2 Kini 2:12 - The Keyagana NT and 25 OT books

¹² Ilaisaʼmo ageyana Ilaiyaʼmo uno haiʼnigenoʼaeʼmo keya aeno ge hunoʼaeʼmo, Afoʼnimogae, afoʼnimogae, huno, Kagaemo Isaleli vayaʼmogi talalaʼe hosileʼmo fai maiʼnaya ati vayakana huka maiʼnane, huno huteno magoʼe huno oʼageʼniye. Aipamoʼmo lusi kava huno kana huʼnigenoʼaeʼmo agaiʼa kukena yaʼamo alino apake aino lole huʼniye.

2 Kini 2:12 ပူးပေါင်းရင်းမြစ်များ

Aepa Gemae 37:34

Inagi Yekopuʼa kukenaʼamo alino apake aino ataleteno kogu kukena alino vaiteno asole afinaʼmo mafaʼneʼaeʼmo yulagefa aige aige huno maiʼniye.

Aepa Gemae 5:24

Gotiʼeʼmo afalu afalu kava huno maiʼnigeno Gotiʼa avalelino uno haiʼniyaʼmofeʼmo magoʼe kafugamo ma mopafiʼmo oʼmaiʼniye.

2 Kini 2:13

Ilaiyaʼmo uno nehaigenoʼaeʼmo alolokuʼamo mopafiʼmo asagauno aiʼnigeno Ilaisaʼmo alininuno Yoneni ani agiʼnaleʼmo he tino maiʼniye.

2 Kini 5:13

Inagi Nemani aliʼyaʼamo neʼaliya vayaʼmogi uʼa haopaletiʼmo agaefeʼmo huʼapaeʼmo, Afotimogae, huʼa, Gotitegati gemo alinineno aeno hakalo nehisiya vekamoʼmo alagi lokiya kavaʼmo huvo, huno kaha paiʼniyesinana afaʼa huʼnanesine. Agaemo kagaefeʼmo aniʼageʼmo falo, huno kaha paiʼniya kavaʼmo afaʼa akame huka hisana agufa gemo kaha paiʼniyanagi huvo, huʼa ha paiʼnae.

2 Kini 6:21

Isaleli kini vekamoʼmo apaketenoʼaeʼmo Ilaisafeʼmo ha painoʼaeʼmo, Afoʼnimogae, huno, nagaemo kamitimo apamagisufiye, kamitimo apamagisufiye, huno ge huno afi geʼniyaʼmonanafa.

Mai'naya kavane 11:11

Fatago vayaʼmogimo aliʼa auleʼa neʼapataya kavaʼapiletiʼmo taonifiʼmo maiʼnaya vayaʼmogi alagepa huʼa neʼmaiyaʼmonanafa hosu vayaʼmogi geʼapiletiʼmo taoniʼapimo aliʼa hosu huʼa neʼatae.

Mai'naya kavane 30:4

Ina laʼmo kokuʼnapiʼmo uno haiteno emineʼniye. Ina laʼmo yasimo alino anupa hu maleʼneno ayapiʼmo aliʼniye. Ina laʼmo aniʼmo hiyapiʼmo maleteno hiyatetiʼmo kukenagana huno vaino aino ati kaeno ateʼniye. Ina laʼmo muki ma mopamo alino lokiya vaino ateʼnigeno haneʼniye. Ani kavaʼmo huʼniya vekamo agiʼamo ina laʼmae. Mafaʼneʼamo agiʼamo ina laʼmae. Agiʼamo afiʼnapiye.

Maki 16:19

Ala kava neʼmoʼa ani ge huno hapa paitegenoʼaeʼmo Gotiʼa kokuʼnapiʼmo avalelinuno haino ateʼnigeno lamaga haopaleʼmo fai maiʼniye.

Luki 2:15

Inagi sipisipileʼmo neʼyagaiya vayaʼmogi apakaiʼapimo huʼapaeʼmo, Metelehamu taonifiʼmo afole aiʼniya kavafeʼmo Ala kava neʼmoʼa laha paiʼniya kavaʼmo uta agesunafeʼmo vigetao, huʼa huteʼa

Luki 24:51

Gotiʼa kokuʼnapiʼmo avalelino uno haiʼniye.

Yoni 3:13

Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Apa 1:9

Gotiʼa kokuʼnapiʼmo avalelino uno haino hiyapiʼmo faleʼnigeʼa ageʼnageno uno haino faleʼniye.

Apa 27:24

Agaemo, hunoʼaeʼmo, Polo, huno, Koli osuvo. Uka hogote ala vekamo Sisa aulagaleʼmo he tika maigane. Gotiʼa sipifiʼmo maiʼnaya vayaʼmo apavaleno kamiʼniye, huno naha paiʼniyaʼmofeʼmo

Apa 8:2

Mago mono neʼafiya vayaʼmogi Sitiveniʼmo aliniʼuʼa kiʼa ateteʼapaeʼmo lusi kava huʼa yulagefa aiʼnae.

2 Kolitiyani 5:2

Seli notifiʼmo maiʼneta kage kage nehutaeʼmo kokuʼnapi notimo alita akalo huta vaisunafeʼmo lusi kava huno lahauʼniye.

2 Kolitiyani 5:4

Lagaemo seli notifiʼmo maiʼnetaeʼmo lusi kava huta kana yaʼmo aliʼneta kage kage nehune. Kukenatimo asagita atalesunafeʼmo lagesamo oʼafita saufa kukenamo alita akalo huta vaisunageno maige maige huta maisuna kavatimoʼmo falisuna kavaʼmo alino hano huno atalesiyafeʼmo lahauʼniye.

Efasasi 4:8

Ani kavatefeʼmo Goti mukufi gemoʼmo hunoʼaeʼmo, Agaemo kamemo huno aeno apakaseteno apatafauno apavalelino anagamo uno haiteno alu ya alu yaʼmo fikumo alino vayaʼaina apamiʼniye, huno huʼniye.

Leveleseni 11:12

Kokuʼnapatiʼmo alopa gefatiʼmo ge hunoʼaeʼmo, manileʼmo haiteʼao, huno huʼnigeʼana afiteʼanaeʼmo uʼa haiʼana hiyapiʼmo faleteʼana kokuʼnapiʼmo uʼa haiʼnaʼageʼapaeʼmo kame vayaʼanimogimo anakeʼnae.