2 Kini 2:16 - The Keyagana NT and 25 OT books

¹⁶ Apakaemo Ilaisafeʼmo ha paiʼapaeʼmo, Lagae nofi vayapatiʼmo fifitiʼa lokiya vayaʼmo maiʼnagi, Kahaoke honanagi, kagaemo apatalegeʼa uʼa kava vekaeʼmo kahauya huʼa ageyo. Fiku yanageno Ala kava neʼmo Aunemeʼamoʼmo avalelinuno mago aveleʼmofi mago kagoʼmufiʼmofi huno ateʼnisigeno maiʼnegaiye, huʼa huʼnae. Ilaisaʼmo hapa painoʼaeʼmo, Haʼao, huno, Lapakaemo mago vayaʼmo alita apategeʼa oʼviyo, huno hapa paiʼniye.

2 Kini 2:16 ပူးပေါင်းရင်းမြစ်များ

1 Kini 18:12

Nagaemo kataleʼna neʼvisugenoʼaeʼmo Ala kava neʼmo Aunemeʼamoʼmo nagaemo mago oʼageʼnisuva kotegamo kavalelino ugiye. Nagaemo uʼna Ehapifeʼmo ha paisugeno Ehapiʼmo eno kagaefeʼmo kahauya hisiyana okagenoʼaeʼmo kamitimo namagigiye. Nagaefeʼmo kagesa afiyo. Nagaemo aliʼyakamo neʼaluva vekamoʼnamo neya mafaʼnemo maiʼnova afinatetiʼmo Ala kava nefeʼmo koli hume hume eʼna hemenimo maiʼnove.

2 Kini 2:7

Gotitegati gemo aliniʼeʼa aeʼa hakalo huʼa hapa nepaiya vayaʼmogimo aliʼa apaya maleʼnaya vayapatiʼmo fifitiʼa vayaʼmo afagiʼaleʼmo Yoneni aniʼmo mugagayaga faligamo maiʼnageʼana Ilaiyaʼe Ilaisaʼeʼmo ani agiʼnaleʼmo he tiʼana maiʼnaʼae.

Apa 8:39

Anipatiʼmo ataleʼana hai eʼnaʼagenoʼaeʼmo Goti Aunemeʼamoʼmo Filipiʼmo avalelino uʼniye. Meku vekamoʼmo amogaga aime aime neʼunoʼaeʼmo Filipiʼmo magoʼe huno oʼageʼniye.