2 Kini 3:6 - The Keyagana NT and 25 OT books

⁶ Inagi kini vekamo Yiholamuʼmo Sameliya taonifatiʼmo ataleno muki Isaleli ati vayaʼamo apavaleno alino anupa huʼniye.

2 Kini 3:6 ပူးပေါင်းရင်းမြစ်များ

1 Kini 20:27

Inagi Isaleli kini vekamoʼmo ati vayaʼaeʼmo ge huʼnigeʼa eʼa aliʼa anupa huteʼa kamemo hisaya yaʼmo alo huʼa aliteʼa uʼnae. Apakaemo Siliya vayaʼmo maiʼnaya yategamo uteʼa Isaleli vayaʼmogimo lole haopalegamo seli noʼapimo aliʼa he tiʼa ateʼnae. Isaleli vayaʼmo alagi aise nofi vayaʼmo lole meme anagaʼmo aliʼa alu aiʼa neʼmaiya agufa kavaʼmo huʼa maiʼnae. Maiʼnayaʼmonanafa Siliya ami vayaʼmo muki haopalegamo asole vayaʼmo aiʼa atagu faeʼa maiʼnae.

2 Kini 3:5

Aminiyaʼmonanafa Isaleli kini vekamo Ehapiʼmo faliʼnigenoʼaeʼmo Misaʼmo Isaleli vayaʼmogi saufa kini vekamo gemo oʼafino magoʼe huno ani takesimo oʼamiʼniye.

2 Kini 3:7

Agaemo Yuta kini vekamo Yihosafatitegamo ina ge huno ge huno atalegeno uʼniye. Movapu kini vekamoʼmo nagaetegamo ge oʼafi kavaʼmo huʼniye. Movapu vayaʼeʼmo kamemo hisuvategamo nagaeʼeʼmo magokepiʼmo egetaʼa utaʼa kame huguʼafiye. Yihosafatiʼmo geʼaleʼmo aeno atagaina hunoʼaeʼmo, Nagaemo uʼna haiguve. Kame hisunafeʼmo nagaemo kagaekana huʼna maige vayaʼnimo vayakagana huʼa maige hosi anagaʼnimo hosi anagakagana huʼa maige huʼnae.

1 Samiyo 11:8

Eʼa Miseki taonifiʼmo aliʼa anupa huʼa maiʼnageno Soloʼmo Isaleli vayaʼmo apakeno lekana paiʼniya vayaʼmo tali hataleti tauseniʼa vayaʼmo maiʼnae. Ina kava huno Yuta vayaʼmo apakeno lekana paiʼniya vayamo teti tauseniʼa vayaʼmo maiʼnae.

1 Samiyo 15:4

Soloʼmo ani gemo afitenoʼaeʼmo Teleyimi taonifiʼmo ati vayaʼamo alino anupa huno apateʼneno lekana paiʼniye. Yuta nofi ati vayaʼmo teni tauseniʼa vayaʼmo maiʼnageʼa Isaleli nofi ati vayaʼmo tu hataleti tauseniʼa vayaʼmo maiʼnae.