1 Yoni 2:5 - The Keyagana NT and 25 OT books

⁵ Ohaneʼniyaʼmonanafa muki vayaʼmogi Goti geʼamo akame nehaya vayaʼmogimo Gotifeʼmo hapau apayamopafiʼmo nehapaiya kavaʼapimoʼmo uno haino hapaiʼniye. Ani kavatetiʼmo ago ageʼnonana agaepiʼmo maiʼnone.

1 Yoni 2:5 ပူးပေါင်းရင်းမြစ်များ

Samu 105:45

Geʼamo afiteʼa keʼaepa geʼamo akame hisayafeʼmo ani kavaʼmo huʼniye. Ala kava neʼmo agiʼaleʼmo alita asaga huta ateyo.

Samu 106:3

Geʼamo afiteʼa muki afinaʼmo akame huʼa alagepa kavaʼmo nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:146

Nagaemo, Nagufamo alika katika nategeʼnao kavayafatiʼmo huʼnana keʼaepa gekamo akame hino, huʼna kagaefeʼmo ge nehuve.

Samu 119:2

Avayafatiʼmo huʼniya keʼaepa geʼamo akame huge agesayafeʼmo muki apaipafatiʼmo kahauya huge huʼa neʼmaiya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:4

Kagaemo, lapayamukiki hutapa geʼnimo akame hiyo, huka huʼnane.

Mai'naya kavane 28:7

Keʼaepa gemo akame nehiya mafaʼnemoʼmo gemo afino aeto nehiyaʼmonanafa muki afinaʼmo alopa yagita huʼa neʼnaya vayaʼmogi konagaʼapimo afoʼamoʼmo avagage yaʼmo alino neʼamiye.

Mai'naya kavane 8:32

Mafaʼneʼnimogitapae, huʼna, Geʼnimo akame nehaya vayaʼmo aliʼna auleʼna neʼapatovaʼmofeʼmo geʼnimo afiyo.

Luki 11:28

Yesuʼa hunoʼaeʼmo, lama gemo nehanaʼmonanafa Goti geʼamo afiteʼa akame nehaya vayaʼmo alino auleno apateʼniye, huno ha paiʼniye.

Yoni 14:21

Vayaʼmogi keʼaepa geʼnimo ma kava hiyo, ina kava osiyo, huʼna hapa nepauva gemo afiteʼa akame nehaya vayaʼmogi nagaefeʼmo hapau apayamopafiʼmo nehapaiya vayaʼmo maiʼnae. Afoʼnimoʼmo nagaefeʼmo hapau apayamopafiʼmo nehapaiya vayaʼaifeʼmo ani kavakeʼmo huno hau ayamopafiʼmo hauʼnisigeʼna nagaeʼeʼmo ani kavakeʼmo huʼna nahau nayamopafiʼmo nahauʼnisigeʼna nagaiʼnimo aliʼna apave lisugeʼa nagegae, huno hapa paiʼnigeno

Yoni 14:23

Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

Yoni 15:5

Nagaemo nofiʼagana huʼna maiʼnogetapa nofi akopaʼagana hutapa maiʼnae. Naote maige lapaote maige huʼnisunana lapakaemo mago kavaʼmo afaʼa osugayaʼmofeʼmo nagaepiʼmo alagi maiʼnisageʼna lapakaepiʼmo alagi maiʼnisugetapaeʼmo asole alagamo afaʼa aegae.

Yoni 6:56

Ina lagimo nameʼniʼe kolaʼniʼeʼmo neʼnisafigeʼa nagaepiʼmo maiʼnageʼna apakaepiʼmo maiʼnove.

Lomu 8:1

Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

1 Kolitiyani 1:30

Gotiʼa Kalaisi Yesupiʼmo faleno lapateʼnigetapa maiʼnae. Gotiʼa Kalaisiʼmo alino hamaleno ateʼniyanageta Gotitegatiʼmo ageteta afisuna agufa kavaʼmo hamaleʼniye. Ina kava huno Kalaisiʼa Goti aulagaleʼmo fatago vayaʼmo maisunafeʼmo fatago kavatimo maiʼniyanageno hemenimo magoʼe magoʼe huno alino alagepa huno nelateyanageno muki hosu kavapatiʼmo lagufamo alino katino lategaiye.

2 Kolitiyani 5:17

Gotiʼa ina lagimo Kalaisipiʼmo maiʼnisafi ago saufa vayaʼmo alo huno apateʼniye. Afiyo, huʼna, atafa kavaʼapimo ago hano huʼnigenoʼaeʼmo muki saufa kavaʼapimo afole aiʼniye.

2 Kolitiyani 5:21

Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.

Yemisi 2:22

Lapakaemo ago afiʼnayana agesamo afino fatago huʼniya kavaʼamoʼe alagepa kava huʼniya kavaʼamoʼeʼmo magokepi lokaeʼana aliʼyaʼmo aliʼnaʼageno alagepa kavaʼaletiʼmo agesamo afino fatago huʼniya kavaʼamoʼa ko sino afu leʼniye.

1 Yoni 3:24

Muki vayaʼmo keʼaepa geʼamo akame nehaya vayaʼmo Gotipiʼmo alagi maiʼnageno apakaepiʼmo alagi neʼmaiye. Ani kavatetiʼmo ageʼnonana Gotiʼa lamiʼniya Aunemeʼaletiʼmo lagaepiʼmo alagi neʼmaiye.

1 Yoni 4:17

Gotiʼa agoti huno apatesiya afinaʼmo lagaemo koli osisunafeʼmo Gotiʼa lagaefeʼmo hau ayamopafiʼmo hauʼniya kavaʼamoʼmo laipafiʼmo kosino ago afu leʼniye. Hemenimo Kalaisiʼa maiʼniya kava huta ma mopafiʼmo maiʼnonaʼmofeʼmo agoti huno apatesiya afinafeʼmo koli osugune.

1 Yoni 4:18

Gotiʼa lagaefeʼmo hau ayamopafiʼmo hauʼniye, huta huteta agaefeʼmo lahau layamopafiʼmo lahauʼnisiyana koli nosune. Haino hapaiʼniya hau ayamopafiʼmo hauʼniya kavaʼaletiʼmo lamoʼya neʼaiya kavatimo laipafatiʼmo alino neʼatale. Apamoʼya neʼaiya kavaʼmo aepaʼamo haneʼniyana hosu kavaʼmo nehunaʼmofeʼmo hosu miyatimo aligune, huʼa apakesamo neʼafiye. Gotiʼa hau ayamopafiʼmo hauʼniya kavaʼamoʼmo koli nehaya vayaʼai apaipafiʼmo kosino afu nole.

1 Yoni 5:2

Lagaemo Gotifeʼmo lahau layamopafiʼmo lahausigeta Goti keʼaepa geʼamo akame nehisunana ani kavatetiʼmo alagi ageʼnonana Goti mafaʼneʼamogifeʼmo lahau layamopafiʼmo nelahaiye.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

2 Yoni 1:6

Gotifeʼmo lahau layamopafiʼmo nelahaiya kavaʼmo Goti keʼaepa geʼamo akame nehuna kavaʼmo haneʼniye. Ani gemo hogoteno aepa faino laha paiʼniya afinatetiʼmo afiʼnaya gemo haneʼniyanagi akame hiyo.

Leveleseni 12:17

Nagaloʼyavemoʼmo a kanoeʼmo lusi kava huno aipamo leno ateteno a kanomo mafaʼneʼamogimo Goti geʼamo akame huteʼa Yesuʼmo alino apave liʼniya gemo oʼataleʼa atafauʼa alagi nehaya vayaʼaitegamo kame huno apatesiyafeʼmo uʼniye.

Leveleseni 14:12

Huno huʼniyaʼmofeʼmo apaote vayaʼmogi Goti keʼaepa geʼamo akame huteʼa Yesuʼmo oʼataleʼa agaefeʼmo apakesamo afiʼa fatago nehaya vayaʼmogimo oʼataleʼa lokiya vaiʼa maiyo.