1 Yoni 5:13 - The Keyagana NT and 25 OT books

¹³ Nagaemo mani gemo Goti Mafaʼneʼamo agiʼalefeʼmo lapakesamo afita fatago nehaya vayaʼmogita hutapaeʼmo, maige maige huta maisuna yaʼmo aliʼnone, hutapa afitetapa agesayafeʼmo mani gemo avoʼmo kaeʼnove. Lapakaemo afitetapa lapakesamo afita fatago hume hume visayafeʼmo avoʼmo kaeʼnove.

1 Yoni 5:13 ပူးပေါင်းရင်းမြစ်များ

Yoni 1:12

Muki vayaʼmogi aliʼa falu fala huʼa oʼateʼnayaʼmonanafa agaiʼa agiʼalefeʼmo apakesamo afiʼa fatago huteʼa aliʼa falu fala huʼa ateʼnaya vayaʼmo Goti mafaʼneʼamo ha malesayafeʼmo himamuʼamo apamiʼniye.

Yoni 2:23

Pasova neʼyaʼmo neʼnaya afinaʼmo Yesuʼa Yulusalemu taonifiʼmo maiʼnenoʼaeʼmo noʼagaya agufa aune kavaʼmo huʼnigeʼapaeʼmo asole vayaʼmogimo ageteʼa agaefeʼmo apakesamo afiʼa fatago huʼnae.

Yoni 20:31

Lapakesamo afita fatago hutetapaeʼmo, Yesuʼa Kalaisi vekamo Goti Mafaʼneʼamo maiʼniye, hutetapa maiʼnetapaeʼmo agiʼaletiʼmo alagepa hutapa maige maige hutapa maisayafeʼmo mani gemo huʼna avoʼmo kae maleʼnove.

Yoni 21:24

Ani vekamoʼmo ani gemo ago avoʼmo kae maleʼnigeno hemenimo ani kavafeʼmo faigoko geʼamo nehiye. Lagaemo huʼniya gemo afitetaeʼmo lama gemo huʼniye, huta afiʼnone.

Yoni 3:18

Goti Mafaʼneʼaeʼmo apakesa afiʼa fatago nehaya vayaʼmo agoti huno apatetenoʼaeʼmo, hosu vayaʼmo maiʼnae, huno nosiyaʼmonanafa apakesamo afiʼa fatago nosaya vayaʼmo ago agoti huno apatetenoʼaeʼmo, hosu vayaʼmo maiʼnae, huno huʼniye. Apakesamo afiʼa fatago osuʼnayaʼmofeʼmae.

Yoni 5:24

Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.

Apa 3:16

Laʼagaemo agaemo himamuʼaletiʼmo agiʼalefeʼmo agesamo afino fatago huʼniya kavatetiʼmo mani ageʼnaya vekamo ayamufamo alitaʼa lokiya vaitaʼa ateʼnoʼae. He, huno, agaetetiʼmo afole aiʼniya kavafeʼmo agesamo afino fatago huʼniya kavatetiʼmo alagi alitaʼa lokiya vaitaʼa ateʼnoʼageno lapaulagaleʼmo maiʼniye.

Apa 4:12

Mago alu vekamoʼmo lapakufamo alino katino lapatesiya vekamo oʼmaiʼnifa agaekeʼmo magokeʼage maiʼniye. Mago alu agiʼe vekamo oʼmaiʼniyaʼmofeʼmo Gotiʼa magoke vekamo agiʼamo ma mopafi vayaʼaina apamiʼniyanageʼa agimo aeʼa ge hisageno hapa maeno, huno hapa paiʼniye.

2 Kolitiyani 5:1

Ago afiʼnonana ma mopafi seli notimo atalagausiyaʼmoʼmo oʼatalagauno afaʼa hanege hanege huno hanesiya notimo kokuʼnapiʼmo haneʼniyaʼmofeʼmo laipamoʼmo kana osuʼniye. Vayaʼmogimo notimo apayatetiʼmo okiʼnayaʼmonanafa Gotiʼa ki maleʼniye.

Galesiya 4:6

Lapakaemo mafaʼneʼamo maiʼnayaʼmofeʼmo Gotiʼa Mafaʼneʼamo Aunemeʼamo alino ateʼnigeno emineno lapaipafiʼmo uno haino maiʼnigetapaeʼmo, Afo, Afotimogae, hutapa ge nehae.

1 Pita 5:12

Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.

1 Yoni 1:4

Lagaemo lapaipafiʼmo lapamogaga aisaya kavaʼmo havai tesiyafeʼmo mani gemo avoʼmo nekaone.

1 Yoni 2:1

Aise mafaʼneʼnimogitapae, huʼna, lapakaemo hosu kavaʼmo osisayafeʼmo mani gemo lapakaefeʼmo avoʼmo nekaove. Mago vekamoʼmo hosu kavaʼmo hisiyaʼmoʼmo laha maeno muki yaʼmo Afoʼamofeʼmo ge huno nelateya vekamo maiʼniye. Ani vekamo Yesu Kalaisiʼa fatago vekamo maiʼniye.

1 Yoni 2:21

Inagi lapakaemo lama gemo oʼafiʼnayaʼmofeʼmo mani gemo avoʼmo okaeʼnofa lapakaemo lama gemo ago afitetapaeʼmo aigofe gemoʼmo lama gefatiʼmo afole noʼaiye, hutapa ago afiʼnayaʼmofeʼmo lapakaefeʼmo mani gemo avoʼmo kaeʼnove.

1 Yoni 2:25

Kalaisiʼa lapa maegauve, huno hu maleʼniya polomasi gemoʼa hunoʼaeʼmo, maige maige hutapa maisaya yaʼmo lapamiguve, huno laha paiʼniye.

1 Yoni 2:26

Nagaemo humi lapatesayafeʼmo nehaya vayaʼaifeʼmo apava gemo huʼna lapakaefeʼmo avoʼmo kaeʼnove.

1 Yoni 3:23

Goti keʼaepa geʼamoʼmo hunoʼaeʼmo, mafaʼneʼnimo Yesu Kalaisi agiʼalefeʼmo lapakesamo afita fatago hutetapaeʼmo konagatapimogifeʼmo lapaino, huno laha paiʼniye.

1 Yoni 4:9

Gotiʼa Yesutetiʼmo afaʼa maisuna yaʼmo alisunafeʼmo aiya magoke mafaʼneʼamo alino ateʼnigeno ma mopafiʼmo emineʼniye. Gotiʼa ani kavatetiʼmo lagaefeʼmo hau ayamopafiʼmo hauʼniya kavaʼamo alino lave liʼniye.

1 Yoni 5:10

Mani ageteno ha maeno faigoko geʼamo Goti Mafaʼneʼaeʼmo apakesamo afiʼa fatago nehaya vayaʼai apaipafiʼmo haneʼniyaʼmonanafa Gotiʼa lama gemo nehiye, huʼa nosaya vayaʼmogimo Gotiʼa aigofe gemo nehiya vekamo maiʼniye, huʼa nehae. Apakaemo Gotiʼa Mafaʼneʼamo ageteno ha maeno faigoko gemo aeno hakalo huʼniya geʼaeʼmo apakesamo afiʼa fatago osuʼnayaʼmofeʼmae.

1 Yoni 5:11

Gotiʼa ageteno ha maeno faigoko gemo aeno hakalo hunoʼaeʼmo, nagaemo maige maige hutapa neʼmaiya yaʼmo lapamiʼnove, huno laha paiʼniye. Ani maige maige huʼa neʼmaiya yaʼmo mafaʼneʼafiʼmo maiʼniye.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.