Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Kini 2:3 - The Keyagana NT and 25 OT books

3 Gotitegati gemo aliniʼeʼa aeʼa hakalo huʼa hapa nepaiya vayaʼmogimo mago vayaʼmo aliʼa apaya maleʼnaya vayaʼmo Meto taonifiʼmo maiʼnaya vayaʼmogimo eʼa Ilaisafeʼmo ha paiʼapaeʼmo, Hemenimo Ala kava neʼmoʼa kava vekakamo avalelino visigeno magoʼe huno yagaino oʼnategaiye, huka afiʼnapiye, huʼa ge huʼa afi geʼnagenoʼaeʼmo, He, ago afiʼnovanagi ge osiyo, huno hapa paiʼniye.

အခန်းကိုကြည့်ပါ။ ကော်ပီ




2 Kini 2:3
17 ပူးပေါင်းရင်းမြစ်များ  

Koli huʼniyaʼmofeʼmo kuvini a kanomo Yeyemeliʼmo Ala kava neʼmo geʼamo aliniʼeʼa aeʼa hakalo nehaya vayaʼmo kamitimo apamagiʼnigeʼa faliʼnagenoʼaeʼmo Omanaiyaʼmo ani agufa vayaʼmo Ala kava neʼmo geʼamo aliniʼeʼa aeʼa hakalo nehaya vayaʼmo vani hataletiʼa vayaʼmo apavaleno alino alopa yafa kapiʼmo fala kino apateʼniye. Agaemo alu yafa kapiʼmo fifitiʼa vayaʼmo fala kino apateteno alu yafa kapiʼmo fifitiʼa vayaʼmo fala kino apateʼniye. Agaemo yagaino apateʼnenoʼaeʼmo neʼyaʼmo apamige aniʼmo apamige huʼniye.


Meniheʼneʼmo ago utegenoʼaeʼmo inagi Ala kava neʼmoʼa mago Gotitegati gemo aliniʼeʼa aeʼa hakalo nehaya vayapatiʼmo mago vekaʼapimo aipa agesamo alino he tino ateʼnigeno ani polofeti vekamoʼmo alu polofeti vekaeʼmo ha painoʼaeʼmo, kagaemo namagiyo, huno huʼniye. Huʼniyaʼmonanafa ani alu polofeti vekamoʼmo haʼao, huno huʼniye.


Gotitegati gemo aliniʼeʼa aeʼa hakalo huʼa hapa nepaiya vayapatiʼmo Yeliko taonifiʼmo maiʼnaya vayaʼmogimo ageʼnayana Ilaisaʼmo ani kavaʼmo huʼnigeʼa ageteʼapaeʼmo, Ilaiya aunemeʼamo eno Ilaisateʼmo maiʼniye, huʼa huteʼapaeʼmo eʼa agaeʼeʼmo fotu huteʼa aulagaleʼmo mopafiʼmo apaleʼyamo faiʼneʼapaeʼmo ape huʼnae.


Gotitegati gemo aliniʼeʼa aeʼa hakalo huʼa hapa nepaiya vayapatiʼmo Yeliko taonifiʼmo maiʼnaya vayaʼmogi eʼa Ilaisafeʼmo ha paiʼapaeʼmo, Hemenimo Ala kava neʼmoʼa kava vekakamo avalelino visigeno magoʼe huno yagaino oʼnategaiye, huka afiʼnapiye, huʼa ge huʼa afi geʼnagenoʼaeʼmo, He, ago afiʼnovanagi ge osiyo, huno hapa paiʼniye.


Gotitegati gemo aliniʼeʼa aeʼa hakalo huʼa hapa nepaiya vayaʼmogimo aliʼa apaya maleʼnaya vayapatiʼmo fifitiʼa vayaʼmo afagiʼaleʼmo Yoneni aniʼmo mugagayaga faligamo maiʼnageʼana Ilaiyaʼe Ilaisaʼeʼmo ani agiʼnaleʼmo he tiʼana maiʼnaʼae.


Mago afinaʼmo mago Gotitegati gemo alinineno aeno hakalo nehiya vekamo aʼamo Ilaisategamo eno ha painoʼaeʼmo, Aliʼyakamo neʼaliya vekamo anauʼnimoʼmo faliʼniye. Kagaemo ageʼnanana agaemo Ala kava nefeʼmo koli huno maiʼnigeka ageʼnane. Anonaʼnimo haneʼnigeno hemenimo anonaʼalefeʼmo alisiya vekamo neʼe. Ani moni anonaʼaleʼmo oʼamisuvaʼmoʼmo mafaʼneʼnilaʼmo anavalesigeʼana aliʼyaʼaleʼmo kalavusi aliʼyaʼmo aligaʼae, huno huʼniye.


Isaleli kotegamo mago hosu afinaʼmo afole aiʼnigeʼapaeʼmo vayaʼmo neʼyafeʼmo kafu huʼnae. Ani afinaʼmo Ilaisaʼmo halate uno Giligali taonifiʼmo maiʼniye. Mago afinaʼmo mago Gotitegati gemo aliniʼeʼa aeʼa hakalo nehaya vayaʼmo Ilaisa aulagaleʼmo itopaleʼmo maiʼnageno Ilaisaʼmo aliʼyaʼamo neʼaliya vekaeʼmo ha painoʼaeʼmo, Alopa samomo alika ani Goti gemo aliniʼeʼa aeʼa hakalo nehaya vayaʼmogi supumo kao.


Geheyiʼmo hunoʼaeʼmo, Haʼao, lagaemo alagepa huta maiʼnonaʼmonanafa ala vekaʼnimoʼmo alino nateʼnigeʼna eʼnova gemo kagaefeʼmo ina gemo huʼna kaha paigesuve. Hemenitomo Gotitegati gemo aliniʼeʼana aeʼana hakalo nehaʼa vekalaʼmo noʼaleʼmo eʼnaʼae. Anakaemo Ifalemu ave kotegatiʼmo eʼnaʼae. Kahao ke hovanagi kagaemo tali tauseni siluva moniʼe lole kukena yaʼeʼmo anamiyo.


Mago Gotitegati gemo aliniʼeʼa aeʼa hakalo nehaya vayaʼmogi Ilaisafeʼmo ha paiʼapaeʼmo, Afiyo, huʼa, Kagaeʼeʼmo maiʼnona mopamo aise mopatomogeno kanale huno nolate.


Poloʼa hunoʼaeʼmo, Yu vekamo maiʼneʼna Silisiya kotega taonimo agiʼamo Tasasi taonifiʼmo itaʼnimoʼmo alino natetegeʼnaeʼmo eʼna mani Yulusalemu taonifiʼmo ko siteʼna maiʼnove. Maiʼnogeno Gameliyeloʼa muki laginago vayaʼai keʼaepa gemo alino naya maleʼnigeʼna alagepa huʼna afiʼnove. Lapakaemo hemenimo nehaya agufa kavaʼmo huʼna Goti kateʼmo nayamukiki huʼna uʼnove.


Kagaemo apatalekukaeʼmo Goti aise aveleʼmo Filisatini ati vayaʼmogi noʼapimo haneʼniya aveleʼmo ugane. Kagaemo taoni haopaleʼmo uka hogo nehukaeʼmo mago Gotitegati gemo aliniʼeʼa aeʼa hakalo nehaya nofi vayaʼmo aise aveletiʼmo emi neʼesageka fotu hugane. Apakaemo gita amagige tamolini amagige kepatiʼmo feliyopaʼmo huge nehuʼapaeʼmo Gotitegati gemo aliniʼeʼa aeʼa hakalo huge hugae.


Inagi Soloʼmo mago vayaʼmo alino apateʼnigeʼa Neviniʼmo atafaisayafeʼmo uʼnae. Apakaemo uʼa avaʼyi huteʼa apakeʼnayana mago polofeti vayaʼmogi Goti gemo aeʼa hakalo huʼnageno Samiyoʼmo he tino yagaino apateʼnigeʼa apakeʼnageno Goti Aunemeʼamoʼa apakaeteʼmo emineʼnigeʼa apakaeʼeʼmo Gotitegati gemo aliniʼa aeʼa hakalo huʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ