1 Yoni 5:16 - The Keyagana NT and 25 OT books

¹⁶ Mago vekamoʼmo konagaʼamoʼmo ageʼniyana hosu kavaʼmo ofalisiya agufa hosu kavaʼmo huʼnisigeno agetenoʼaeʼmo Gotifeʼmo ge huno afi gesigenoʼaeʼmo ani konagaʼamoʼmo falisiya agufa hosu kavaʼmo osuʼniya konagaʼamoʼmo maige maige huno maisiya yaʼmo amigiye. Mago vekamoʼmo alagi falisiya agufa hosu kavaʼmo nehisiyana nunumuʼmo hutapa ateyo, huʼna nosuve.

1 Yoni 5:16 ပူးပေါင်းရင်းမြစ်များ

Aepa Gemae 20:17

Ala kava neʼmoʼa Selateʼmo afole aiʼniya kavatetiʼmo Amimeleki nofi vayaʼai aʼne anagaʼmogi apaipamo alino akani maleʼnigeʼa mafaʼnemo afaʼa aliʼa oʼateʼnae. Huʼniyaʼmofeʼmo Emalehamuʼa Gotifeʼmo nunumuʼmo huʼnigeno Gotiʼa Amimelekiʼagi aʼagi aliʼyaʼamo neʼaliya aʼne anaganagi huno mafaʼnemo aliʼa atesayafeʼmo alino kanale huno apateʼnigeʼa henagaʼamo mafaʼne aliʼa apateʼnae.

Aepa Gemae 20:7

Ani kava huʼniyaʼmofeʼmo hemenimo alika ategeno anauʼamotegamo vino. Agaemo aune gemo nehiya vekaʼnimo maiʼniyanageno nagaefeʼmo nunumuʼmo huno katesigeka ofaligane. Ani a kanomo anauʼamotegamo alika atesanageno oʼvisiyaʼmoʼmo kagaikaʼe vayakaʼeʼmo ago alagi faligune, huka kagesamo afiyo.

Samu 106:23

Henagaʼamo Gotiʼa aipamo leno apatetenoʼaeʼmo vayaʼnimo aliʼna apagoʼya lagauʼna apatalegauve, huno huʼnigenoʼaeʼmo Gotiʼa aliʼyaʼamo alisiyafeʼmo lekana paino ateʼniya vekamo Moseseʼa nunumuʼmo huno apatetenoʼaeʼmo apamagisiya kaʼmo ago akani maleʼnigeno Gotiʼa afaʼa apateʼniye.

Hatu maeno apate'niya gemae 34:9

Moseseʼa hunoʼaeʼmo, O Ala kava nene, huʼna, nagaemo kaulagaleʼmo fikumo naha maeka neʼnamina kavakamo ago ageʼnova vekamo maiʼnisuvaʼmoʼmo lagaeʼeʼmo magokepi lokaeka uvo, huʼna ge nehuve. Lagaemo gemo noʼafuna vayaʼmo maiʼnonaʼmonanafa hosu kavatilefeʼmo afaʼa ateyo, huka huteka mafaʼneʼapimogimo afoʼapimogi yaʼmo neʼaliya kava huka lagaemo vayakamo maisunafeʼmo afaʼa lavalo, huno ha paiʼniye.

Napa 12:13

Moseseʼa Ala kava nefeʼmo alopa gefatiʼmo hunoʼaeʼmo, O Gotiyo, huno, Kahaoke hovanagi alika hageka ato, huno nunumuʼmo nehigenoʼaeʼmo Ala kava neʼmoʼa Mosesefeʼmo hunoʼaeʼmo, Afoʼamo augosafiʼmo avenatuʼnamo heniyesinana seveniʼa afinaʼmo avagage osuʼniyesipiye. Lapakaemo seli notetiʼmo alita ha faitalegenoʼao malaga seveniʼa afinaʼmo ago utesigeno halate hainegaiye, huno ha paiʼniye.

Luki 12:10

Muki vayaʼmogimo Vemo Mafaʼneeʼmo huʼa faipa huʼa atesaya vayaʼmogi hosu kavaʼapimo Gotiʼa afaʼa alino atalegaiyaʼmonanafa Aote Aunemeʼaeʼmo huʼa faipa huʼa atesaya vayaʼmogi hosu kavaʼapimo alagi alino oʼatalegaiye.

Yoni 17:9

Nagaemo nunumuʼmo huʼna neʼapatove. Nagaemo ma mopafi vayaʼaifeʼmo nunumuʼmo huʼna noʼapatofa apavaleka namiʼnana vayaʼmo vayakamo maiʼnayaʼmofeʼmo nunumuʼmo huʼna neʼapatove.

2 Timoti 4:14

Alekasaniʼa aenimo alo nehaya aliʼyaʼmo neʼaliya vekamoʼmo nagaetegamo alagi hosu kavaʼmo huʼniye. Ala kava neʼmoʼa anonaʼalefeʼmo amigiye.

1 Yoni 5:17

Muki agufa alagepa osu kavaʼmo nehaya kavaʼmoʼa hosu kavaʼmo haneʼniyaʼmonanafa mago hosu kavaʼmoʼa alagi falisaya kavategamo alino noʼapateya hosu kavaʼmo haneʼniye.

1 Samiyo 12:19

Muki vayaʼmogimo Samiyofeʼmo huʼapaeʼmo, Lagaemo asole hosu kavaʼmo ago hutetaeʼmo hemenimo ageʼnonana lagaemo Ala kava nefeʼmo kini vekatimo lamiyo, huta ge huta kafi geʼnona kavaʼe magoʼe huta alu hosu kavaʼeʼmo huʼnone. Huʼnonaʼmofeʼmo kagaemo Ala kava neʼmo Gotikamofeʼmo lagaemo aliʼyakamo neʼaluna vayakamogitaeʼmo nunumuʼmo huka lato. Fiku yanageta faligune, huʼa ha paiʼnae.

1 Samiyo 2:25

Mago vekamoʼmo mago vekalegamo hosu kavaʼmo nehisiyaʼmoʼmo agoti gemo neʼafiya vekamoʼa alino fako huno anategaiyaʼmonanafa mago vekamoʼmo Ala kava netegamo hosu kavaʼmo hisiyaʼmoʼmo ina laʼmo ha maegaiye.