1 Yoni 5:3 - The Keyagana NT and 25 OT books

³ Gotifeʼmo hapau apayamopafiʼmo nehapaiya kavaʼmoʼa Goti keʼaepa geʼamo ani kavaʼmo hiyo, ina kavaʼmo osiyo, huno huʼniya geʼamo akame nehaya kavaʼmo haneʼniye. Goti keʼaepa geʼamo akame hisuna kavaʼmoʼa kana osuʼniyanageta afaʼa akame hugune.

1 Yoni 5:3 ပူးပေါင်းရင်းမြစ်များ

Samu 119:140

Gekamo alagi alagepa gemo haneʼniyaʼmofeʼmo aliʼyakamo neʼaluva vekamoʼnamo gekaeʼmo nahau nayamopafiʼmo nahauʼniye.

Samu 119:45

Namiʼnana gekamo afisuvafeʼmo kahauya nehuvaʼmofeʼmo kalavusifiʼmo oʼmaiʼna afaʼa maiguve.

Hatu maeno apate'niya gemae 20:6

Nagaefeʼmo nohapaiya vayaʼmo kayoʼmo apamiguvaʼmonanafa nagaefeʼmo hapauʼnigeʼa keʼaepa geʼnimo akame nehaya vayaʼmo tauseni tauseniʼa vayaʼaifeʼmo nahau huʼna apategauve.

Mai'naya kavane 3:17

Ani a kanomo neʼviya kaʼmo kanale kaʼmo haneʼniyanageʼa visaya vayaʼmo apamogaga aigae. Muki kaʼaleʼmo visaya vayaʼmogi apaipamoʼmo falu hugiye.

Neniyo 9:4

Nagaemo Ala kava neʼmo Gotiʼnimofeʼmo nunumu huʼna hosu kavatieʼmo aeʼna hakalo huʼnaeʼmo, O Ala kava nene, huʼna, kagaemo aeka apaka seʼnanageta kagaefeʼmo koli nehuna Gotigae, huʼna, muki afinaʼmo kagaefeʼmo hapau apayamopafiʼmo hapauge keʼaepa gekamo akame huge nehaya vayaʼeʼmo magokepi kotalakemo hu maleʼnana gekamo akame huka kahau huka neʼapatane.

Maika 6:8

O vekamogae, huʼna, Ala kava neʼmoʼa alagepa kavaʼmo hisuna kavaʼmo ago alino lave liʼniye. Agaemo anonatilefeʼmo hisunafeʼmo hunoʼaeʼmo, vayaʼaitegamo fatago kavaʼmo huge lapau hutapa apatetetapa lahapauge lapakufamo alita afepiʼmo lapatege hutetapaeʼmo Gotitapimoʼeʼmo afalu afalu kavaʼmo hutapa magokepi lokaetapa umenitata hiyo, huno laha paiʼniye.

Matiyu 23:4

Apakaemo kana yaʼageʼmo hayaeteʼa vayaʼai apakiʼnaleʼmo aliʼa kofiʼa neʼapatayaʼmonanafa apakaiʼapimo magoke apaya akoʼyaletiʼmo hapa maeʼa aliʼa asaga huʼa noʼapatae.

Yoni 14:15

Nagaefeʼmo lapau lapayamopafiʼmo lapauʼnisiyaʼmoʼmo ina kavaʼmo hiyo, huʼna nehuva gemo akame hiyo.

Yoni 15:10

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

Yoni 15:14

Lapakaefeʼmo muki gemo mani kava hiyo, ina kava osiyo, huʼna lapa paiʼnova geʼnimo akame nehisayaʼmoʼmo nao vayaʼmo maiʼnae.

Lomu 7:12

Inagi muki keʼaepa gemo aote gemo haneʼnigeno magoke magoke keʼaepa gemoʼa ma kavaʼmo hiyo ina kavaʼmo osiyo, huno huʼniya gemoʼa aote gemo hanege fatago gemo hanege alagepa gemo hanege huʼniye.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

Himulu 8:10

Inagi ani afinaʼmo hano hutesigeʼnaeʼmo Isaleli vayaʼeʼmo kotalakemo hu maleteʼnaeʼmo keʼaepa geʼnimo aliʼna apakesafiʼmo maleteʼna apaipafiʼmo avoʼmo kae malegauve. Gotiʼapimoʼnamo maisugeʼa nagaiʼni vayaʼnimo maigae.

1 Yoni 2:3

Gotiʼa, ani kavaʼmo hiyo, ina kavaʼmo osiyo, huno huʼniya geʼamo akame c nehisunana ani kavatetiʼmo ago ageʼnonana Gotiʼa ageta alagepa huta ageʼnone.

2 Yoni 1:6

Gotifeʼmo lahau layamopafiʼmo nelahaiya kavaʼmo Goti keʼaepa geʼamo akame nehuna kavaʼmo haneʼniye. Ani gemo hogoteno aepa faino laha paiʼniya afinatetiʼmo afiʼnaya gemo haneʼniyanagi akame hiyo.