1 Yoni 2:6 - The Keyagana NT and 25 OT books

⁶ Agaepiʼmo alagi maiʼnone, huʼa nehisaya vayaʼmogimo Yesuʼa huʼniya kavaʼmo akame huʼa hugae.

1 Yoni 2:6 ပူးပေါင်းရင်းမြစ်များ

Samu 85:13

Fatago kavaʼmo hogoteno neʼvisigenoʼaeʼmo agaemo egaiye. Fatago kavaʼamo aiyakamo alisunafeʼmo kaʼmo valino lategaiye.

Matiyu 11:29

Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Yoni 13:15

Mani hemenimo hugetapa agaya agufa kavaʼmo hisayafeʼmo huʼna lapave liʼnovanagi mani agufa kavaʼmo hiyo.

Yoni 15:10

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

1 Kolitiyani 11:1

Kalaisiʼmo akame nehuva kavaʼmo hutapa nakame hiyo.

Efasasi 5:2

Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

1 Pita 2:21

Gotiʼa ani kavaʼmo hisayafeʼmo lapakaefeʼmo keya aeno ge huʼniye. Kalaisiʼa mani agufa kavaʼmo huʼniyaʼmofeʼmae. Kalaisiʼa lagaetefeʼmo hanageke yaʼmo aliʼniyanageta akame hisuna kavaʼmo ago hu maleʼniyaʼmofeʼmo akame hisuna kavaʼmo huʼniye.

1 Yoni 2:28

Aise mafaʼneʼnimogitapae, huʼna, Eminesigetaeʼmo lokiya vaita maiʼneta fala okisunageno aulagaleʼmo lavagage osisiyafeʼmo hemenimo agaepiʼmo alagi maigetao.

1 Yoni 2:4

Mago vekamoʼmo, ageʼna aeto huʼnove, huno nehunoʼaeʼmo Goti keʼaepa geʼamo akame nosisiyana agaemo aigofe vekamo maiʼnigeno lama gemo aipafiʼmo alagi ohaneʼniye.

1 Yoni 3:24

Muki vayaʼmo keʼaepa geʼamo akame nehaya vayaʼmo Gotipiʼmo alagi maiʼnageno apakaepiʼmo alagi neʼmaiye. Ani kavatetiʼmo ageʼnonana Gotiʼa lamiʼniya Aunemeʼaletiʼmo lagaepiʼmo alagi neʼmaiye.

1 Yoni 3:6

Muki vayaʼmo agaepiʼmo alagi maiʼnaya vayaʼmogimo hosu kavaʼmo nosae. Hosu kavaʼmo nehaya vayaʼmogimo Kalaisiʼa oʼagege ageʼa aeto osuge huʼnae.

1 Yoni 4:17

Gotiʼa agoti huno apatesiya afinaʼmo lagaemo koli osisunafeʼmo Gotiʼa lagaefeʼmo hau ayamopafiʼmo hauʼniya kavaʼamoʼmo laipafiʼmo kosino ago afu leʼniye. Hemenimo Kalaisiʼa maiʼniya kava huta ma mopafiʼmo maiʼnonaʼmofeʼmo agoti huno apatesiya afinafeʼmo koli osugune.