2 Kini 4:20 - The Keyagana NT and 25 OT books

²⁰ Agaemo avalelino itaʼamotegamo uʼnigeno mafaʼnemo itaʼamo aluteʼmo havaeno maime uno feluga kukuʼmo faliʼniye.

2 Kini 4:20 ပူးပေါင်းရင်းမြစ်များ

Aepa Gemae 22:2

Huno huʼnigenoʼaeʼmo inagi Gotiʼa ha painoʼaeʼmo, magoke mafaʼnekamo lusi kava huno kahau kayamopafiʼmo kahauʼniya mafaʼnekamo Aisakiʼmo Molaiya haopalegamo avalelikugeʼna mago aveeʼmo kaha paiguve. Ani aveleʼmo kagaemo Aisakiʼmo amagika atafiʼmo kaeka ofalinimo namigane, huno ha paiʼniye.

Aepa Gemae 37:3

Isaleli mafaʼneʼamo Yosefefeʼmo lusi kava huno hauʼnigeno alu mafaʼne anagaʼaeʼmo aiseʼamo hauʼniye. Kosuna leʼniyapatiʼmo alino ateʼniyaʼmofeʼmae. Yekopuʼa alapaʼage siotimo alagepa yatala siotimo alo huno amiʼniye.

Aepa Gemae 37:5

Mago afinaʼmo Yosefeʼa alagamuna ageteno nepuʼamogifeʼmo ava ge huno hapa paiʼnigeʼa afiteʼapaeʼmo magoʼe huʼa apaini huteʼa alagi ohapauʼniye.

1 Kini 17:17

Henagaʼamo ani a kanomo mafaʼneʼamo kaitaʼmo hauʼniye. Alopa kaitaʼmo hauʼnigeno faliʼniye.

2 Kini 4:19

Mafaʼnemoʼmo afoʼamofeʼmo hunoʼaeʼmo, Nagenopae, nagenopae, huno huʼnigeno afoʼamoʼmo mago aliʼyaʼamo neʼaliya vekaeʼmo ha painoʼaeʼmo, Ani mafaʼnemo avalelika itaʼamotegamo uvo, huno ha paiʼniye.

2 Kini 4:21

Inagi itaʼamoʼmo ani mafaʼnemo agufaʼamo anagamo alinino uno haino Goti vekaʼamo hipaleʼmo maleteno kumategamo uno lamiteno kitamo ki maleʼniye.

Aiyeya 49:15

Mago a kanomoʼmo nute mafaʼneʼaeʼmo age kanigifiye. Alino ateʼniya mafaneʼaeʼmo hau ayamopafiʼmo ohaugifiye. He, afaʼa apake kanigiyaʼmonanafa nagaemo lapakaefeʼmo nage okanigiye.

Aiyeya 66:13

Itaʼamoʼmo mafaʼneʼamo aipamoʼmo falu hisiyafeʼmo nehiya kava huʼna lapaipamoʼmo falu hisiya kavaʼmo huguve. Hisugetapaeʼmo lapakaemo Yulusalemu taonifi vayane, huno, lapaipamoʼmo falu huʼninagetapa taonifiʼmo maigae.

Luki 2:35

asole vayaʼai apaipa apakesafiʼmo haneʼniya kavaʼmo alino afole aino ategaiye. Naipemoʼmo kaipafiʼmo aesigeno kagafu kigiye, huno ha paiʼniye.

Luki 7:12

Yesuʼa uno taonimo lafi kipa haopaleʼmo neʼvigeʼapaeʼmo mago kogu a kanomoʼa magokeʼageʼmo alino ateʼniya mafaʼneʼamo faliʼnigeʼa hiʼyopa maleʼa aliniʼa eʼnae. Kogu aʼne anagaʼe asole vayaʼmo ani taonifiʼmo maiʼnaya vayaʼeʼmo magokepi lokaeʼa eʼnae.

Yoni 11:14

Yesuʼa huʼniya gemo afiʼa aeto osuʼnagenoʼaeʼmo Yesuʼa huno afole aino hapa painoʼaeʼmo, Layosiʼmo ago faliʼniye.

Yoni 11:3

Asaʼalaʼmoganimo Yesutegamo ge huʼana atalaʼageno uʼniya gemo huʼanaeʼmo, Ala kava nene, huʼana, ani kahau kayamopafiʼmo kahauʼniya vekamo kaita hauʼniye, huʼana huteʼana mago vekamo aliʼana ateʼnaʼageno uʼniye.

Yoni 11:5

Yesuʼa Mataʼagi aganaʼamoʼagi asaʼamoʼmo Layosifenagi huno hau ayamopafiʼmo hauʼnigenoʼaeʼmo