2 Kini 3:15 - The Keyagana NT and 25 OT books

¹⁵ Osuʼnovesinaʼmonanafa lapakaemo uta mago apayatetiʼmo ame aliʼnageno age aiʼniya kavateʼmo alagepa huno ageʼnisiya vekamo avalelita eyo, huno hapa paiʼniye. Inagi ani vekamo eno apayatetiʼmo ame aliʼnageno age aiʼnigeno Ala kava neʼmoʼa Ilaisa agufaleʼmo ayaʼmo maleno ateʼniye.

2 Kini 3:15 ပူးပေါင်းရင်းမြစ်များ

1 Kini 18:46

Ala kava neʼmo lokiyaʼamo Ilaiyateʼmo afole aiʼnigenoʼaeʼmo kenaʼamo alino alagi huno hapino aliteno nagu nagu huno uno Ehapi talalaleʼmo uno hogotetegeʼana anakaemo uʼana Yesali taonifiʼmo avaʼyi huʼnaʼae.

2 Kini 3:16

Inagi Ilaisaʼmo hapa painoʼaeʼmo, Ala kava neʼmoʼa hunoʼaeʼmo, Lapakaemo ani kagoʼmu koteʼmo asole ani kaʼmo valiyo, huno huʼniye.

Samu 49:4

Gotiʼa aeno kalafefa gefatiʼmo hisigeʼna afisuvafeʼmo maiʼneʼna afiguve. Nagaemo ani gemo alino fala ki maleʼniya gemo aeʼna hakalo huʼna lapa paiguve.

Apa 11:21

Gotiʼa lokiya vaino apateʼnigeʼapaeʼmo asole vayaʼmogimo ani gemo afiteʼa apakesamo afiʼa fatago huteʼa Ala kava netegamo aiʼa afe leʼa eʼnae.

1 Samiyo 10:5

Kagaemo apatalekukaeʼmo Goti aise aveleʼmo Filisatini ati vayaʼmogi noʼapimo haneʼniya aveleʼmo ugane. Kagaemo taoni haopaleʼmo uka hogo nehukaeʼmo mago Gotitegati gemo aliniʼeʼa aeʼa hakalo nehaya nofi vayaʼmo aise aveletiʼmo emi neʼesageka fotu hugane. Apakaemo gita amagige tamolini amagige kepatiʼmo feliyopaʼmo huge nehuʼapaeʼmo Gotitegati gemo aliniʼeʼa aeʼa hakalo huge hugae.

1 Samiyo 16:16

Kagaemo kahauʼnisiyaʼmoʼmo lagaemo uta mago vekamoʼmo alagepa huno gitaleʼmo amagisiyafeʼmo kahauya huta agegaune. Gotiʼmo hosu aunemeʼmo alino atesigeno eno kagaeteʼmo maisiya afinaʼmo inagi ani vekamoʼmo gita amagisigeno kaipa kagesamo alagepa huno halate hanegaiye, huʼa ha paiʼnae.

1 Samiyo 16:23

Inagi Neviniʼmo Soloʼeʼmo lokaeno maiʼnigenoʼaeʼmo Gotiʼa hosu aunemeʼmo alino ateʼnigeno Solotegamo eʼniya afinaʼmo Neviniʼmo gitaleʼmo amagiʼniye. Soloʼmo ani gita agemo neʼafigenoʼaeʼmo hosu aunemeʼmo ataleno uʼnigeno aipa agesamoʼmo kanale huʼniye.

1 Samiyo 18:10

Egaʼamo Soloʼmo noʼafiʼmo maiʼnigenoʼaeʼmo Ala kava neʼmoʼa mago hosu auneʼmo alino ateʼnigeno agaeteʼmo emineʼnigeno noʼafiʼmo aune gemo huʼniye. Ani afinaʼmo Neviniʼmo gitamo amagino ateʼniyaʼmonanafa Solo ayapiʼmo hayoʼmo haneʼniye.