2 Kini 4:14 - The Keyagana NT and 25 OT books

¹⁴ Ilaisaʼmo ha painoʼaeʼmo, Ani gemo huʼniyaʼmonanafa agaetegamo na agufa kavaʼmo huguve, huno huʼnigeno Geheyaiʼmo hunoʼaeʼmo, Agaemo mafaʼneʼamo oʼmaiʼnigeno anauʼamoʼmo ago kosuna leʼniye.

2 Kini 4:14 ပူးပေါင်းရင်းမြစ်များ

Aepa Gemae 17:17

Emalehamuʼa augosalegatiʼmo asagauno aino ati kaeno maiʼneno kigi nehunoʼaeʼmo aipafiʼmo agesa afinoʼaeʼmo, vani hataletiʼa kafugamo maiʼnisiya vekamoʼmo mafaʼnemo afaʼa alino ategaifiye. Selaʼeʼmo naetiʼa kafugamo maiʼniyana mafaʼnemo afaʼa alino ategaifiye, huno huteno.

Aepa Gemae 25:21

Aisaki aʼmo Lipekaʼa mafaʼnemo alino oʼateʼnigenoʼaeʼmo Aisakiʼmo Ala kava nefeʼmo nunumuʼmo huʼnigeno Ala kava neʼmoʼa afitenoʼaeʼmo ha maeʼnigeno Lipekaʼmo aipaguʼeʼmo maiʼniye.

Aepa Gemae 30:1

Inagi Lesoʼa agenoʼaeʼmo nagaemo Yekoputetiʼmo mago mafaʼnemo aliʼna oʼapateʼnove, huno agetenoʼaeʼmo atoʼamofeʼmo aipa kafa haeteno Yekopufe hunoʼaeʼmo, kagaemo mago mafaʼnemo namiyo. Oʼnamisanana faliguve, huno huʼniye.

2 Kini 4:13

Inagi Ilaisaʼmo Geheyaifeʼmo ha painoʼaeʼmo, Ani a kanoeʼmo ina ge huka ge huka afi go. Kagaemo ani lusi aliʼyaʼmo aliteka laʼagaemo alagepa huka laʼaha maeʼnane. Ilaisaʼmo haiya kava huno kaha maegaiye. Agaemo uno kini vekamofi ami vayaʼaiteʼmo yagaino apateʼniya vekamofi huno mago kanale kavaʼmo kagaetegamo hisiyafeʼmo ge huno afi gesifiye, huka ge huka afi go. Inagi Geheyaiʼmo uno ani a kanoeʼmo ge huno afi geʼnigenoʼaeʼmo a kanomoʼmo hunoʼaeʼmo, Haʼao, huno, Nagaemo vayaʼnimogi folagapiʼmo kanale huʼna maiʼnove, huno ha paiteno ataleno uʼniye.

2 Kini 4:15

Inagi Ilaisaʼmo Geheyaifeʼmo ha painoʼaeʼmo, Ani a kanoeʼmo ha paigeno eno. Geheyaiʼmo ha paiʼnigeno eno Ilaisa kipateʼmo he tiʼniye.

Luki 1:7

Maiʼnaʼaʼmonanafa Ilisameteʼmo anamo aʼmogeno mafaʼnemo alino oʼateʼnigeʼana ago anau anekalomo leteʼana maiʼnaʼae.

1 Samiyo 1:2

Elakenaʼmo lole atalaʼmo Hanaʼe Penainaʼeʼmo aliʼniye. Penainaʼmo mafaʼnemo alino apateʼniyaʼmonanafa Hanaʼmo mafaʼnemo alino oʼapateʼniye.

1 Samiyo 1:8

Anauʼamoʼmo Elakenaʼmo Hanafeʼmo hunoʼaeʼmo, Hanao, huno, Na agufa kavaʼmo higekaeʼmo aviʼyaʼmo huteka neʼyaʼmo oʼneʼnane. Na kava higekaeʼmo kaipamoʼmo kana nehiye. Nagaemo kagaetefeʼmo naya loleʼa ve mafaʼnemo aeʼna oʼapaka seʼnofiye, huno ha paige ha paige huno maiʼniye.