2 Kini 1:10 - The Keyagana NT and 25 OT books

¹⁰ Inagi Ilaiyaʼmo geʼaleʼmo aeno atagaina hunoʼaeʼmo, Goti vekaʼamo maiʼnisuvaʼmoʼmo kokuʼnapatiʼmo atamo emineno kagaeʼe fifitiʼa ati vayakaʼeʼmo lapaleno, huno huʼnigenoʼaeʼmo kokuʼnapatiʼmo atamo emineno ati vayaʼaiteʼmo yagaino neʼapateya vekaʼe fifitiʼa ati vayaʼaʼeʼmo apaleʼnigeʼa faliʼnae.

2 Kini 1:10 ပူးပေါင်းရင်းမြစ်များ

2 Kini 1:11

Inagi kini vekamoʼmo alu vekamo ati vayaʼaiteʼmo yagaino neʼapateya vekaʼe fifitiʼa ati vayaʼaʼeʼmo alino apateʼnigeʼa Ilaiyategamo uʼnae. Apakaemo uʼa avaʼyi huteʼapaeʼmo yagaino neʼapateya vekamoʼmo Ilaiyafeʼmo ha painoʼaeʼmo, Goti vekaʼamogae, huno, Kini vekamoʼmo hunoʼaeʼmo, Kagaemo malage huka emikeno, huno huʼniye.

2 Sitoli 36:16

Hapa paiʼnayaʼmonanafa apa vayaʼaina huʼa apami maleteʼa kigi yokalo geʼmo huʼa apatege Goti geʼaeʼmo ina agufa gee huʼa huge Polofeti vayaʼaifeʼmo huʼa faipa huʼa apatege hume hume neʼagenoʼaeʼmo Ala kava neʼmoʼa vayaʼaeʼmo lusi kava huno aipamo leno neʼapateyanageno hapa maesiya yaʼmo alagi ohanegaiye.

Samu 105:15

Inagi yagaiʼa neʼapataya kini vayaʼaifeʼmo hunoʼaeʼmo, uvelimo lakiʼna apateʼnova vayaʼmo maiʼnayanagi apame oʼaliyo. Nagaetegati gemo alini eʼa aeʼa hakalo huʼa hapa nepaiya vayaʼmo maita halove hutapa apatetetapa hanageke yaʼmo alita oʼapamiyo, huno ge hapauʼniye.

Samu 106:18

Kokuʼnapatiʼmo atamo emineno hosu kavaʼmo huteʼa anakame huʼnaya vayaʼeʼmo alagi leno apasaga liʼniye.

Neniyo 3:22

Kini vekamoʼmo lokiya gemo huʼniyaʼmofeʼmo atamo kaeʼnageno lusi kava huno leno amuko huʼniya yapiʼmo Satalakiʼagi Misakiʼagi Ameʼnagoʼagi huʼa apavaleliʼuʼa apasagauʼa atafiʼmo yaga auʼnaya ati vayaʼmo ago alagi apaleʼnigeʼa faliʼnae.

Neniyo 3:25

Inagi agaemo hunoʼaeʼmo, Ageyo, huno, Nagaemo atafiʼmo loleʼe loleʼe vayaʼmo nofi kiʼa oʼapateʼnageʼa aiʼa hakalu heʼa uʼeʼa nehae. Atamoʼeʼmo apakaemo noʼapale. Napa fo vekamo mago gotigi mafaʼnegana huʼna neʼagove, huno huʼniye.

Neniyo 6:24

Inagi kini vekamoʼmo huʼnigeʼa Neniyoʼmo agoti huʼa ateʼnaya vayaʼe muki aʼne mafaʼneʼapiʼeʼmo apavaleliʼeʼa apasagauʼa laiyoni anagaʼmogi kelifiʼmo yaga auʼa apataleʼnageʼa lamiʼa mopale asagauʼa oʼaiʼnageʼapaeʼmo laiyoni anagaʼmogimo aeʼa apaka seʼa apakufamo haniʼa katali katalu huʼnae.

Napa 11:1

Isaleli vayaʼmogimo apakaetegamo afole aiʼniya hanageke yafeʼmo asole gemo huteʼa ge neʼnagenoʼaeʼmo Ala kava neʼmoʼa afiteno ohauʼnigeno lusi kava huno aipamo leʼniye. Aipamo leʼnigenoʼaeʼmo seli noʼapileʼmo maiʼnageno Ala kava neʼmo atamoʼmo mago haopaʼalega afelagaʼamo leno apasagaliʼnigeʼa faliʼnae.

Napa 16:35

Ala kava neʼmoʼa atamo alino ataleʼnigeno emineno tu hataleti fifitiʼa ve anagaʼmogi alagepa atumo neʼaiya ofalinimo nehaya vayaʼmo apaleno apasagaliʼniye.

Matiyu 21:41

agaemo alagi alino hosu huno apateteno ani vayaʼmo apamagigiye. Agaemo alu vayaʼmo apavaleno apatesigeʼa hoyaʼaleʼmo yagaiʼneʼa nofi alagamo afu lesigeʼapaeʼmo lagiʼa maleʼneʼa amigae, huʼa huʼnae.

Luki 9:54

Geʼamo neʼafiʼa vekalaʼmo Yemisiʼe Yoniʼeʼmo ani gemo afiteʼanaeʼmo, Ala kava nene, huʼana, Ilaiyaʼa hogoteno huʼniya agufa kavaʼmo hutaʼa kokuʼnapifeʼmo ataeʼmo ge hisuʼageno emineno leno pasaga lisiyafeʼmo kahauʼnifiye, huʼana ge huʼana afi geʼnaʼageno

Apa 12:19

Helotiʼa hunoʼaeʼmo, kahauya hutapa ageyo, huno hapa paiʼnigeʼapaeʼmo uʼeʼa huʼa lusi kava huʼa kahauya huʼnayaʼmonanafa oʼageʼnae. Agaemo Pitateʼmo yagaiʼa maiʼnaya ati vayaʼaifeʼmo ge huno apafi genoʼaeʼmo, apamagigeʼa faliyo, huno hapa paiʼniye. Agaemo apatalenuno Yutiya kotegatiʼmo uno lamino Sisaliya taonifiʼmo maiʼniye.

Himulu 12:29

Gotitimoʼmo atafiʼmo kaeʼnageno leno saga neliya atagana huno maiʼniyaʼmofeʼmae.

Leveleseni 11:5

Mago vayaʼmogimo kame huʼa anatesayafeʼmo nehisagenoʼaeʼmo anavayafatiʼmo atamoʼmo leno pasaga ligiye. Ani kava huʼa kame huʼa anatesayafeʼmo nehisaya vayaʼeʼmo faligae.