1 Yoni 4:12 - The Keyagana NT and 25 OT books

¹² Mago vekamoʼmo Gotiʼmo mago afinaʼmo oʼageʼniye. Lagaemo konagatimogifeʼmo lahau layamopafiʼmo nelahaisiyana Gotiʼa lagaepiʼmo alagi maiʼnigeno hau ayamopafiʼmo hauʼniya kavaʼamo laipafiʼmo kosino afu leʼniye.

1 Yoni 4:12 ပူးပေါင်းရင်းမြစ်များ

Aepa Gemae 32:30

Yekopuʼa ani kotefeʼmo agiʼamo Pinaiyo kone huno ateʼniye. Ani agimo aepaʼamo Goti augosafiʼmo ageʼnove. Yekopuʼa hunoʼaeʼmo, nagaemo Goti augosafiʼmo ageʼnovaʼmonanafa ofaliʼna afaʼa maiʼnove, huno huʼniye.

Hatu maeno apate'niya gemae 33:20

Nahaugiyaʼmonanafa naugosaʼafiʼmo afaʼa oʼnagegane. Naugosafiʼmo nagesiya vekamo afaʼa oʼmaigifa ago faligiyaʼmofeʼmae.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

1 Kolitiyani 13:13

Hemenimo loleʼe magoʼe kavaʼmo haneʼniyana apakesamo afiʼa fatago nehaya kavaʼmo hanege alagepa kavaʼmo afole aigiye, huʼa huteʼa agava maiʼneʼa apavayagunagu nehaya kavaʼmo hanege hapau apayamopafiʼmo nehapaiya kavaʼmo hanege huʼniyanageno alagi hanege hanege huno hanegaiye. Mani loleʼe magoʼe kavapatiʼmo aeno agaseno hogote kavaʼmo haneʼniyana hapau apayamopafiʼmo nehapaiya kavaʼmo haneʼniye.

1 Timoti 1:17

Ala kini vekamo ofalino maige maige huno neʼmaiya vekamo noʼagona vekamo agaiʼageʼmo ageteno afiʼniya vekamo ala agiʼaʼe ha le konali yaʼaʼeʼmo muki afinaʼmo hanege hanege huno haneno. He, lama ge.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

Himulu 11:27

Kini vekamoʼmo aipamo leno ateʼniyaʼmonanafa Moseseʼa agesamo afino fatago huʼniya kavatetiʼmo koli osuno Isipi kotegatiʼmo ataleno uʼniye. Agaemo noʼagaya vekamo agetenoʼaeʼmo geʼaleʼmo oʼataleno atafauno alagi huno maiʼniye.

1 Yoni 2:5

Ohaneʼniyaʼmonanafa muki vayaʼmogi Goti geʼamo akame nehaya vayaʼmogimo Gotifeʼmo hapau apayamopafiʼmo nehapaiya kavaʼapimoʼmo uno haino hapaiʼniye. Ani kavatetiʼmo ago ageʼnonana agaepiʼmo maiʼnone.

1 Yoni 3:24

Muki vayaʼmo keʼaepa geʼamo akame nehaya vayaʼmo Gotipiʼmo alagi maiʼnageno apakaepiʼmo alagi neʼmaiye. Ani kavatetiʼmo ageʼnonana Gotiʼa lamiʼniya Aunemeʼaletiʼmo lagaepiʼmo alagi neʼmaiye.

1 Yoni 4:16

Gotiʼa lagaefeʼmo hau ayamopafiʼmo hauʼniye, huta afitetaeʼmo ani kavafeʼmo lagesamo afita fatago nehune. Gotiʼa hau ayamopafiʼmo nehaiya vekamo maiʼniye. Hau ayamopafiʼmo hauʼniya kavapiʼmo alagi maiʼnisaya vayaʼmo Gotipiʼmo alagi maiʼnageno Gotiʼa apakaepiʼmo alagi neʼmaiye.

1 Yoni 4:20

Mago vekamoʼmo hunoʼaeʼmo, Nagaemo Gotifeʼmo nahau nayamopafiʼmo neʼnahaiye, huno nehunoʼaeʼmo konagaʼamogifeʼmo aini hisiyana aigofe vekamo maiʼniye. Agaemo ageʼniya konagaʼamofeʼmo nohausiyana haiya kava huno oʼageʼniya Gotifeʼmo hau ayamopafiʼmo haugiye.

1 Yoni 4:6

Lagaemo Goti vayaʼamo maiʼnone. Gotiʼa ageʼa aeto huʼnaya vayaʼmogimo getimo neʼafiye. Goti vayaʼamo oʼmaiʼnaya vayaʼmogimo getimo noʼafiye. Ani kavatefeʼmo lama ge Aunemeʼamo agege aigofe aunemeʼamo agege hugune.