2 Kini 2:1 - The Keyagana NT and 25 OT books

¹ Ala kava neʼmoʼa Ilaiyaʼmo mago alino vego vego nehiya yasifiʼmo avalelino kokuʼnapiʼmo uno haisiya afinaʼmo ago hogo huʼnigeʼanaeʼmo Ilaiyaʼe Ilaisaʼeʼmo Giligali taonifatiʼmo ataleʼana uʼnaʼae.

2 Kini 2:1 ပူးပေါင်းရင်းမြစ်များ

Aepa Gemae 5:24

Gotiʼeʼmo afalu afalu kava huno maiʼnigeno Gotiʼa avalelino uno haiʼniyaʼmofeʼmo magoʼe kafugamo ma mopafiʼmo oʼmaiʼniye.

1 Kini 18:12

Nagaemo kataleʼna neʼvisugenoʼaeʼmo Ala kava neʼmo Aunemeʼamoʼmo nagaemo mago oʼageʼnisuva kotegamo kavalelino ugiye. Nagaemo uʼna Ehapifeʼmo ha paisugeno Ehapiʼmo eno kagaefeʼmo kahauya hisiyana okagenoʼaeʼmo kamitimo namagigiye. Nagaefeʼmo kagesa afiyo. Nagaemo aliʼyakamo neʼaluva vekamoʼnamo neya mafaʼnemo maiʼnova afinatetiʼmo Ala kava nefeʼmo koli hume hume eʼna hemenimo maiʼnove.

1 Kini 19:11

Ala kava neʼmoʼa Ilaiyafeʼmo, Kagaemo yafa kapatiʼmo eka emikeka aveleʼmo naulagaleʼmo he tika maiyo, huno ha paiʼniye. Afiyo, Ala kava neʼmo eno uʼnigeno lusi kava huno lokiya yasimo aliteno aveʼe yafaʼeʼmo alino anaku paeʼniye. Ala kava neʼmo ani yasifiʼmo oʼmaiʼniye. Yasimo alitegenoʼaeʼmo imimaʼmo aliʼniye. Ala kava neʼmo ani aliʼniya imimapiʼmo oʼmaiʼniye. Imimaʼmo alitegenoʼaeʼmo ata leʼniye. Ala kava neʼmo ani atafiʼmo oʼmaiʼniye. Atamo letegenoʼaeʼmo mago vekamoʼmo aise gefatiʼmo sumi sumi huno ge huʼniye.

1 Kini 19:4

agaiʼageʼmo hau huʼniya kaʼme kotegamo folagapiʼmo magoke afinaʼmo uʼniye. Agaemo uno mago yosamo aepaleʼmo avaʼyi huteno aepafiʼmo itopaleʼmo maiʼnenoʼaeʼmo falisiyafeʼmo nunumuʼmo hunoʼaeʼmo, Ala kava nene, huno, Hainageka afaʼa neʼmauva yaʼnimo hemenimo afaʼa aligane. Nagaemo alagepa vekamo oʼmaiʼneʼna naginago vayaʼmo aeʼna oʼapaka seʼnovaʼmofeʼmae, huno huʼniye.

2 Kini 1:18

Kini vekamo Ahayaiyaʼmo muki alu kavaʼamo huʼniya kavafeʼmo ava gemo mago mukumo Isaleli kini vayaʼmogi apava gemo haneʼniya mukufiʼmo haneʼniye.

2 Kini 2:11

Anakaemo ge hume hume neʼvaʼagenoʼaeʼmo malage huno lole hosilaʼmo atagana hosilaʼmo mago atagana talalamo halauliʼana eʼana aliʼana fako huʼana anateʼnaʼageno mago alino vego vego huʼniya yasimoʼmo Ilaiyaʼmo avalelino kokuʼnapiʼmo uno haiʼniye.

2 Kini 4:38

Isaleli kotegamo mago hosu afinaʼmo afole aiʼnigeʼapaeʼmo vayaʼmo neʼyafeʼmo kafu huʼnae. Ani afinaʼmo Ilaisaʼmo halate uno Giligali taonifiʼmo maiʼniye. Mago afinaʼmo mago Gotitegati gemo aliniʼeʼa aeʼa hakalo nehaya vayaʼmo Ilaisa aulagaleʼmo itopaleʼmo maiʼnageno Ilaisaʼmo aliʼyaʼamo neʼaliya vekaeʼmo ha painoʼaeʼmo, Alopa samomo alika ani Goti gemo aliniʼeʼa aeʼa hakalo nehaya vayaʼmogi supumo kao.

Luki 9:51

Gotiʼa Yesuʼmo kokuʼnapiʼmo avalelino uno haisiya afinaʼmo ago eno hogo huʼnigenoʼaeʼmo Yesuʼa lokiya agesamo afinoʼaeʼmo, Yulusalemu taonifiʼmo uʼna haiguve, huno agesamo afitenoʼaeʼmo

Apa 1:9

Gotiʼa kokuʼnapiʼmo avalelino uno haino hiyapiʼmo faleʼnigeʼa ageʼnageno uno haino faleʼniye.

Himulu 11:5

Inokiʼa agesamo afino fatago huʼniya kavatetiʼmo ofalino afaʼa maiʼniye. Gotiʼa kokuʼnapiʼmo ago avalelino uno haiʼniyaʼmofeʼmo kahauya huʼnayana oʼageʼnae. Gotiʼa kokuʼnapiʼmo avalelino ohaiʼniya afinaʼmo hogoteno Inokifeʼmo amuse huno ateʼniyaʼmofeʼmae, huno huʼniye.

Yasuva 4:19

Isaleli vayaʼmo Yoneni aniʼmo hogote kaileʼmo napa teni afinaʼmo lakaeteʼa Giligali koʼmo Yeliko taonimo haopaleʼmo yegemo haine neʼeya haopalegamo haneʼnigeʼa seli noʼapimo aliʼa he tiʼa ateʼnae.

Yasuva 5:9

Inagi Ala kava neʼmoʼa Yasuvafeʼmo ha painoʼaeʼmo, Hemenimo nagaemo ani lapavagage huʼniya kavatapimo Isipi kotegamo aliʼnaya kavatapimo aliʼna ataleʼnove, huno ha paiʼniye. Huʼniyaʼmofeʼmo ani taoniyeʼmo agiʼamo Giligaliye, huʼa aeme aeme eʼa hemenimo neʼae. Giligaliye agimo aepaʼamo alino ataleʼniya kone.

Leveleseni 11:12

Kokuʼnapatiʼmo alopa gefatiʼmo ge hunoʼaeʼmo, manileʼmo haiteʼao, huno huʼnigeʼana afiteʼanaeʼmo uʼa haiʼana hiyapiʼmo faleteʼana kokuʼnapiʼmo uʼa haiʼnaʼageʼapaeʼmo kame vayaʼanimogimo anakeʼnae.