1 Yoni 5:14 - The Keyagana NT and 25 OT books

¹⁴ Lagaemo Gotiʼa, ani kavaʼmo huguve, huno hu maleʼniya kavatefeʼmo nunumuʼmo huta ge huta afi gesunagenoʼaeʼmo getimo afaʼa afiteno hugiye, huta agaefeʼmo lagesamo afita fatago nehune.

1 Yoni 5:14 ပူးပေါင်းရင်းမြစ်များ

Samu 145:19

Agaefeʼmo koli huʼneʼa mono nehaya vayaʼaiteʼmo hapauʼnisiya kavaʼmo afaʼa hugiye. Keya aeʼa ge nehagenoʼaeʼmo apakufamo alino katino neʼapate.

Samu 31:22

Nagaemo lusi kava huʼna koli nehuʼnaeʼmo, Ago naha faino nataleʼniye, huʼna huʼnovaʼmonanafa kagaefeʼmo naha mao, naha mao, huʼna keya aeʼnogeka ago afiʼnane.

Samu 34:17

Fatago vayaʼmogimo keya aeʼa ge nehageno afitenoʼaeʼmo muki hanageke yapatiʼmo apakufamo alino katino neʼapate.

Samu 69:33

Ala kava neʼmoʼa muki yaʼapimo ohaneʼniya vayaʼai geʼapimo neʼafiye. Agaemo agaiʼa vayaʼamo kalavusi huʼnaya vayaʼaifeʼmo, afa vayaʼmo maiʼnae, huno agesamo noʼafifa apakaefeʼmo alagepa huno agesamo neʼafiye.

Mai'naya kavane 10:24

Hosu vayaʼmogi koli nehaya kavaʼmo apakaeteʼmo afole aigiyaʼmonanafa fatago vayaʼmogi afole aisiyafeʼmo nehapaiya kavaʼmo aligae.

Mai'naya kavane 15:29

Ala kava neʼmoʼa hosu kavaʼmo nehaya vayaʼmogi hapaopaleʼmo oʼmaino afagiʼaleʼmo neʼmaiyaʼmonanafa fatago vayaʼmogimo nunumuʼmo nehaya gemo agetafo huno neʼafiye.

Matiyu 21:22

Lapakesamo afita fatago hisayana nunumuʼmo huta afi gesaya yaʼmo afaʼa aligae.

Yoni 11:42

Muki afinaʼmo geʼnimo neʼafine, huʼna ago afiʼnove. Afiʼnovaʼmonanafa manileʼmo nagaeʼeʼmo magokepiʼmo lokaeʼa maiʼnaya vayaʼmogimo afiteʼapaeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo ani gemo nehuve, huno huteno

Yoni 14:13

Lapakaemo nagiʼniletiʼmo na agufa kavafeʼmo nunumuʼmo hutapa nafi gesafi Afoʼnimo ha le konali yaʼamo aliʼna lapave lisuvafeʼmo ani kavaʼmo afaʼa huguve.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Yoni 16:24

Hogotetapa nagiʼniletiʼmo ge hutapa afi okeʼnae. Afaʼa ge hutapa afi gegenoʼao lapamisigeno lapaipafiʼmo lapamogaga aisaya kavaʼmo havai tegaiye, huno hapa paiʼniye.

Yoni 9:31

Afiʼnonana Gotiʼa hosu kavaʼmo nehaya vayaʼai geʼapimo noʼafiyaʼmonanafa agaefeʼmo mono huteʼa hauʼniya agufa kavaʼageʼmo nehaya vayaʼai geʼapimo neʼafiye, huta afiʼnone.

Efasasi 3:12

Agaepiʼmo maiʼneta agaefeʼmo lagesamo afita fatago nehuna kavatetiʼmo koli osuge lole lagesamo oʼafige huteta Gotitegamo neʼune.

Himulu 10:35

Ani kavaʼmo hutapa maiʼnayaʼmofeʼmo oʼataletapa atafauta alagi hutapa maiyo, alopa miyatapimo aligae.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Yemisi 4:3

Gotifeʼmo nunumuʼmo hutapa afi nekayaʼmonanafa noʼaliye. Lapakufamoʼmo hauʼniya kavaʼmo hisayafeʼmo hosu gemo hutapa ge huta afi nekayaʼmofeʼmo noʼaliye.

Yemisi 5:16

Lapakaemo konagatapimogifeʼmo hosu kavatapieʼmo aeta hakalo hutapa hapa paigeʼa apakaemo ani kava huʼa hosu kavaʼapieʼmo aeʼa hakalo huʼa lapa paisagetapa nunumuʼmo hutapa apategeʼa ani kava huʼa nunumuʼmo huʼa lapatenagetapa higenoʼao Gotiʼa alino alagepa huno lapateno. Fatago vayaʼmogimo lokiya vaiʼa nunumu huʼa ge huʼa afi nekagenoʼaeʼmo Gotiʼa himamu lokiyaʼaletiʼmo aliʼyaʼmo aliteno alino afole aino neʼate.

1 Yoni 2:28

Aise mafaʼneʼnimogitapae, huʼna, Eminesigetaeʼmo lokiya vaita maiʼneta fala okisunageno aulagaleʼmo lavagage osisiyafeʼmo hemenimo agaepiʼmo alagi maigetao.