1 Yoni 2:7 - The Keyagana NT and 25 OT books

⁷ Naganaʼnimogitapae, huʼna, nagaemo saufa keʼaepa gemo lapakaefeʼmo avoʼmo nokaofa atafa keʼaepa gemo akeyaʼvilagamo aepa faitapa afiʼnaya afinatetiʼmo afiʼnaya gemo lapakaefeʼmo avoʼmo nekaove. Lapakaemo mani atafa keʼaepa gemo aepa faiʼnaya afinatetiʼmo afime afime eʼnae.

1 Yoni 2:7 ပူးပေါင်းရင်းမြစ်များ

Matiyu 5:43

Akeyaʼvilaga vayaʼmogimo huʼapaeʼmo, lapaopaleʼmo maiʼnaya vayaʼaifeʼmo lapau lapayamopafiʼmo lapauʼninagetapa kame vayatapieʼmo lapaini huta hiyo, huʼa lapa paiʼnageta ago afiʼnae.

Yoni 13:34

Hemenimo mago saufa keʼaepa gemo lapa nepauve. Konagatapimogifeʼmo lapau lapayamopafiʼmo lapaino. Lapakaefeʼmo nahau nayamopafiʼmo nahauʼniya kava huno konagatapimogifeʼmo lapau lapayamopafiʼmo lapaino.

Apa 17:19

Apakaemo Polofeʼmo, alita anupa huta neʼmauna yategaeʼmo agiʼamo Aliyopagasigayagamo kagaemo eka saufa gemo nehana gemo laha paisanageta afigunanagi eno.

Himulu 6:9

Lahauʼniya vayaʼmogitapae, huta, mani gemo nehunaʼmonanafa hosu mopagana hutapa oʼmaiʼnae, huta lagesamo neʼafune. Gotiʼa apakufamo alino katino neʼapateya vayaʼai apaipafiʼmo alino neʼmaleya yaʼmo hogote yaʼmo lapaipafiʼmo ago alino maleʼniya vayaʼmo maiʼnae, huta lokiya vaita lagesamo neʼafune.

1 Yoni 2:24

Ani gemo haneʼniyaʼmofeʼmo lapakaemo hogotetapa aepa faitapa afiʼnaya afinatetiʼmo afiʼnaya gemo lapaipafiʼmo alagi hanesiyafeʼmo atafauta alagi hiyo. Aepa faitapa afiʼnaya afinatetiʼmo afiʼnaya gemo lapaipafiʼmo alagi haneʼnisiyaʼmoʼmo Mafaʼneʼafiʼe Afoʼamopiʼeʼmo alagi maigae.

1 Yoni 3:11

Lapakaemo aepa faiʼnaya afinatetiʼmo, konagatapieʼmo lapau lapayamopafiʼmo lapaino, huta lapa paiʼnonagetapa afiʼnae.

1 Yoni 3:2

Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.

1 Yoni 3:21

Nahauʼniya vayaʼnimogitapae, huʼna, Yuʼilaga mafaʼnetimoʼmo hosu kavaʼmo nehae, huno nosisiyana lagaemo Gotiʼa laha maegaiye, huta ago afiʼnone.

1 Yoni 3:23

Goti keʼaepa geʼamoʼmo hunoʼaeʼmo, mafaʼneʼnimo Yesu Kalaisi agiʼalefeʼmo lapakesamo afita fatago hutetapaeʼmo konagatapimogifeʼmo lapaino, huno laha paiʼniye.

1 Yoni 4:1

Nahauʼniya vayaʼnimogitapae, huʼna, Asole aigofe vayaʼmogi gemo aeʼa hakalo huʼa hapa nepaiya vayaʼmo muki ma mopafiʼmo umenitata nehae. Umenitata nehayanagi lama gemo nehae, huta oʼafitapa alagepa huta alita fako hutapa afitetapaeʼmo, Gotitegatiʼmo eʼnafi oʼmeʼnafi, hutapa afiyo.

1 Yoni 4:11

Nahauʼniya vayaʼmogitapae, huʼna, Gotiʼa lagaefeʼmo hau ayamopafiʼmo hauʼniyaʼmofeʼmo konagatimogifeʼmo lahau layamopafiʼmo lahaino.

1 Yoni 4:21

Gotiʼa mani keʼaepa geʼaeʼmo, Lapakaemo Gotifeʼmo lapau lapayamopafiʼmo lahapausigeno konagatapimogiʼefeʼmo lapau lapayamopafiʼmo lapaino, huno laha paiʼniye.

1 Yoni 4:7

Nahauʼniya vayaʼmogitapae, huʼna, Hapau apayamopafiʼmo nehapaiya kavaʼmo afoʼamoʼmo Gotiʼa maiʼniyaʼmofeʼmo konagatimogifeʼmo lahau layamopafiʼmo lahaino. Muki vayaʼmo hapau apayamopafiʼmo nehapaiya vayaʼmo Gotiʼa alino apateʼnigeʼa mafaʼneʼamo maiʼneʼa Gotiʼa ageʼa aeto huʼnae.