1 Yoni 3:18 - The Keyagana NT and 25 OT books

¹⁸ Aise mafaʼneʼnimogitapae, huʼna, lavayaʼaletikeʼmo geʼageʼmo hutaeʼmo, lahau layamopafiʼmo nelahaiye, huta osuta alagi lama ge huno lahau layamopafiʼmo lahauʼninageta alagepa kavaʼmo higetao.

1 Yoni 3:18 ပူးပေါင်းရင်းမြစ်များ

Hatu maeno apate'niya gemae 33:21

Nahaopaleʼmo mago yafaʼmo haneʼniyanageka eka haikeka ani yafateʼmo he tika maigane.

Luki 7:5

Yu vayaʼmogitaeʼmo hauʼnigeno mono noʼmo kino lateʼniyaʼmofeʼmo eka ha mao, huʼa Yesufeʼmo ha paiʼnae.

Yoni 17:19

Kagaemo lama gekaletiʼmo apavaleka apaote apatesanafeʼmo nagaemo aliʼyakamo alisuvafeʼmo aliʼna naote nateʼnove.

Lomu 12:9

Aigofe olahapauno lapaipafatiʼmo lapau lapayamopafiʼmo lahapaino. Hosu kavafeʼmo alagi olahapauʼninagetapa alagepa kavateʼmo atafautapa alagi hutapa maiyo.

Galesiya 5:13

Konagaʼnimogitapae, huʼna, kalavusifiʼmo oʼmaitapa afaʼa maisayafeʼmo Gotiʼa lapakaefeʼmo ge huʼniye. Afaʼa maiʼnayaʼmonanafa fiku yanagetapa ani kavatetiʼmo lapakufamoʼmo hauʼniya kavaʼmo hisaya kaʼmo valitapa ategae. Valitapa oʼatetapa konagatapieʼmo lapau lapayamopafiʼmo lapauʼninagetapa hapa maeyo.

Efasasi 4:15

Lagaemo vayaʼaifeʼmo lahauʼnisigeta lavayafatiʼmo lama gemo nehutaeʼmo kosime kosime uta Kalaisigana huta maigune. Muki vayaʼmo apakenopamokeʼmo muki apakufaleʼmo yagaino apateʼniya kava huno Kalaisiʼa lagenopagana huno maiʼneno yagaino nelategeno agufamo alino kosino neʼate.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Yoni 2:1

Aise mafaʼneʼnimogitapae, huʼna, lapakaemo hosu kavaʼmo osisayafeʼmo mani gemo lapakaefeʼmo avoʼmo nekaove. Mago vekamoʼmo hosu kavaʼmo hisiyaʼmoʼmo laha maeno muki yaʼmo Afoʼamofeʼmo ge huno nelateya vekamo maiʼniye. Ani vekamo Yesu Kalaisiʼa fatago vekamo maiʼniye.

1 Yoni 3:7

Aise mafaʼneʼnimogitapae, huʼna, fiku yanagetapa apateʼnisageʼa humi lapategae. Kalaisiʼa fatago vekamo maiʼniya kava huʼa alagepa kavaʼmo nehaya vayaʼmo fatago vayaʼmo maiʼnae.

2 Yoni 1:1

Nagaemo Goti vayaʼaleʼmo yagaiʼna neʼapatova vayatama vekamoʼnamo Gotiʼa lekana paino kateʼniya a kanoʼe mafaʼne anagakamogiʼefeʼmo mani gemo avoʼmo nekaove. Nagaemo lapakaefeʼmo lama geʼalefeʼmo nahau nayamopafiʼmo nahauʼniye. Nagaeʼe muki vayaʼmogimo lama gemo afiʼnaya vayaʼmogiʼeʼmo lapakaefeʼmo lahau layamopafiʼmo lahauʼniye.

3 Yoni 1:1

Nagaemo Goti vayaʼaleʼmo yagaiʼna neʼapatova vayatama vekamo Yoniʼnamo lama gelefeʼmo nahau nayamopafiʼmo nahauʼniya Gaiyasigaeʼmo mani gemo avoʼmo nekaove.