1 Yoni 4:20 - The Keyagana NT and 25 OT books

²⁰ Mago vekamoʼmo hunoʼaeʼmo, Nagaemo Gotifeʼmo nahau nayamopafiʼmo neʼnahaiye, huno nehunoʼaeʼmo konagaʼamogifeʼmo aini hisiyana aigofe vekamo maiʼniye. Agaemo ageʼniya konagaʼamofeʼmo nohausiyana haiya kava huno oʼageʼniya Gotifeʼmo hau ayamopafiʼmo haugiye.

1 Yoni 4:20 ပူးပေါင်းရင်းမြစ်များ

Yoni 13:35

Konagatapimogifeʼmo lapau lapayamopafiʼmo lapausigeʼapaeʼmo muki vayaʼmogimo lapaketeʼapaeʼmo, Yesu geʼamo neʼafiya vayaʼmo maiʼnae, huʼa hugae, huno hapa paiʼniye.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.

1 Yoni 1:6

Lagaemo hanipiʼmo umenitata nehutaeʼmo, Gotiʼeʼmo afalu afalugana huta lokaeta maiʼnone, huta nehisunana aigofe gemo huteta lama gemo alagi akame nosune.

1 Yoni 1:8

Lagaemo, hosu kavatimo ohaneʼniye, huta nehisunana lagaitieʼmo humi nelatonagenoʼaeʼmo lama geʼamo laipafiʼmo alagi nohane.

1 Yoni 2:11

Ohaneʼniyaʼmonanafa konagaʼaeʼmo aini huʼnisiyana hanipiʼmo maiʼneno hanipiʼmo umenitata nehunoʼaeʼmo, haiya kateʼmo neʼufi, huno noʼage. Hani yaʼmoʼa aulagafiʼmo aino ati kaeʼniyaʼmofeʼmo kaʼmo oʼageʼniye.

1 Yoni 2:4

Mago vekamoʼmo, ageʼna aeto huʼnove, huno nehunoʼaeʼmo Goti keʼaepa geʼamo akame nosisiyana agaemo aigofe vekamo maiʼnigeno lama gemo aipafiʼmo alagi ohaneʼniye.

1 Yoni 2:9

Mago vekamoʼmo hunoʼaeʼmo, ha le yategamo neʼmauve, huno huteno konagaʼaeʼmo aini huʼnisiyana hanipiʼmo maime maime neʼe.

1 Yoni 3:17

Atalegaunaʼmonanafa mago vekamoʼmo hapa maesiya yaʼamo haneʼniya vekamoʼmo agesiyana mago konagaʼamoʼmo kafu huʼnisigeno agetenoʼaeʼmo hau huno ateteno oʼamiʼnisiyana Gotiʼa hau ayamopafiʼmo hauʼniya kavaʼamo aipafiʼmo haneʼnifiye.

1 Yoni 4:12

Mago vekamoʼmo Gotiʼmo mago afinaʼmo oʼageʼniye. Lagaemo konagatimogifeʼmo lahau layamopafiʼmo nelahaisiyana Gotiʼa lagaepiʼmo alagi maiʼnigeno hau ayamopafiʼmo hauʼniya kavaʼamo laipafiʼmo kosino afu leʼniye.