2 Kini 4:27 - The Keyagana NT and 25 OT books

²⁷ Ha paiʼniyaʼmonanafa a kanomo eno aveleʼmo Goti vekaʼalegamo avaʼyi hutenoʼaeʼmo ape huno maiʼneno Ilaisa aiyaleʼmo atafauʼniye. Geheyaiʼmo agaetegamo eno aiyaleʼmo oʼatafausiyafeʼmo aiseʼamo alino agoʼya faisiyafeʼmo huʼnigenoʼaeʼmo Goti vekaʼamoʼmo hunoʼaeʼmo, Afaʼa ato. Agupi mafanemoʼmo lusi kana yaʼmo aliʼniyaʼmonanafa Ala kava neʼmoʼa naha opaino alino fala kiʼniye.

2 Kini 4:27 ပူးပေါင်းရင်းမြစ်များ

Aepa Gemae 18:17

Ala kava neʼmoʼa hunoʼaeʼmo, Nagaemo hugefe hisuva kavafeʼmo Emalehamuʼmo ha opaiʼneʼna hisufiye. Emalehamupatikeʼmo lokiya nofi vayaʼmo afole aigae. Nagaemo agaetetikeʼmo muki ma mopafi nofi vayaʼmo aliʼna auleʼna apategauve.

2 Kini 4:25

Inagi a kanoʼe aliʼyaʼmo neʼaliya vekaʼeʼmo Kamo avefiʼmo Goti vekaʼalegamo uʼnaʼae. Anakaemo afagiʼaleʼmo neʼaʼagenoʼaeʼmo Ilaisaʼmo anaketenoʼaeʼmo aliʼyaʼamo neʼaliya vekamo Geheyaifeʼmo ha painoʼaeʼmo, Ago, huno, Ani Sunemi a kanomo neʼe.

2 Kini 4:26

Kahao ke hovanagi kagaemo agaetegamo nagu nagu hukuka agetekaeʼmo, Alagepa huka maiʼnapiye. Anaukamoʼmo afaʼa maiʼnifiye. Mafaʼnekamo afaʼa maiʼnifiye, huka ge huka afi go, huno ha paiʼnigeno Geheyaiʼmo uno ani ge huno afi geʼnigenoʼaeʼmo a kanomoʼmo afaʼa maiʼnone, huno ha paiʼniye.

2 Kini 6:12

Mago yagaino apateʼniya vekamoʼmo ha painoʼaeʼmo, O ala kini vekaʼnimogae, huno, lagaepatiʼmo mago vekamoʼmo ani kavaʼmo nosiyaʼmonanafa Ilaisakeʼmo ani Gotitegati gemo alinineno aeno hakalo nehiya vekamoʼmo Isaleli kini vekaeʼmo nehavana yapilagamo nehana gemo ha nepaiye, huno ha paiʼniye.

Mai'naya kavane 14:10

Vayaʼmogimo apakaiʼapimo apaipafiʼmo kana neʼaliya kavaʼapimo agege apamogaga neʼaiya kavaʼapimo agege nehayaʼmonanafa alu kotega vayaʼaifeʼmo huʼa afole aiʼa hapa opaigae.

Mai'naya kavane 18:14

Vayaʼmogi apauneʼapameʼmo kaitaʼmo hauʼnisiyaʼmoʼmo lokiya vaino apategaiyaʼmonanafa maleno apaliʼnisiya apauneʼapameʼmo haneʼnisayaʼmoʼmo haiya kava huʼa alagepa huʼa maigae.

Matiyu 15:23

Yesuʼa geʼaleʼmo aeno atagaina huno ha opaiʼniye. Geʼamo neʼafiya vayaʼmo agaetegamo eʼa, Kahao ke honanagi lakame huno neʼeno keya keya hulino neʼeya a kanomo alika ha faitalegeno vino, huʼa ha paiʼnae.

Matiyu 20:31

Asole vayaʼmogi ke hanauteʼanaeʼmo, ge osutana afaʼa maiʼao, huʼa hana paiʼnayaʼmonanafa magoʼe huʼana alopa gefati ge huʼanaeʼmo, Ala kava neʼmo Nevini aginagomo kahau huka laʼato, huʼana ge huʼnaʼae.

Matiyu 28:9

Uʼanaeʼmo malage huʼana Yesuʼeʼmo katega fotu huteʼapaeʼmo Yesuʼa ge anamamaeʼniye. Agaetegamo uʼana aiyafiʼmo anagoʼya faiteʼana aiyaleʼmo atafauʼneʼana mono huʼnaʼae.

Maki 10:13

Mago vayaʼmogimo Yesuʼa mafaʼne anagaʼai apakufaleʼmo ayaʼmo maleno apatesiyafeʼmo aise mafaʼne anagaʼmo apavaleliʼa Yesutega neʼageʼapaeʼmo geʼamo neʼafiya vayaʼmogi ge hapauʼnae.

Maki 14:6

Yesuʼa hunoʼaeʼmo, na kava higetapa kana yaʼmo alita neʼamiye. Nagaetegamo lusi kanale kavaʼmo huno neʼnate. Afaʼa ataleyo.

Luki 7:38

Yesu akamelegamo he tino maiʼneno aiyaleʼmo aviʼyaʼmo huʼniye. Aviʼyaʼmo nehigenoʼaeʼmo aunumoʼmo kalo kalo huno aiya agotofuleʼmo asagauno aiʼnigeno ayokatetiʼmo alino kalopaeno ateteno aiyaleʼmo haeno neteno uvelimo faleno ateʼniye.

Yoni 15:15

Aliʼyaʼmo afoʼamoʼmo aliʼyaʼamo neʼaliya vayaʼmo muki aliʼyaʼamo alisayafeʼmo aliʼyaʼmo aepaʼamo alino apave noliyaʼmonanafa aliʼyaʼnimo neʼaliya vayaʼageʼmo maiʼnayaʼmofeʼmo hemenimo magoʼe huʼna ge osuguve. Afoʼnimotegatiʼmo muki geʼamo afiʼnova gemo ago lapa paiʼnovaʼmofeʼmo nao vayaʼmo maiʼnae, huʼna nehuve.

Yoni 4:27

Ani afinaʼmo Yesu geʼamo neʼafiya vayaʼmo aiʼa atagi neʼeʼa ageʼnayana a kanoʼeʼmo kege nehaʼageʼapaeʼmo eʼa anaketeʼapaeʼmo lusi kava huʼa hapau aiʼnae. Hapau aiʼnayaʼmonanafa na agufa yaʼmo alisanafeʼmo nehane, huʼa ge huʼa afi okege na kava higeka ani a kanoʼeʼmo kege nehane, huʼa afi okege huʼnae.

1 Samiyo 1:10

Hanaʼmo ani kana yaʼmo aliteno lusi kava huno alino amalagino aviʼyaʼmo nehunoʼaeʼmo Ala kava nefeʼmo nunumuʼmo huʼniye.