1 Yoni 3:12 - The Keyagana NT and 25 OT books

¹² Kenikana huta oʼmaigetao. Keniʼa hosu vekamo mafaʼneʼamo maiʼneno aganaʼamoʼmo kamitimo amagiʼnigeno faliʼniye. Na kava higeno kamitimo amagiʼniye. Keniʼa hosu kavaʼmo huʼnigeno aganaʼamoʼmo fatago kavaʼmo huʼniyaʼmofeʼmo kamitimo amagiʼnigeno faliʼniye.

1 Yoni 3:12 ပူးပေါင်းရင်းမြစ်များ

Aepa Gemae 4:25

Henagaʼamo Atamu aʼaʼeʼmo magokepi lokaeno havaeʼnigeno ve mafaʼnemo alino atetenoʼaeʼmo agiʼamo Setiʼae huno ateʼniye. Keniʼa Evoʼmo amagiʼniya vekamo aimuʼyaleʼmo maisiyafeʼmo Gotiʼa ani mafaʼneʼnimo lekana paino ateʼniyaʼmofeʼmae huteno agiʼamo Setiʼae huno ateʼniye. Setiʼae agimo aepaʼamo haneʼniyana lekana paino ateʼniya vekamae.

Samu 37:12

Hosu vayaʼmogimo fatago vayaʼaitegamo hosu kavaʼmo hisayafeʼmo ina kava hugune, ma kava hugune, huʼa huteʼa maiʼneʼapaeʼmo hosu apaugosamo kaliteʼa maku make huʼa neʼapatae.

Samu 38:20

Nagaemo alagepa kateʼmo visuvafeʼmo nehuvaʼmofeʼmo kame huʼa nateteʼa alagepa kavaʼnimo anonaʼnilefeʼmo nagaetegamo hosu kavaʼmo nehae.

Mai'naya kavane 27:4

Apaipamo neleya vayaʼmogimo hapau huʼa oʼapateʼa apaipa nelegeʼa apaya mukiki huʼa vayaʼmo aeʼa neʼapaka sayaʼmonanafa aeʼa apaka seʼnaya vayaʼaifeʼmo hosu apaipamo nekaliya kavaʼmoʼa magoʼe huno aeno agaseʼniye.

Mai'naya kavane 29:10

Kamitimo apamagisayafeʼmo nehaya vayaʼmogimo vaiʼmo oʼaliʼniya vekaeʼmo nohapaiyaʼmonanafa fatago vayaʼmogimo ha maesayafeʼmo maiʼnae.

Mai'naya kavane 29:27

Fatago vayaʼmogimo aigofe vayaʼaifeʼmo ohapauʼnigeʼa apavenatuʼnaʼmo heʼa atalegekana huʼa neʼapatalae. Hosu vayaʼmogimo fatago vayaʼaifeʼmo ohapauʼnigeʼa apavenatuʼnaʼmo heʼa atalegekana huʼa neʼapatalae.

Matiyu 13:19

Mago vayaʼmogi Gotiʼa yagaino neʼapateya kavafeʼmo ava gemo afiteʼapaeʼmo alagepa huʼa noʼafisayana hosu vekamoʼmo eno apaipafiʼmo hakaleʼniya avina yaʼmo hapa faleno alinino neʼviye. Ina kava huno kateʼmo asagauno aiʼniya avina yakana huno haneʼniye.

Matiyu 13:38

Hoyamo haneʼniya kava huno muki ma mopamo haneʼniye. Alagepa avina yaʼmo haneʼniya kava huʼa Gotiʼa yagaino neʼapateya vayaʼmo maiʼnae. Hosu inoʼmo haneʼniya kava huʼa hosu vekamo vayaʼamo maiʼnae.

Matiyu 23:35

Ani kava hugayaʼmofeʼmo muki vayaʼmo hapaeʼnaya kavatetiʼmo vaiʼmo lapamigiye. Fatago vekamo Evoʼmo haege hosu kavaʼmo osuʼnaya vayaʼmo hapaeme hapaeme ege Melekaiya mafaʼnemo Sekalaiyaʼmo alopa mono noʼe ofalini nehaya hiʼyalamuʼeʼmo haneʼnaʼa folagapiʼmo kamitimo amagige huʼnae.

Matiyu 27:23

Gamani vekamoʼmo, Na kava huʼnigetapaene. Haiya hosu kavaʼmo huʼniye, huno apafi geʼnigeʼapaeʼmo alopa gefatiʼmo magoʼe magoʼe huʼa huʼapaeʼmo, malipu yosaleʼmo nili aiyo, nili aiyo, huʼa ha paiʼnae.

Matiyu 5:37

He, nehutapaeʼmo heʼagekeʼmo hiyo. Haʼao, nehutapaeʼmo haʼaoʼagekeʼmo hiyo. Magoʼe huta hosu agufa gemo nehaya gemo alagi hosu vekalegatiʼmo neʼe.

Luki 11:51

Hogoteʼa Evoʼmo haeteʼa magoʼe vayaʼmo hapaeme hapaeme eʼa henagaʼamo Sekalaiyasiʼa mono no kumateʼmo haeʼnae. He, lapa paiʼnaeʼmo, Gotiʼa hemeni afinaʼmo maiʼnaya vayaʼmo ani kavatefeʼmo agoti huno apategaiye.

Yoni 10:32

Yesuʼa hunoʼaeʼmo, Nagaemo asole alagepa kavaʼmo Afoʼnimoʼmo huvo, huno naha paiʼniya kavaʼmo huʼna lapave liʼnove. Muki nehuva kavapatiʼmo haiya agufa kavatefeʼmo lapakesa afitetapaeʼmo namagisayafeʼmo nehae, huno apafi geʼnigeʼapaeʼmo,

Yoni 8:40

Gotiʼa naha paiʼnigeʼna afiteʼnaeʼmo alagi lama gemo lapa nepauvaʼmonanafa lapakaemo namagisayafekeʼmo nehae. Emalehamuʼa ani agufa kavaʼmo osuʼniye.

Yoni 8:41

Lapakaemo afotapimoʼa nehiya agufa kavaʼmo nehae, huno hapa paiʼnigeʼapaeʼmo, Afotimoʼmo magoke vekamo Gotiʼa maiʼniye. Megusa mafaʼnemo oʼmaiʼnone, huʼa ha paiʼnagenoʼaeʼmo,

Apa 7:52

Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.

1 Tesaloniyani 2:14

Yutiya kotega vayaʼmo Kalaisi Yesupiʼmo maiʼnaya siosi vayaʼmogimo kana yaʼmo aliʼnae. Yu vayaʼmo vayaʼapimogimo kana yaʼmo aliʼa apamiʼnaya kava huʼa vayatapimogimo kana yaʼmo aliʼa lapamiʼnae. Konagatimogitapae, huta, ani kavaʼmo hutapa maiʼnetapaeʼmo Goti siosi vayaʼamo apakame hutapa maiʼnae.

Himulu 11:4

Evoʼa agesamo afino fatago huʼniya kavatetiʼmo alagepa ofalinimo Keni ofalinimo ago aeno agaseʼniya ofalinimo Gotina amiʼniye. Gotina amiʼniya ofalinieʼmo agesamo afinoʼaeʼmo, naulagaleʼmo fatago vekamo maiʼnane, huno ha paiʼniye. Evoʼa ago faliʼniyaʼmonanafa hemenimo agesamo afino fatago huʼniya kavatetiʼmo ge nehiye.

Himulu 12:24

Yesuʼa folagapi vekamo saufa kotalakemo hu maleʼniya vekalegamo eʼnae. Kolaʼaletiʼmo aino fuli fuli huno faleno apateʼniya kolaʼalegamo eʼnae. Ani kolaʼmoʼa Evo kolaʼmo ago aeno agaseʼniyaʼmofeʼmo hosu kavafeʼmo ge nosifa alagepa kavafekeʼmo ge nehiye.

1 Pita 4:4

Hemenimo lapakaemo Satani vayaʼeʼmo ani agufa hosu kavaʼmo afela vayaʼai kavaʼmo nosayaʼmofeʼmo Satani vayaʼmogi hapau aiteʼa huʼa faipa huʼa nelapatae.

1 Yoni 3:8

Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.

Leveleseni 17:6

Ani a kanomoʼmo asole apaote vayaʼmo nefaliya kavaʼmo aepa a kanomo maiʼnenoʼaeʼmo Yesu agiʼalefeʼmo faliʼnaya vayaʼai kolaʼapimo neteno negi nagi huʼnigeʼna ageʼnove. Ageteʼnaeʼmo lusi kava huʼna nahau aiʼnove.