1 Yoni 3:23 - The Keyagana NT and 25 OT books

²³ Goti keʼaepa geʼamoʼmo hunoʼaeʼmo, mafaʼneʼnimo Yesu Kalaisi agiʼalefeʼmo lapakesamo afita fatago hutetapaeʼmo konagatapimogifeʼmo lapaino, huno laha paiʼniye.

1 Yoni 3:23 ပူးပေါင်းရင်းမြစ်များ

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Matiyu 22:39

Napa tu keʼaepa geʼe napa vani keʼaepa geʼeʼmo magoke agufa gelaʼmo haneʼniye. Napa tu keʼaepa gemoʼa hunoʼaeʼmo, kagaikaeʼmo kahau kayamopafiʼmo nekahaiya kava huka kahaopaleʼmo maiʼnaya vayaʼaifeʼmo kahau kayamopafiʼmo kahaino.

Maki 9:7

Huʼnigeno hiyaʼmo kino apati kaeʼnigeno ani hiyapatiʼmo mago gemo hunoʼaeʼmo, ani vekaeʼmo nahau nayamopafiʼmo neʼnahaiya mafaʼneʼnimo maiʼniyanagi geʼamo afiyo, huno hapa paiʼniye.

Yoni 1:12

Muki vayaʼmogi aliʼa falu fala huʼa oʼateʼnayaʼmonanafa agaiʼa agiʼalefeʼmo apakesamo afiʼa fatago huteʼa aliʼa falu fala huʼa ateʼnaya vayaʼmo Goti mafaʼneʼamo ha malesayafeʼmo himamuʼamo apamiʼniye.

Yoni 13:34

Hemenimo mago saufa keʼaepa gemo lapa nepauve. Konagatapimogifeʼmo lapau lapayamopafiʼmo lapaino. Lapakaefeʼmo nahau nayamopafiʼmo nahauʼniya kava huno konagatapimogifeʼmo lapau lapayamopafiʼmo lapaino.

Yoni 14:1

Yesuʼa hunoʼaeʼmo, Lahapausoli osuge lapaipamoʼmo atete osuge hino. Gotifeʼmo lapakesamo afita fatago huge nagaefeʼmo lapakesa afita fatago huge nehayaʼmofeʼmo oʼataletapa magoʼe hutapa lapakesa afita fatago hiyo.

Yoni 15:12

Geʼaepa geʼnimo haneʼniyana lapakaefeʼmo nahau nayamopafiʼmo nahauʼniya kava huno konagatapieʼmo lapau lapayamopafiʼmo lapaino.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 2:23

Pasova neʼyaʼmo neʼnaya afinaʼmo Yesuʼa Yulusalemu taonifiʼmo maiʼnenoʼaeʼmo noʼagaya agufa aune kavaʼmo huʼnigeʼapaeʼmo asole vayaʼmogimo ageteʼa agaefeʼmo apakesamo afiʼa fatago huʼnae.

Yoni 3:18

Goti Mafaʼneʼaeʼmo apakesa afiʼa fatago nehaya vayaʼmo agoti huno apatetenoʼaeʼmo, hosu vayaʼmo maiʼnae, huno nosiyaʼmonanafa apakesamo afiʼa fatago nosaya vayaʼmo ago agoti huno apatetenoʼaeʼmo, hosu vayaʼmo maiʼnae, huno huʼniye. Apakesamo afiʼa fatago osuʼnayaʼmofeʼmae.

Yoni 6:29

Gotiʼa hauʼniya kavaʼmo magokeʼageʼmo haneʼniyana alino ateʼnigeno emineʼniya vekaeʼmo lapakesamo afita fatago hisaya kavakeʼmo aliʼyaʼamo haneʼniye, huno hapa paiʼnigeʼapaeʼmo,

Apa 16:31

Ala kava neʼmo Yesu Kalaisifekeʼmo kagesa afika fatago hugenoʼao Gotiʼa kagaeʼe afamo anagakaʼeʼmo lapakufamo alino katino lapategaiye, huʼana ha pailiʼana uʼnaʼae.

Efasasi 5:2

Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

1 Tesaloniyani 4:9

Gotiʼa konagatapieʼmo lapau lapayamopafiʼmo lapausiyafeʼmo ago alino lapaya maleʼnigetapa afiʼnayanageta lapausiyafeʼmo halate avoʼmo kaesuva kavaʼmo ohaneʼniye.

1 Timoti 1:15

Mani lama geeʼmo apakesamo afiʼa fatago huteʼa alisaya gemo haneʼniyana Kalaisi Yesuʼa hosu vayaʼai apakufamo alino katino apateteno hapau vaisiyafeʼmo ma mopafiʼmo emineʼniye, huta nehune. Inagi nagaemo hosu kavaʼmo nehaya vayaʼmo magoʼe huʼna ago aeʼna apakaseʼna hogote hosu vekamo maiʼnove.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 4:8

Hogote kavaʼmo hutapa konagatapieʼmo lusi kava huno lapau lapayamopafiʼmo lapaino. Konagatapieʼmo lapau lapayamopafiʼmo nelapaiya kavaʼmoʼa hosu kavaʼapimo aeno ati kaeno atalegaiyaʼmofeʼmae.

1 Yoni 2:7

Naganaʼnimogitapae, huʼna, nagaemo saufa keʼaepa gemo lapakaefeʼmo avoʼmo nokaofa atafa keʼaepa gemo akeyaʼvilagamo aepa faitapa afiʼnaya afinatetiʼmo afiʼnaya gemo lapakaefeʼmo avoʼmo nekaove. Lapakaemo mani atafa keʼaepa gemo aepa faiʼnaya afinatetiʼmo afime afime eʼnae.

1 Yoni 3:11

Lapakaemo aepa faiʼnaya afinatetiʼmo, konagatapieʼmo lapau lapayamopafiʼmo lapaino, huta lapa paiʼnonagetapa afiʼnae.

1 Yoni 4:15

Gotiʼa muki vayaʼmogi, Yesuʼa Goti mafaʼneʼamo maiʼniye, huʼa aeʼa hakalo huʼa hapa nepaiya vayapiʼmo alagi maiʼnigeʼa apakaemo agaepiʼmo alagi maiʼnae.

1 Yoni 4:21

Gotiʼa mani keʼaepa geʼaeʼmo, Lapakaemo Gotifeʼmo lapau lapayamopafiʼmo lahapausigeno konagatapimogiʼefeʼmo lapau lapayamopafiʼmo lapaino, huno laha paiʼniye.

1 Yoni 5:13

Nagaemo mani gemo Goti Mafaʼneʼamo agiʼalefeʼmo lapakesamo afita fatago nehaya vayaʼmogita hutapaeʼmo, maige maige huta maisuna yaʼmo aliʼnone, hutapa afitetapa agesayafeʼmo mani gemo avoʼmo kaeʼnove. Lapakaemo afitetapa lapakesamo afita fatago hume hume visayafeʼmo avoʼmo kaeʼnove.