2 Kini 2:19 - The Keyagana NT and 25 OT books

¹⁹ Ilaisaʼmo Yeliko taonifiʼmo maiʼnigeʼapaeʼmo ani taonifi vayaʼmogimo eʼa ha paiʼapaeʼmo, Ala vekae, huʼa, ago, huʼa, mani taonimo alagepa taonimo haneʼniyaʼmonanafa aniʼmoʼa alagi kanale osuʼnigeʼa mafaʼnemo aliʼa apateʼnageʼapaeʼmo aigu nopilagatikeʼmo nefaliye, huʼa ha paiʼnageno

2 Kini 2:19 ပူးပေါင်းရင်းမြစ်များ

1 Kini 18:13

Yeyemeliʼmo Ala kava neʼmo geʼamo aliniʼeʼa aeʼa hakalo nehaya vayaʼmo kamitimo apamagiʼnigeʼa faliʼnageʼnaeʼmo Gotitegati gemo aliniʼeʼa aeʼa hakalo nehaya vayaʼmo vani hataletiʼa vayaʼmo fifiti fifti huʼna lole yafa katalapiʼmo aliʼna fala kiʼna apateʼnove. Yagaiʼna apateteʼna neʼyaʼmo apamige aniʼmo apamige huʼnove. Mago vekamoʼmo huʼnova kavafeʼmo ava gemo huno kaha opaiʼnifiye.

1 Kini 18:7

Omanaiyaʼmo neʼvigenoʼaeʼmo Ilaiyaʼmo kateʼmo neʼegeʼana fotu huʼnaʼae. Omanaiyaʼmo, Ilaiyaʼa maiʼniye, huno agetenoʼaeʼmo mopafiʼmo augosalegatiʼmo asagauno aiteno ina ge huno ge huno afi geʼniye. Kava vekaʼnimo Ilaiyagamo maiʼnapiye, huno huʼniye.

2 Kini 2:18

Ilaisaʼmo Yeliko taonifiʼmo maiʼnigeʼa apakaemo halate atagineʼa eʼnagenoʼaeʼmo agaemo hapa painoʼaeʼmo, Nagaemo na agufa yane, huʼna lapa paiʼnove, huno hapa paiʼniye.

2 Kini 2:20

agaemo hunoʼaeʼmo, Lapakaemo uta mago saufa yuvapamo alita mago hagemo alita maletetapa alinita eyo. Inagi apakaemo aliniʼa eʼnae.

Hatu maeno apate'niya gemae 15:23

Apakaemo Mala koteʼmo uʼa avaʼyi huteʼapaeʼmo mago aniʼmo haneʼnigeʼa ani aniʼmo neʼnayaʼmonanafa atu hapaeʼnigeʼa oʼneʼnae. Ani aniʼmoʼa atu hapaeʼniyaʼmofeʼmo ani kotefeʼmo agiʼamo Mala kotene huʼa ateʼnae.

Hatu maeno apate'niya gemae 23:26

Aʼnetapimogimo falisaya mafaʼnemo aliʼa oʼapatege anamoʼmo oʼmaige hugae. Maisaya afinatapimo lapaʼmaegauvaʼmofeʼmo avaleliʼna emineʼna aliʼna hogo osuʼna lapaʼmaesugetapa alagepa hutapa yatala afinaʼmo mailitutapa atupaleʼmo avaʼyi hugae.

Hatu maeno apate'niya gemae 7:19

Ala kava neʼmoʼa Mosesefeʼmo ha painoʼaeʼmo, Elonifeʼmo ha paigenoʼa hayopa kayoʼamo aliteno uno muki alopa anitenagi muki aise anitenagi muki ani kotuteʼenagi huno hayopa kayoʼmo alino asagauno aliʼneno akoʼya hino. Aniʼmoʼmo kola aniʼmo alino hamalesigenoʼaeʼmo muki Isipi haopalegamo kolaʼageʼmo hanesigeno yosa yuvapafinagi yafa yuvapafinagi ani kepinagi huno kolaʼageʼmo hanegaiye, huno ha paiʼniye.

Napa 12:11

Inagi Eloniʼmo Mosesefeʼmo hunoʼaeʼmo, Ala vekae, huʼna, Laʼagaemo hosu kavatiʼamo anonatiʼalefeʼmo olaʼamiyo. Negi nagi kavaʼmo hutetaʼa hosu kavaʼmo huʼnoʼae.

1 Timoti 5:17

Yagaiʼa neʼapataya vayatama vayaʼmogi alagepa aliʼyaʼmo alisayana siosi vayaʼmogi hapao ke heteʼa alagepa miyaʼapimo apamisaya kavaʼmo huʼnae, huʼa hugae. Goti geʼamo aeʼa hakalo huʼa aliʼa apaya neʼmalaya vayatama vayaʼmo hogoteʼa miyaʼapimo afaʼa apamigae.

Yasuva 6:17

Ala kava neʼmoʼa taonimo heno halagape vaige muki taonifiʼmo maiʼnaya vayaʼmo hosu kava huʼa maige hisayafeʼmo ge hugiye. Ani kate a kanomo Lehapikeʼmo noʼafiʼmo maiʼnaya afamo anagaʼaʼeʼmo afaʼa maigae. Agaemo lagaemo taonimo ageʼana alagepa hisaʼafeʼmo alita anateʼnonageʼana eʼnaʼa vekalaʼmo alino fala kino anateʼniyaʼmofeʼmae.

Yasuva 6:26

Inagi ani afinaʼmo Yasuvaʼa vayaʼaifeʼmo lokiya gemo huno hapa painoʼaeʼmo, Mago vekamoʼmo mani Yeliko taonimo halate kisiyaʼmoʼmo Ala kava neʼmoʼa lifana huno ategaiye. Agaemo ani taonifiʼmo aliʼyaʼmo aepa faino alisiya afinaʼmo yege mafaʼneʼamo faligiye. Agaemo taonile kegiʼyamo alopa kipate kitamo alino alo hisiya afinaʼmo henaga mafaʼneʼamo faligiye, huno hapa paiʼniye.