʼmo aniʼmo falegenoʼa kaitakamo kahagesigeno afa kagufamo alino ha maleno, huno ha paiʼniye.

2 Kini 6:6

Inagi Goti vekaʼamoʼmo hunoʼaeʼmo, Koʼnemo haiya yapiʼmo asagauno aiʼniye, huno ge huno afi geʼnigenoʼaeʼmo koʼnemo asagauno aiʼniya yapiʼmo ave liʼniye. Inagi Ilaisaʼmo mago aise yosamo akopamo heno yageno anipiʼmo yaga auʼnigeno koʼnemo aino anale huteno eno haineʼniye.

Hatu maeno apate'niya gemae 15:25

Inagi Moseseʼa Ala kava nefeʼmo alopa gefatiʼmo nunumuʼmo huʼnigeno Ala kava neʼmoʼa mago yosamo ave liʼnigeno ani yosamo loʼaeno anipiʼmo yaga auʼnigeno ani aniʼmoʼa kanale huʼnigeʼa neʼnae. Ala kava neʼmoʼa ani koteʼmo apamalageka huʼniye. Ani koteʼmo mago keʼaepa gemo apamiʼniye.

Yoni 9:6

Yesuʼa mopa atanamo alino avenatuʼnaʼmo heteno alino hapa hatiteno aulagalateʼmo faleno ateʼniye.

Apa 28:5

Poloʼa ayaʼmo aino sako ke huno aino valino ataleʼnigeno atafiʼmo asagauno aiʼnigeno Poloʼa afaʼa maiʼniye.

1 Kolitiyani 1:25

Na kava higenoʼaene. Mago vayaʼmogimo Gotiʼa ageteno afiʼniya geʼaeʼmo negi nagi gemo haneʼniye, huʼa apakesamo neʼafiyaʼmonanafa Gotiʼa mani negi nagi geʼaletiʼmo vayaʼmogi afiteʼa ageʼnaya geʼapimo ago aeno agaseʼniye. Ani kavaʼmo huʼa mago vayaʼmogi Gotiʼa nehiya kavafeʼmo huʼapaeʼmo, lokiya noʼvaiya kavaʼmo nehiye, huʼa apakesamo neʼafiyaʼmonanafa Gotiʼa lokiya noʼvaiya kavaʼaletiʼmo vayaʼmogi nehaya lokiya kavaʼapimo ago aeno neʼagase.