2 Kini 4:31 - The Keyagana NT and 25 OT books

³¹ Geheyaiʼmo hogoteno uno Ilaisa hayopa kayoʼmo ani mafaʼnemo augosafiʼmo maleʼniyaʼmonanafa gemo oʼafige ge osuge huʼniye. Afole oʼaiʼniyaʼmofeʼmo Geheyaiʼmo ataleno Ilaisategamo uno fotu hutenoʼaeʼmo ina ge huno ha paiʼniye. Mafaʼnemo he otiʼniye, huno huʼniye.

2 Kini 4:31 ပူးပေါင်းရင်းမြစ်များ

1 Kini 18:26

Inagi apakaemo apamiʼnaya ve pulumakamo avaleliʼuʼa alo huteʼa netepatiʼmo aepa faiteʼa Meo agiʼaletiʼmo keya aeʼa ge huliʼuʼa felugakukuʼmo huʼnae. Keya aeʼa ge huʼapaeʼmo, O Meo, huʼa, getimo afiyo, huʼa keya aeʼa ge huʼnayaʼmonanafa mago vekamoʼmo agemo aiteno geʼapileʼmo aeno atagaina huno hapa opaiʼniye. Apakaemo aeʼa hailo hailo huʼa hu maleʼnaya yafa hiʼyalamuʼmo aiʼa vego huʼnae.

1 Kini 18:29

Ago unetiʼnigeʼapaeʼmo Meo geʼamo aeʼa hakalo hume hume neʼvagenoʼaeʼmo uneʼmo ofalinimo nehaya kanamo afole aiʼniye. Huʼnayaʼmonanafa agemo oʼaige geʼapileʼmo aeno atagaina huno ge osuge mago gotiʼa geʼapimo oʼafige huʼniye.

2 Kini 4:32

Inagi apakaemo noteʼmo uʼa avaʼyi huteʼapaeʼmo Ilaisaʼmo uno anaga agotofulega noʼmo kipatetiʼmo ageyana ani mafaʼnemo agufaʼamo hipaleʼmo haneʼnigeno ageʼniye.

2 Kini 5:20

Geheyiʼmo Ilaisa aliʼyaʼamo neʼaliya vekamoʼmo agaiʼaeʼmo ina ge huno huʼniye. Ala vekaʼnimoʼmo Nemaniʼmo afaʼa ategeno uʼniye. Ani Nemaniʼmo amigefeʼmo huʼniya yaʼmo oʼaliʼniye. Ala kava neʼmo afaʼa maiʼniye, huʼna lama gemo huʼnaeʼmo, Nagaemo Nemaniʼmo akame huʼna nagu nagu huʼna uʼna agaetegatiʼmo mago yaʼmo aliguve, huno agesamo afiʼniye.

Neniyo 12:2

Ma mopafiʼmo asole vayaʼmo apau kaleʼa maiʼnaya vayaʼmo apaupatiʼmo he tigae. Mago vayaʼamo he tiʼa alagepa huʼa maige maige huʼa maigae. Mago vayaʼamo he tiʼa apavagage yaʼmo aliteʼa maige maige huʼa maisageʼapaeʼmo hosu vayane, huʼa huteʼa apakameʼyamo apamigae.

Maki 5:39

Agaemo nopiʼmo uno nehainoʼaeʼmo, na kava higetapaeʼmo lapano aeteta aviʼya nehae. Ani aʼmafaʼnemo ofaliʼnifa afaʼa au kaleno maiʼniye, huno hapa paiʼniye.

Yoni 11:11

Lao vekamo Layosiʼmo ago au kaleno maiʼniyaʼmofeʼmo uʼna aupatiʼmo hauneʼna ategauve, huno hapa paiʼnigeʼapaeʼmo,

Efasasi 5:14

Ani kavafeʼmo hunoʼaeʼmo, kaukaleʼnana vekamogamo kaupatiʼmo he tige faliʼnaya vayapatiʼmo he tige huka maigenoʼao Kalaisiʼa kaipafiʼmo ha le yaʼmo kamino, huno huʼniye.

1 Samiyo 14:37

Ani gemo huʼniyaʼmofeʼmo Soloʼa Gotifeʼmo ina ge huno ge huno afi geʼniye. Lagaemo uta lamita Filisatini vayaʼeʼmo kamemo hisupiye. Kagaemo apavalelikeka Isaleli vayaʼai apayapiʼmo apategapiye, huno ge huno afi geʼniyana ani afinaʼmo Gotiʼa geʼaleʼmo aeno atagaina huno ge osuʼniye.

1 Samiyo 28:6

Soloʼmo Ala kava nefeʼmo ge huno afi geʼniyaʼmonanafa Ala kava neʼmoʼa ha opaiʼniye. Agaemo mago alagamuna oʼamige hisaya kavaʼmo neʼagaya yafatetiʼmo Soloʼmo alino ave olige polofeti geʼapiletiʼmo ha opaige huʼniye.